ମୁମ୍ବାଇ ୦୬।୦୬: ୯୦ ଦଶକର ସବୁଠାରୁ ଲୋକପ୍ରିୟ ଧାରାବାହିକ ‘ଶକ୍ତିମାନ’ । ଏବେ ପୁଣିଥରେ ଲୋକଙ୍କ ସାମ୍ନାକୁ ଆସିବାକୁ ଯାଉଛି ସେହି ଶକ୍ତିମାନ । କିନ୍ତୁ ଏଥର ସିରିଏଲ ନୁହେଁ ବରଂ ବଡ଼ ପରଦାରେ ଅର୍ଥାତ୍ ଫିଲ୍ମ ଆକାରରେ ଆସୁଛି । ତାହା ପୁଣି ଆନ୍ତର୍ଜାତୀୟ ଷ୍ଟାଇଲ୍‌ରେ । ଏନେଇ ନିଜ ୟୁଟ୍ୟୁବ୍‌ ଚ୍ୟାନେଲରେ କହିଛନ୍ତି ଖୋଦ୍‌ ଶକ୍ତିମାନ ଓରଫ୍ ମୁକେଶ ଖନ୍ନା  ।

ସେ କହିଛନ୍ତି ଫିଲ୍ମଟି ବଡ଼ ଆକାରରେ ଆସୁଛି । ପୂର୍ବରୁ ଏନେଇ ଘୋଷଣା ସରିଛି । ହେଲେ ବିଭିନ୍ନ କାରଣ ପାଇଁ ଏହା ବିଳମ୍ବ ହେଉଥିଲା । କିନ୍ତୁ ଏବେ ପ୍ରାୟ ସବୁ କାଗଜପତ୍ର କାମ ସରିଯାଇଛି । ଏଥିପାଇଁ ସାଇନ୍‌ ମଧ୍ୟ ନେଇସାରିଛନ୍ତି । ଫିଲ୍ମଟି ୨୦୦ରୁ ୩୦୦ କୋଟି ବଜେଟ୍‌ରେ ପ୍ରସ୍ତୁତ ହେବ ।

ଏଥିରେ କିଏ ଅଭିନୟ କରିବ ସେନେଇ ମୁଁ ସୂଚନା ଦେଇପାରିବି ନାହିଁ । କିନ୍ତୁ ଖୁବ୍‌ଶୀଘ୍ର ଏନେଇ ଅଫିସିଆଲ ଘୋଷଣା କରାଯିବ । ରଣବୀର ସିଂହ ଏଥିରେ ଅଭିନୟ କରିପାରନ୍ତି ବୋଲି ସେ କରିଛନ୍ତି ଆଶଙ୍କା । କିନ୍ତୁ ଅଫିସିଆଲି କିଛି କୁହାଯାଇ ନାହିଁ ।

ଏହି ଫିଲ୍ମରେ ଖୋଦ୍‌ ମୁକେଶ ଖନ୍ନା ମୁଖ୍ୟ ଭୂମିକାରେ ଅଭିନୟ କରୁନାହାନ୍ତି ବୋଲି ସେ ସ୍ପଷ୍ଟ କରିଛନ୍ତି । ଏହି ପିଲ୍ମକୁ ସୋନି ପିକ୍‌ଚର୍ସ ପ୍ରସ୍ତୁତ କରୁଛି । ସୋନି ପିକ୍‌ଚର୍ସ ସ୍ପାଇଡର ମ୍ୟାନ୍‌ ଭଳି ଫିଲ୍ମ କରିଛି । ଯାହାକି ଖୁବ୍‌ ଲୋକପ୍ରିୟ ।

ଶକ୍ତିମାନ ୧୯୯୭ରେ ଭାରତରେ ଦୁରଦର୍ଶନ ଚ୍ୟାନେଲ୍‌ରେ ପ୍ରକାଶିତ ହୋଇଥିଲା । ଏହି ସିରିଏଲ ଦୀର୍ଘ ବର୍ଷ ଧରି ଲୋକଙ୍କୁ ବାନ୍ଧି ରଖିଥିଲା । ସେତେବେଳେ ଏହାର ଫ୍ୟାନ୍ ଫଲୋଅର୍ସ ସବୁଠାରୁ ଅଧିକ ଥିଲେ ।

You Can Read: