ସାନଖେମୁଣ୍ଡି, ୧୪।୦୧: ପଞ୍ଚାୟତ କାର୍ଯ୍ୟାଳୟ ପରିସରରୁ ଉଦ୍ଧାର ହେଲା ପିଅନଙ୍କ ମୃତଦେହ । ମୃତ୍ୟୁର କାରଣ ଅସ୍ପଷ୍ଟ । ଏପରି ଘଟଣା ସାମ୍ନାକୁ ଆସିଛି ଗଞ୍ଜାମ ଜିଲ୍ଲା କେ.ନୁଆଗାଁ ଥାନା ଅନ୍ତର୍ଗତ ବମକେଇ ପଞ୍ଚାୟତ କାର୍ଯ୍ୟାଳୟରେ ।
ସୂଚନାନୁସାରେ, ଶୁକ୍ରବାର ପଞ୍ଚାୟତ ପରିସରରୁ ପିଅନଙ୍କ ମୃତଦେହ ଉଦ୍ଧାର ହୋଇଛି । ମୃତକ ହେଲେ ରବୀନ୍ଦ୍ର ପ୍ରଧାନ । ତେବେ ମୃତ୍ୟୁର କାରଣ ଅସ୍ପଷ୍ଟ ରହିଛି । ସବୁଦିନ ଭଳି ଗୁରୁବାର ରାତିରେ ପଞ୍ଚାୟତ ଗୃହରେ ରବୀନ୍ଦ୍ର ଶୋଇଥିଲେ । କିନ୍ତୁ ସକାଳୁ ତାଙ୍କର ମୃତଦେହ ଉଦ୍ଧାର କରାଯାଇଥିଲା । କେ ନୁଆଗାଁ ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।
