ବିବାହ କଲେ ପାକିସ୍ତାନର ପୂର୍ବ କ୍ୟାପଟେନ ଆଫ୍ରିଦିଙ୍କ ଝିଅ, ଭିଡିଓ ଭାଇରାଲ
1/01/2023 at 9:23 AM
ମୁମ୍ଵାଇ ୦୧।୦୧: ପାକିସ୍ତାନର ପୂର୍ବତନ କ୍ରିକେଟର ଶାହିଦ ଆଫ୍ରିଦି। ବର୍ତ୍ତମାନ ତାଙ୍କ ଘରେ ଶାହନାଇ ବାଜିଛି। ତାଙ୍କର ବଡ ଝିଅ ଅକସା ଶାହିଦ ଆଫ୍ରିଦିଙ୍କର ବିବାହ ହୋଇଛି। ଅକସା ଆଫ୍ରିଦିଙ୍କ ୩୦ ଡିସେମ୍ବରରେ କରାଚିରେ ଏକ ଚମତ୍କାର ସମାରୋହରେ ନସିର ନାସିର ଖାନଙ୍କୁ ବିବାହ କରିଥିଲେ। ଆଫ୍ରିଦିଙ୍କ ଘରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ତାଙ୍କର ହେବାକୁ ଥିବା ଜ୍ୱାଇଁ ଏବଂ ପାକିସ୍ତାନର ଦ୍ରୁତ ବୋଲର ଶାହିନ୍ ଆଫ୍ରିଦି ମଧ୍ୟ ଉପସ୍ଥିତ ଥିଲେ। ବିବାହ ସମୟରେ ଏକ ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେବାରେ ଲାଗିଛି।
ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଭିଡିଓରେ ଦେଖିବାକୁ ମିଳିବ ଯେ ଆଫ୍ରିଦି ଏବଂ ଶାହିନ୍ ଏକାଠି ଠିଆ ହୋଇଛନ୍ତି। ମୌଲଭି ନାସିରଙ୍କୁ ନିକାହ ପଢୁଥିବାର ନଜର ଆସୁଛନ୍ତି। ଶାହିଦ ଆଫ୍ରିଦିଙ୍କ ବଡ ଜ୍ୱାଇଁଙ୍କ ନାମ ନସିର ନାସିର ଖାନ। ପୂର୍ବରୁ ବିବାହ କାର୍ଡ ଭାଇରାଲ ମଧ୍ୟ ହୋଇଥିଲା। ଏହି ବିବାହ ଉତ୍ସବରେ ଶାହିଦଙ୍କ ପରିବାର ଏବଂ ଘନିଷ୍ଠ ବନ୍ଧୁମାନେ ଯୋଗ ଦେଇଥିଲେ। ପରେ ଏକ ଗ୍ରାଣ୍ଡ ରିସେପ୍ସନ୍ ଅନୁଷ୍ଠିତ ହେବ ।
ଭିଡିଓରେ ଶାହିଦଙ୍କ ଦ୍ୱିତୀୟ ଜ୍ଵାଇଁ ଶାହିନ୍ ଶାହା ଆଫ୍ରିଦିଙ୍କୁ ମଧ୍ୟ ଫ୍ରେମରେ ଦେଖିବାକୁ ମିଳିବ। ଶାହିନ୍ ଖୁବ୍ ଶୀଘ୍ର ଶାହିଦ ଆଫ୍ରିଦିଙ୍କ ଦ୍ୱିତୀୟ ଝିଅ ଅଂଶାଙ୍କୁ ବିବାହ କରିବେ। ଖବର ଅନୁଯାୟୀ, ପାକିସ୍ତାନ ସୁପର ଲିଗର ପରବର୍ତ୍ତୀ ସିଜିନ ଆରମ୍ଭ ପୂର୍ବରୁ ଫେବୃଆରୀ ୩ରେ କରାଚିର ଆଦିବାସୀ ପରମ୍ପରା ଅନୁଯାୟୀ ଶାହିନ୍ ଏବଂ ଅଂଶାଙ୍କ ନିକା ସମାରୋହ ଅନୁଷ୍ଠିତ ହେବ।
Related Posts
