ଭୁବନେଶ୍ୱର ୧୦।୦୨ : ଓଡିଶାରେ ରାଷ୍ଟ୍ରପତି । ଦୁଇ ଦିନିଆ ଓଡିଶା ଗସ୍ତରେ ଆସି ପହଞ୍ଚିଛନ୍ତି ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ବିମାନବନ୍ଦରରେ ରାଷ୍ଟ୍ରପତିଙ୍କୁ ସ୍ୱାଗତ କଲେ ରାଜ୍ୟପାଳ, ମୁଖ୍ୟମନ୍ତ୍ରୀ, କେନ୍ଦ୍ରମନ୍ତ୍ରୀ ଏବଂ ଭୁବନେଶ୍ୱର ମେୟର ।
ଖବର ଅନୁଯାୟୀ, ପ୍ରଥମେ ୧୨ଟା ୫ରେ ଉତ୍କଳ ମଣ୍ଡପରେ ପହଞ୍ଚିବେ । ୧୨ଟା ୨୫ରେ ଜ୍ଞାନପ୍ରଭା ମିଶନ ଫାଉଣ୍ଡେସଚ୍ ଡେ’ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଦିନ ଗୋଟାଏ ୨୫ ମିନିଟରେ ରାଜଭବନରେ ପହଞ୍ଚିବେ ରାଷ୍ଟ୍ରପତି । ସେଠାରେ ମଧ୍ୟାହ୍ନ ଭୋଜନ କରିବା ସହ ଟିକେ ବିଶ୍ରାମ ନେବେ । ଅପରାହ୍ଣ ୩ଟା ୫୦ରେ ରାଜଭବନରୁ ବାହାରି, ୪ଟା ୫ରେ ରମାଦେବୀ ମହିଳା ବିଶ୍ବବିଦ୍ୟାଳୟରେ ପହଞ୍ଚିବେ ରାଷ୍ଟ୍ରପତି । ୪ ଟା ୧୫ରେ ରମାଦେବୀ ସମାବର୍ତ୍ତନ ଉତ୍ସବରେ ଯୋଗଦେବେ । ସଂଧ୍ୟା ୫ ଟା ୧୫ରେ ରମାଦେବୀ ବିଶ୍ବବିଦ୍ୟାଳୟରୁ ବାହାରି ୫ଟା ୩୦ରେ ରାଜଭବନରେ ପହଞ୍ଚିବେ ।
ସେହିଭଳି ଶନିବାର ସକାଳ ୯ଟା ୧୦ରେ ଲିଙ୍ଗରାଜ ମନ୍ଦିରରେ ପହଞ୍ଚି ପ୍ରଭୁ ଲିଙ୍ଗରାଜଙ୍କୁ ଦର୍ଶନ କରିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ସେଠାରୁ ସିଧା ଭୁବନେଶ୍ବର ଏୟାରପୋର୍ଟ ଯିବେ । ୯ଟା ୫୦ରେ ଭୁବନେଶ୍ବରୁ କଟକ ଅଭିମୁଖେ ବାହାରିବେ । ଦିନ ୧୦ଟା ୨୦ରେ କଟକରେ ପହଞ୍ଚିବେ । ୧୦ଟା ୪୫ରେ ଜାତୀୟ ଧାନ ଗବେଷଣା କେନ୍ଦ୍ରରେ ପହଞ୍ଚିବେ ରାଷ୍ଟ୍ରପତି । ଦିନ ୧୧ଟାରେ ଦ୍ବିତୀୟ ଇଣ୍ଡିଆନ୍ ରାଇସ୍ କଂଗ୍ରେସର ଉଦଘାଟନ କରିବେ ଦ୍ରୌପଦୀ ମୁର୍ମୁ । ୧୨ଟା ୧୫ରେ କଟକରୁ ଭୁବନେଶ୍ବର ଫେରିବେ । ୧୨ଟା ୫୫ରେ ଭୁବନେଶ୍ବର ବିମାନ ବନ୍ଦରରୁ ପୁଣି ଦିଲ୍ଲୀ ଫେରିଯିବେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ।
ତେବେ ରାଷ୍ଟ୍ରପତିଙ୍କ ଗସ୍ତକୁ ଦୃଷ୍ଟି ରଖି ଭୁବନେଶ୍ବରରେ ୪୦ପ୍ଲାଟୁନ ଓ କଟକରେ ୨୦ ପ୍ଲାଟୁନ ଫୋର୍ସ, କଟକରେ ୧୦୦ ବରିଷ୍ଠ ପୋଲିସ ଅଧିକାରୀ ମୁତୟନ କରାଯାଉଛି। ରମାଦେବୀ ମହିଳା ବିଶ୍ବବିଦ୍ୟାଳୟ ଦ୍ବିତୀୟ ସମାବର୍ତ୍ତନ ଉତ୍ସବ ପାଇଁ କ୍ୟାମ୍ପସ ଚଳ ଚଞ୍ଚଳ ହୋଇ ଉଠିଥିବାବେଳେ ଛାତ୍ରୀଙ୍କ ମଧ୍ୟରେ ଉତ୍ସାହ ଦେଖାଦେଇଛି।