ବିଶ୍ୱର ସବୁଠୁ ସେକ୍ସି ଚନ୍ଦା ବ୍ୟକ୍ତିର ଟାଇଟଲ ଜିତିଛନ୍ତି ବ୍ରିଟେନ ରାଜକୁମାର ପ୍ରିନ୍ସ ୱିଲିୟମ୍ । ଗୁଗଲ୍ ସର୍ଚ୍ଚ ଉପରେ ଆଧାରିତ ଏକ ନୂଆ ଅଧ୍ୟୟନରେ ତାଙ୍କୁ ‘ସେକ୍ସିଏଷ୍ଟ ବାଲ୍ଡ ମ୍ୟାନ୍ ଅଫ୍ ୨୦୨୩’ ଟାଇଟଲ ମିଳିଛି । ମାର୍କେଟିଂ ଏଜେନ୍ସି ରିବୁଟ୍ ଏହି ଅଧ୍ୟୟନ କରିଥିଲା । ‘ସାର୍ଟଲେସ୍’ କିମ୍ବା ‘ନେକେଡ୍’ ଭଳି ଶବ୍ଦ ସହିତ ଗୁଗଲ୍ରେ କେତେ ଥର ପ୍ରିନ୍ସ ୱିଲିୟମ୍ଙ୍କୁ ଲୋକେ ଖୋଜିଛନ୍ତି, ତା’ର ବିଶ୍ଳେଷଣ ଜରିଆରେ ଏହି ଟାଇଟଲ ତାଙ୍କୁ ମିଳିଛି । ସେଲିବ୍ରିଟିଙ୍କ ଉଚ୍ଚତା, ସମ୍ପତ୍ତି ସମେତ ସେମାନଙ୍କ ମୁଣ୍ଡର ଖପୁରି କେତେ ଚିକ୍ଚିକ୍ କରୁଛି, ଅଧ୍ୟୟନରେ ତାହା ଯାଞ୍ଚ୍ କରାଯାଇଥିଲା ।
ଏ ସମସ୍ତ ଆଧାରରେ ମୋଟ୍ ସେକ୍ସି ଅଙ୍କ ୧୦ରୁ ସେମାନଙ୍କୁ ଅଙ୍କ ଦିଆଯାଇଥିଲା । ତାଲିକାରେ ପ୍ରିନ୍ସ ୱିଲିୟମ୍ ୧୦ରୁ ମୋଟ୍ ୯.୮୮ ଅଙ୍କ ସହିତ ଶୀର୍ଷ ସ୍ଥାନ ହାସଲ କରିଛନ୍ତି । ଅଧ୍ୟୟନ ଅନୁସାରେ, ପ୍ରିନ୍ସ ୱିଲିୟମ୍ଙ୍କ ମୋଟ୍ ସମ୍ପତ୍ତି ପ୍ରାୟ ୧୦ କୋଟି ଡଲାର । ତାଙ୍କ ଉଚ୍ଚତା ୧.୯୧ ମିଟର । ‘ସାର୍ଟଲେସ୍’ ଓ ‘ନେକେଡ୍’ ଶବ୍ଦ ସହିତ ବର୍ଷକୁ ତାଙ୍କୁ ୩୭,୨୦୦ ଥର ଗୁଗଲ୍ରେ ଖୋଜାଯାଇଛି । ସ୍ୱର ଆକର୍ଷଣୀୟତାରେ ପ୍ରିନ୍ସ ୱିଲିୟମ୍ ୧୦ରୁ ୯.୯୧ ଅଙ୍କ ପାଇଛନ୍ତି । ଉଜ୍ଜ୍ୱଳତା ମାମଲାରେ ସେ ୧୦ରୁ ୮.୯୦ ଅଙ୍କ ହାସଲ କରିଥିଲେ ।
ଏହି ଟାଇଟଲ ଜରିଆରେ ୱିଲିୟମ୍ ଗତ ବର୍ଷର ସବୁଠୁ ସେକ୍ସି ଚନ୍ଦା ପୁରୁଷ ହଲିଉଡ୍ ସୁପର୍ଷ୍ଟାର ଭିନ୍ ଡିଜେଲଙ୍କୁ ପଛରେ ପକାଇଛନ୍ତି । ଏଥର ଭିନ୍ ୨ୟ ଓ ସୁପର୍ଷ୍ଟାର ଜାସନ୍ ଷ୍ଟାଥମ୍ ୩ୟ ସ୍ଥାନ ହାସଲ କରିଛନ୍ତି । ସାମୁଏଲ ଏଲ୍ ଜ୍ୟାକ୍ସନ ଚତୁର୍ଥ ସ୍ଥାନ ପାଇଛନ୍ତି । ଆମାଜନ୍ ପ୍ରତିଷ୍ଠାତା ଜେଫ୍ ବେଜୋସ ୧୦ରୁ ୭.୧୨ ଅଙ୍କ ପାଇ ପଞ୍ଚମ ସ୍ଥାନରେ ଅଛନ୍ତି ।
wp:embed {"url":"https://www.prameyanews7.com/dhoom-fame-director-sanjay-gadhvi-passed-away/","type":"wp-embed","providerNameSlug":"prameya-news-7"}
