ନୂଆଦିଲ୍ଲୀ: ଇରାନର ପରମାଣୁ ପ୍ରତିଷ୍ଠାନ ଏବଂ ସାମରିକ ଘାଟି ଉପରେ ଆକ୍ରମଣର ବହୁ ପୂର୍ବରୁ ଗୁପ୍ତ ନେଟୱାର୍କ ନିର୍ମାଣ କରିଥିଲା ମୋସାଦ। ଇସ୍ରାଏଲୀ ସୁରକ୍ଷା ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଇସ୍ରାଏଲ ଗୁଇନ୍ଦା ସଂସ୍ଥା ମୋସାଦ ବର୍ଷ ବର୍ଷ ଧରି ଏଠାରେ କାମ କରୁଥିଲା। ମୋସାଦ ଗୁପ୍ତ ଭାବରେ ଇରାନ ମାଟିରେ ଗୁପ୍ତ କାର୍ଯ୍ୟକଳାପ ଚଳାଇଥିଲା। ସଠିକ୍ ସମୟକୁ ଅପେକ୍ଷା କରିଥିଲା।
ମୋସାଦ ଇରାନରେ ଗୁପ୍ତ ଅସ୍ତ୍ର ଭଣ୍ଡାର ଏବଂ ଡ୍ରୋନ୍ ଘାଟି ନିର୍ମାଣ କରିଥିଲା। ଇରାନ ଉପରେ ଆକ୍ରମଣ କରିବାର ସମୟ ଆସିଥିଲା, ଏଗୁଡ଼ିକୁ ଏହାର ବାୟୁ ପ୍ରତିରକ୍ଷା ପ୍ରଣାଳୀ ଏବଂ ଗାଇଡେଡ୍ ମିସାଇଲ୍ ଲଞ୍ଚର୍ ନଷ୍ଟ କରିବା ପାଇଁ ବ୍ୟବହାର କରାଯାଇଥିଲା। ଇସ୍ରାଏଲୀ ବାୟୁସେନା ସହିତ ସମନ୍ୱୟ ରଖି ମୋସାଦ୍ ଏଜେଣ୍ଟମାନେ ଇରାନର ସାମରିକ ଘାଟିରେ ଧ୍ୱଂସ ଘଟାଇଥିଲେ।
ଇରାନୀ ଗଣମାଧ୍ୟମ ଆଉଟଲେଟ୍ 12 Ynetର ଏକ ରିପୋର୍ଟ ଅନୁଯାୟୀ, ମୋସାଦ ବହୁ ପୂର୍ବରୁ ଇରାନରେ ବିସ୍ଫୋରକ ଡ୍ରୋନର ଏକ ଘାଟି ସ୍ଥାପନ କରିଥିଲା। ଏହି କାର୍ଯ୍ୟ ମୋସାଦ୍ ଏଜେଣ୍ଟମାନଙ୍କ ଦ୍ୱାରା କରାଯାଉଥିଲା। ଶୁକ୍ରବାର ଏହି ଘାଟିରୁ ବିସ୍ଫୋରକ ଡ୍ରୋନ୍ ଲଞ୍ଚ୍ କରାଯାଇଥିଲା। ଏହି ଡ୍ରୋନ୍ ତେହେରାନ ନିକଟବର୍ତ୍ତୀ ଅସଫାକାବାଦ ଘାଟିରେ ଅବସ୍ଥିତ ବାଲିଷ୍ଟିକ୍ ମିସାଇଲ୍ ଲଞ୍ଚର୍ ଗୁଡ଼ିକୁ ନଷ୍ଟ କରିଦେଇଥିଲା। ଏହି ମିଶାଇଲ ଲଞ୍ଚର୍ ଭବିଷ୍ୟତରେ ଇସ୍ରାଏଲୀ ନାଗରିକଙ୍କ ପାଇଁ ବିପଦ ସୃଷ୍ଟି କରିପାରେ।
ପୂର୍ବରୁ ଇରାନରେ ହୋଇଥିବା ଗୁପ୍ତ ଅପରେସନ "ଲାଇକ୍ ଏ ଲାୟନ୍" ର ପ୍ରକାଶ କରିଥିଲା ଇସ୍ରାଏଲ। ଏହା IDF, ମୋସାଦ ଏବଂ ଇସ୍ରାଏଲୀ ପ୍ରତିରକ୍ଷା ଶିଳ୍ପର ମିଳିତ ଅପରେସନ୍ ଥିଲା। ଏହି ଅପରେସନ୍ ବର୍ଷ ବର୍ଷ ଧରି ସତର୍କତାର ସହିତ ଯୋଜନା, ଗୁପ୍ତ ସୂଚନା ସଂଗ୍ରହ ଏବଂ ଇରାନ ଭିତରେ ଗୁପ୍ତ ଭାବରେ ମୋସାଦ ଏଜେଣ୍ଟଙ୍କ ଆତଯାତ ଉପରେ ଆଧାରିତ ଥିଲା।
ଜୁନ୍ ୧୩ ତାରିଖରେ ହୋଇଥିବା ଆକ୍ରମଣରେ ଇରାନର ସେନା ମୁଖ୍ୟ, ପରମାଣୁ ବୈଜ୍ଞାନିକଙ୍କ ସମେତ ଅନେକ ପ୍ରମୁଖ ଅଧିକାରୀଙ୍କ ମୃତ୍ୟୁ ହୋଇଥିବା ଦାବି କରାଯାଉଛି। ଏହି ଆକ୍ରମଣରେ ଦୁଇ ଜଣ ଇରାନୀ ଜେନେରାଲ ମଧ୍ୟ ନିହତ ହୋଇଛନ୍ତି। ଇସ୍ରାଏଲ ଦାବି କରିଛି ଯେ ଏହି ଆକ୍ରମଣରେ ସେ ଇରାନର ପରମାଣୁ ଘାଟିକୁ ଧ୍ୱଂସ କରିଛି। ଇସ୍ରାଏଲର ପ୍ରତିରକ୍ଷା ମନ୍ତ୍ରୀ ଏହାକୁ "ପ୍ରି-ଥ୍ରେଟ୍" ଭାବରେ ବର୍ଣ୍ଣନା କରିଛନ୍ତି।
ଆକ୍ରମଣ ଯୋଗୁଁ ଇରାନର ସାମରିକ ଅଧିକାରୀମାନେ ଅନେକ ପ୍ରମୁଖ ଅଧିକାରୀଙ୍କ ମୃତ୍ୟୁ ସ୍ପଷ୍ଟ କରିଛନ୍ତି। ମୃତକଙ୍କ ମଧ୍ୟରେ ଅଛନ୍ତି IRGC ଚିଫ୍ ଅଫ୍ ଷ୍ଟାଫ୍ ଜେନେରାଲ୍ ହୋସେନ୍ ସଲାମି, IRGC ଜେନେରାଲ୍ ଘୋଲାମ୍-ଅଲି ରସିଦ୍ ଓ ଦୁଇ ଜଣ ନ୍ୟୁକ୍ଲିଅର ବୈଜ୍ଞାନିକ। ଏହା ୧୯୮୦ ଦଶକର ଇରାକ ସହିତ ଯୁଦ୍ଧ ପରେ ଇରାନରେ ହୋଇଥିବା ସବୁଠାରୁ ବିଧ୍ୱଂସକାରୀ ଆକ୍ରମଣ ମଧ୍ୟରୁ ଗୋଟିଏ।
