କୋଲକାତା, ୩୦|୦୪:   ପଶ୍ଚିମବଙ୍ଗର ସୁନ୍ଦରବନରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଗୋଟିଏ ମହାବଳ ବାଘ ମାଛଧରା ଡଙ୍ଗା ଉପରକୁ ଡେଇଁବା ସହ ୪୫ ବର୍ଷୀୟ ଜଣେ ମତ୍ସ୍ୟଜୀବୀଙ୍କୁ ଜଙ୍ଗଲ ମଧ୍ୟକୁ ଟାଣି ନେଇଛି ।

{"id":262727,"width":693,"height":407,"sizeSlug":"large"}

ସୂଚନାନୁସାରେ, ରାଜ୍ୟର ୨୪ ପ୍ରଗଣା ଜିଲ୍ଲା ଅନ୍ତର୍ଗତ ଗୋସବା ଲାହିରିପୁର ଗ୍ରାମରେ ୩ଜଣ ମତ୍ସ୍ୟଜୀବୀ ବୁଧବାର ସକାଳେ ମାଛ ମାରିବା ପାଇଁ ସୁନ୍ଦରବନରେ ପ୍ରବେଶ କରିଥିଲେ । ସେମାନେ କାଲିଚରରେ ମାଛ ମାରୁଥିଲେ । ଏହି ସମୟରେ ଏକ ମହାବଳ ବାଘ ଡଙ୍ଗାକୁ ଡେଇଁବା ସହ ସୁଜିତ ମଣ୍ଡଲ ନାମକ ଜଣେ ମତ୍ସ୍ୟଜୀବୀଙ୍କୁ ଜଙ୍ଗଲ ମଧ୍ୟକୁ ଟାଣି ନେଇଥିଲା ।

{"id":262728,"width":686,"height":386,"sizeSlug":"large"}

ସୁଜିତଙ୍କ କ୍ଷତବିକ୍ଷତ ମୃତଦେହ ଉଦ୍ଧାର କରାଯାଇଛି । ଘରେ ତାଙ୍କର ପତ୍ନୀ ଓ ଏକ ପୁତ୍ର ରହିଛନ୍ତି । ତେବେ ସୁନ୍ଦରବନ ବିଶ୍ୱର ସବୁଠାରୁ ବିସ୍ତୀର୍ଣ୍ଣ  ଲୁଣା ଜଙ୍ଗଲ । ଏହା ଭାରତ ଓ ବାଂଲାଦେଶରେ ମଧ୍ୟ ବ୍ୟାପିଛି । ଏଠାରେ ଅଧିକ ସଂଖ୍ୟାକ ମହାବଳ ବାଘ ବାସ କରନ୍ତି ।