ମୁମ୍ବାଇ ୦୬।୦୨ : ବଡ ବଡ ବଲିଉଡ ଷ୍ଟାରଙ୍କର ଏବେ ଓ୍ବେଡିଂ ଡେଷ୍ଟିନେସନ ପାଲଟିଛି ରାଜସ୍ଥାନ । ପ୍ରିୟଙ୍କା ଚୋପ୍ରା-ନିକ ଜୋନସ୍, ବିକି କୌଶଲ-କ୍ୟାଟ୍ରିନା କୈଫଙ୍କ ପରେ ପରେ ଏବେ ରାଜସ୍ଥାନରେ ବିବାବ କରିବାକୁ ଯାଉଛନ୍ତି ବଲିଉଡର ଚର୍ଚ୍ଚିତ ଲଭବାର୍ଡ୍ । ଉଭୟ ରାଜସ୍ଥାନ ଜୈସଲମେରର ସୁର୍ଯ୍ୟଗଡ ହୋଟେଲରେ ବିବାହ କରିବେ । ସିଦ୍ଧାର୍ଥ-କିଆରାଙ୍କ ହଳଦି, ମେହେନ୍ଦି, ସଂଗୀତ ସରିଥିବା ବେଳେ ମଙ୍ଗଳବାର ଅର୍ଥାତ୍ ଫେବୃୟାରୀ ୭ରେ ପଡିବ ହାତଗଣ୍ଠି । ଏହି ପ୍ରେମପକ୍ଷୀ ନିଜର ସୁନ୍ଦର ମୁହୂର୍ତ୍ତ ପାଇଁ ବାଛିଛନ୍ତି ସୂର୍ଯ୍ୟଗଡ ପ୍ୟାଲେସ । କିନ୍ତୁ ଜାଣନ୍ତି କି ସୂର୍ଯ୍ୟଗଡ ହୋଟେଲର ଭଡା କେତେ ?
wp:html/wp:html
ସହରଠାରୁ ୧୬ କିଲୋମିଟର ଦୂରରେ ଥିବା ଏହି ପ୍ୟାଲେସ୍ ସାରା ବିଶ୍ୱରେ ପ୍ରସିଦ୍ଧ । ଅଧିକାଂଶ ରୟାଲ ଓ୍ବେଡିଂ ସୂର୍ଯ୍ୟଗଡ ହୋଟେଲରେ ଅନୁଷ୍ଠିତ ହୋଇଥାଏ । ତେବେ ଏପ୍ରିଲରୁ ସେପ୍ଟେମ୍ବର ଯାଏଁ ଗୋଟିଏ ଦିନ ପାଇଁ ପ୍ରାୟ ୧ କୋଟି ୨୦ ଲକ୍ଷ ଟଙ୍କା ଦେବାକୁ ପଡିଥାଏ । ସେହିପରି ପର୍ଯ୍ୟଟନ ଋତୁ ଅର୍ଥାତ୍ ଅକ୍ଟୋବରରୁ ମାର୍ଚ୍ଚ ପର୍ଯ୍ୟନ୍ତ ଦୈନିକ ପ୍ରାୟ ୨ କୋଟି ଟଙ୍କା ଦେବାକୁ ପଡିଥାଏ ଭଡା । ଏଠାରେ ରହିଛି ୮୩ଟି ରୁମ୍ । ଏହି ପ୍ୟାଲେସରେ କେବଳ ରାତ୍ରୀ ଭୋଜନ ପାଇଁ ପ୍ରତ୍ୟେକ ବ୍ୟକ୍ତିଙ୍କୁ ଦେବାକୁ ପଡିଥାଏ ୧୫ ହଜାର ଟଙ୍କା ।
wp:html/wp:html
ତେବେ ଆସନ୍ତୁ ଜାଣିବା କେଉଁ ରୁମ ପାଇଁ କେତେ ଦେବାକୁ ପଡିଥାଏ ଭଡା;-
ଫୋର୍ଟ ରୁମ୍ - ଏହି ରୁମଟି ୨୫୦ ବର୍ଗଫୁଟରେ ନିର୍ମିତ । ଗୋଟିଏ ଦିନ ପାଇଁ 20 ହଜାର ଟଙ୍କା ଦେବାକୁ ପଡିଥାଏ ଭଡା । ଏଥିସହ ଟ୍ୟାକ୍ସ ମଧ୍ୟ ଅଲଗା ଦେବାକୁ ପଡିଥାଏ ।
ହେରିଟେଜ୍ ରୁମ୍ - ଫୋର୍ଟ ରୁମ୍ ଠାରୁ ହେରିଟେଜ୍ ରୁମ୍ ବଡ଼ । ଗୋଟିଏ ଦିନ ପାଇଁ ଭଡା 25 ରୁ 30 ହଜାର ଟଙ୍କା ରହିଛି । ଏଥିସହ ଟ୍ୟାକ୍ସ ରହିଛି ଅଲଗା ।
ପାଭିଲିୟନ୍ ରୁମ୍- ଏହା ତଳ ମହଲାରେ ରହିଛି ଏବଂ ଏଥିରେ ସମସ୍ତ ଆଧୁନିକ ସୁବିଧା ଅଛି । ଏହାର ଗୋଟିଏ ଦିନର ଭଡା ୨୦ରୁ ୨୫ ହଜାର ।
ଏହାପରେ ଆସିବା ସୁଇଟ୍ ଶ୍ରେଣୀକୁ ;-
ସିଗନେଚର୍ ସୁଇଟ୍ - ଏହି ସୁଇଟ୍ରେ ଗୋଟିଏ ଡ୍ରଇଂ ରୁମ ରହିଛି । ଯାହାର ଭଡା ୧୮ରୁ ୩୫ ହଜାର ଟଙ୍କା ଏବଂ ଟ୍ୟାକ୍ସ ଦେବାକୁ ପଡିବ ଅଲଗା
ଲଗଜୁରୀ ସୁଇଟ୍ – ଏହି ସୁଇଟରେ ରହିଛି ଗୋଟିଏ ଡ୍ରଇଂ ରୁମ୍ ଏବଂ 2 ଜଣଙ୍କ ପାଇଁ ଡାଇନିଂ ଟେବୁଲ୍ । ଏହାର ଗୋଟିଏ ଦିନ ପାଇଁ ଟ୍ୟାକ୍ସ ସହ ଭଡା ରହିଛି ୪୫ରୁ ୫୦ ହଜାର ।
ସୂର୍ଯ୍ୟଗଡ ସୁଇଟ୍ – ଏହି ସୁଇଟ୍ ଛାତ ଉପରେ ୧୩୦୦ରୁ ୧୪୦୦ ବର୍ଗମିଟରରେ ନିର୍ମିତ । ଏଥିରେ ଗୋଟିଏ ଡ୍ରଇଂ ରୁମ୍, ଗୋଟିଏ ବେଡ୍ ରୁମ୍ ଏବଂ ଏକ ପର୍ସନାଲ୍ ସୁଇମିଂ ପୁଲ୍ ରହିଛି ।
