ଟାଙ୍ଗୀ ୨୦।୯: ଖୋର୍ଦ୍ଧା ଜିଲ୍ଲା ବାଣପୁର ଅଞ୍ଚଳରେ ଅଘଟଣ । ବାଣପୁର ସ୍ଥିତ ଶାଳିଆ ନଦୀରେ ଶୌଚ ପାଇଁ ଯାଇଥିବା ବେଳେ ନଦୀରେ ଭାସିଯାଇ ନିଖୋଜ ହୋଇଯାଇଛନ୍ତି । ସୋମବାର ସକାଳ ପ୍ରାୟ ୬ଟାରୁ ୭ଟା ମଧ୍ୟରେ ମାଣିକପୁର ଗ୍ରାମର ଚରଣ ବେହେରା ଶୌଚ ପାଇଁ ମାଣିକପୁର ଗ୍ରାମର ଶାଳିଆ ନଦୀ ଜାମୁଆ ତୁଠକୁ ଯାଇଥିଲେ । ସେଠାରେ ଜଳର ପ୍ରଖର ସ୍ରୋତରେ ସେ ଭାସିଯାଇଛନ୍ତି । ଖବର ପାଇ ବାଣପୁର ଅଗ୍ନିଶମ ବିଭାଗର ଏକ ଟିମ୍ ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ଚରଣଙ୍କ ସନ୍ଧାନ ବର୍ତ୍ତମାନ ସୁଦ୍ଧା ମିଳିପାରିନାହିଁ।