ଭଦ୍ରକ ୨୬।୪: ପୁଅ ଓ ଝିଅର ଭବିଷ୍ୟତ ପାଇଁ ରୋଜଗାର କରୁଥିବା ବାପା ଏବେ ରୋଗଗ୍ରସ୍ତ । ବାପାଙ୍କ ଚିକିତ୍ସା ପାଇଁ ଭିକ୍ଷା ଥାଳ ଧରିଛି ପୁଅ । ଆମେ କହୁଛୁ ଭଦ୍ରକ ଜିଲ୍ଲା ବନ୍ତ ବ୍ଲକ ରାମକୃଷ୍ଣପୁର ଗାଁର ନାରାୟଣ ଜେନାଙ୍କ କଥା । ବୁଢ଼ୀ ମା’, ଦୁଇ ପିଲା ଓ ସ୍ତ୍ରୀଙ୍କୁ ନେଇ ତାଙ୍କ ସଂସାର ଚାଲିଥିଲା । ବଢ଼ିଲା ଝିଅର ବାହାଘର ପାଇଁ ବାପା ଓ ମା’ ସୁଦୂର ବେଙ୍ଗାଲୁରୁକୁ ଯାଇଥିଲେ । କିନ୍ତୁ ଦିନେ ହଠାତ ନାରାୟଣଙ୍କ ପେଟରେ ଯନ୍ତ୍ରଣା ହେଲା । ଡାକ୍ତର କହିଲେ କ୍ୟାନ୍ସର ହୋଇଛି । ସେଇଦିନଠାରୁ ଆରମ୍ଭ ହେଲା ଚିକିତ୍ସା । ଅଧିକ ଟଙ୍କା ନଥିବାରୁ ଅଧା ଚିକିତ୍ସାରୁ ଫେରିଲେ ଗାଁକୁ । ଆଉ ଏବେ ଚିକିତ୍ସାରେ ବନ୍ଧା ପଡିଲା ପୁଅର ଭବିଷ୍ୟତ । ଘରର ଆର୍ଥିକ ସମସ୍ୟା ଏବେ ଅନ୍ଧାରରେ ପକାଇଛି ଛୁଆଙ୍କ ଭବିଷ୍ୟତ ।
{"id":778149,"sizeSlug":"full","linkDestination":"none"}![](https://www.prameyanews7.com/wp-content/uploads/2023/04/vlcsnap-2023-04-26-17h26m09s644-1.png)
ଏମିତି ସ୍ଥିତିରେ ଛୋଟ ପୁଅ ଏବେ ବାପାଙ୍କ ଚିକତ୍ସା ପାଇଁ ଭିକ୍ଷା ଥାଳ ଧରିଛି । ଘର ଘର ବୁଲି ଚାଉଳ ଆଉ ଅର୍ଥ ଭିକ୍ଷା ମାଗୁଛି । ଆଉ ଦିନଯାକର ଭିକ୍ଷା ଆଣି ମା’ ହାତକୁ ଦେଉଛି । ଆଉ ଏମିତି ଅବସ୍ଥା ଦେଖି ମା’ର ଛାତି ଫାଟିଯାଉଛି । କିନ୍ତୁ ସେ କରିବେ ବା କ’ଣ । କାରଣ ପରିସ୍ଥିତି କିଛି ଏମିତି ସ୍ଥିତି କରିଛି ଯେ ଗୋଟିଏ ପଟେ ସ୍ୱାମୀଙ୍କ ଚିକିତ୍ସା ଆଉ ଅନ୍ୟପଟେ ପୁଅର ଭିକ୍ଷା ।
{"id":778151,"sizeSlug":"full","linkDestination":"none"}![](https://www.prameyanews7.com/wp-content/uploads/2023/04/vlcsnap-2023-04-26-17h26m51s512.png)
ଜିଲ୍ଲା ଚିକିତ୍ସାଧିକାରୀ କହିଛନ୍ତି ଯେ, ସରକାରୀ ସୁବିଧା ଉପଲବ୍ଧ ହେଉଛି । ଆହୁରି ଅଧିକ ସହାୟତା ଯୋଗାଇବା ପାଇଁ ଉପରିସ୍ଥ ଅଧିକାରୀଙ୍କୁ ଅବଗତ କରାଯାଇଛି ।
wp:html /wp:html