ନୀଳଗିରି: ନୀଳଗିରି ବ୍ଲକ ପୁନଦାଳ ମାଟିର ସନ୍ତାନ ଓଡିଶା ପବ୍ଲିକ ସର୍ଭିସରେ କୃତକାର୍ଯ୍ୟ କରିଛନ୍ତି। ଆଜି ଫଳାଫଳ ପ୍ରକାଶ ପରେ ଗାଁରେ ଖୁସିର ଲହରୀ ଖେଳି ଯାଇଛି। ଓଡ଼ିଶା ପବ୍ଲିକ ସର୍ଭିସରେ ସେ ୮୬ ରାଙ୍କ ହାସଲ କରିଛନ୍ତି। ନୀଳଗିରି ବ୍ଲକ ରାଧାକିଶୋରପୁର ପଞ୍ଚାୟତ ରତ୍ନାକର ରଞ୍ଜିତ ଓ ମାତା ସାରବଣିଙ୍କ ପୁତ୍ର ସୌରଭ ରଞ୍ଜିତ ଆଜି ଅଞ୍ଚଳପାଇଁ ଗର୍ବ ଆଣିଦେଇଛନ୍ତି।
ପୁନଦାଳ ହାଇସ୍କୁଲରେ ଦଶମରେ ଉତ୍ତୀର୍ଣ୍ଣ ପରେ ଫକୀର ମୋହନ ଅଟୋନମସ କଲେଜରେ ପଢିଥିଲେ। ସେଠାରୁ ଗ୍ରାଜୁଏସନ ପରେ ନୂଆଦିଲ୍ଲୀ ଜେଏନୟୁରେ ପିଜି କରିଥିଲେ। ପିଲାଟି ଦିନରୁ ପ୍ରଶାସକ ହୋଇ ସାଧାରଣ ଲୋକଙ୍କୁ ସେବା ଯୋଗାଇବା ସ୍ୱପ୍ନ ଆଜି ପୂରଣ ହୋଇଛି। ଆଜି ଏଭଳି ସଫଳତା ର ଶ୍ରେୟ ବାପା ମାଆ ଙ୍କୁ ଦେଇଛନ୍ତି।
