ମୁମ୍ଵାଇ ୦୨।୦୩: ଦେଶାତ୍ମବୋଧ ଫିଲ୍ମ ପ୍ରତି ସିଦ୍ଧାର୍ଥ ମଲହୋତ୍ରାଙ୍କର ରହିଛି ଖାସ୍ ରୁଚି । ୨୦୨୧ରେ ମୁକ୍ତିଲାଭ କରିଥିବା ଫିଲ୍ମ ‘ଶେର୍ଶାହ’ର ସଫଳତା ପରେ ସେ ପୁଣି ଥରେ ଆଉ ଏକ ଦେଶାତ୍ମବୋଧ ଫିଲ୍ମରେ ନଜର ଆସିବେ । ଏହାର ଟାଇଟଲ ହେଉଛି ‘ଯୋଦ୍ଧା’ । ଏଥର ତାଙ୍କ ଅପୋଜିଟ୍ରେ ଲିଡ୍ ଲେଡି ଭୂମିକାରେ ଅଛନ୍ତି ସାଉଥ୍ ସିନେ ଇଣ୍ଡଷ୍ଟ୍ରିର ଜଣାଶୁଣା ଅଭିନେତ୍ରୀ ରାଶି ଖାନ୍ନା । ଏନେଇ ଏକ ଗଣମାଧ୍ୟମ ସହ ବାର୍ତ୍ତାଳାପରେ ସେ ଫିଲ୍ମ ସାଇନ୍ କରିବାର କାରଣ ବିଷୟରେ କହିଛନ୍ତି ।
ଏବେ ସେ ନିଜକୁ ଜଣେ ନବାଗତା ବୋଲି ଅନୁଭବ କରୁଛନ୍ତି । ମୁଖ୍ୟତଃ ଦକ୍ଷିଣ ଭାରତୀୟ ଫିଲ୍ମରେ କାମ କରୁଥିବା ରାଶିଙ୍କୁ ଲୋକେ ସର୍ବଦା ପଚାରୁଥିଲେ, ହିନ୍ଦୀ ଫିଲ୍ମକୁ କେବେ ଆସିବେ? ଯଦି ଚରିତ୍ର ତାଙ୍କର ମନକୁ ଯିବ, ତେବେ ନିଶ୍ଚୟ ଆସିବେ ବୋଲି ସେ ଜବାବ ଦେଉଥିଲେ । ‘ଯୋଦ୍ଧା’ର କାହାଣୀ ଶୁଣିବା ପରେ ତାହା ପୈସା ୱସୁଲ ଫିଲ୍ମ ବୋଲି ତାଙ୍କର ବିଶ୍ୱାସ ହେଲା । କିନ୍ତୁ ଫିଲ୍ମରେ କାମ କଲା ବେଳେ ଟିକିଏ ନର୍ଭସ ଥିଲେ।
wp:html/wp:html
କାରଣ ଏଥିରେ ଥ୍ରିଲର୍, ରୋମାନ୍ସ, ଆକ୍ସନ୍ ସବୁ କିଛି ଅଛି । ପୁଷ୍କର ଓଝା ଓ ସାଗର ଆମ୍ବ୍ରେଙ୍କ ନିର୍ଦ୍ଦେଶିତ ଏହି ଫିଲ୍ମର ପ୍ରଯୋଜନା ଦାୟିତ୍ୱରେ ଅଛି ଧର୍ମା ପ୍ରଡକ୍ସନ୍ସ । ସାଗର ଆମ୍ବ୍ରେ ଏହାର କାହାଣୀ ଲେଖିଛନ୍ତି । ରାଶି ଏଥିରେ ସିଦ୍ଧାର୍ଥଙ୍କ ପ୍ରେମିକା ଭୂମିକା ନିର୍ବାହ କରିଛନ୍ତି । ରୋନିତ ରୟ ସିଦ୍ଧାର୍ଥଙ୍କ ବାପା ଭୂମିକାରେ ଅଛନ୍ତି । ଦିଶା ପଟାନି ଏୟାର ହଷ୍ଟେସ୍ ଭୂମିକାରେ ନଜର ଆସିବେ । ଆସନ୍ତା ୧୫ ତାରିଖରେ ଫିଲ୍ମଟି ମୁକ୍ତିଲାଭ କରିବ ।
wp:embed {"url":"https://www.prameyanews7.com/why-was-aamir-amitabh-poor-at-isha-ambanis-wedding-abhishek-revealed/","type":"wp-embed","providerNameSlug":"prameya-news-7"}