ନୂଆଦିଲ୍ଲୀ: ଭାରତୀୟ ସେୟାର ବଜାରକୁ ପୁଣିଥରେ ଉତ୍ସାହ ଫେରିଛି । ସେନସେକ୍ସ ଏବଂ ନିଫ୍ଟି ନୂଆ ରେକର୍ଡ ସ୍ତରରେ ପହଞ୍ଚିଛି । ନିବେଶକ ବେଶ ଲାଭ ପାଇଛନ୍ତି । ୨୦୨୦, ୨୦୨୧, ୨୦୨୨ ପରେ ୨୦୨୩ରେ ମଧ୍ୟ ଭାରତୀୟ ସେୟାର ବଜାରରେ ଭଲ ନିବେଶ ଦେଖିବାକୁ ମିଳିପାରେ । ବିଏସଇ ସେନସେକ୍ସ ୨୦୨୩ ଡିସେମ୍ୱର ମାସରେ ୮୦,୦୦୦ ସ୍ତର ଛୁଇଁପାରେ । ବିଦେଶୀ ବ୍ରୋକରେଜ ହାଉସ ମୋର୍ଗନ ଷ୍ଟେନଲୀ ଏହି ଭବିଷ୍ୟତବାଣୀ କରିଛି ।

ମୋର୍ଗନ ଷ୍ଟେନଲୀ କହିଛନ୍ତି ଯେ, ଯଦି ଭାରତକୁ ଗ୍ଲୋବାଲ ବଣ୍ଡ ସୂଚକାଙ୍କରେ ସାମିଲ କରାଯାଏ ତେବେ ଆସନ୍ତା ୧୨ ମାସରେ ଦେଶରେ ୨୦ ବିଲିୟନ ଡଲାରର ନିବେଶ ହୋଇପାରେ । ମାର୍ଗନ ଷ୍ଟେନଲୀ ୨୦୨୨ରେ ଭାରତର ଏହି ସୂଚକାଙ୍କରେ ସାମିଲ ହେବା ନେଇ ଆଶା ବ୍ୟକ୍ତ କରିଥିଲେ । କିନ୍ତୁ ରିପୋର୍ଟ ଅନୁସାରେ ଏଥିରେ ଆହୁରି ବିଳମ୍ୱ ଘଟିପାରେ । ବଣ୍ଡ ସେଟଲମେଣ୍ଟର ନିୟମ ଏବଂ ଟ୍ୟାକ୍ସ ଜଟିଳତା ପରି ପ୍ରସଙ୍ଗର ସମାଧାନ ପ୍ରଥମେ ଜରୁରୀ ।

ମୋର୍ଗନ ଷ୍ଟେନଲୀଙ୍କ ଅନୁସାରେ, ତେଲ ଏବଂ ସାରର ମୂଲ୍ୟରେ ହ୍ରାସ ଘଟିଲେ ଏବଂ ୨୦୨୨-୨୫ ସୁଦ୍ଧା ବାର୍ଷିକ ୨୫ ପ୍ରତିଶତ ହାରରେ ଅର୍ନିଂ ଗ୍ରୋଥ ଯଦି ହୁଏ ତେବେ ସେନସେକ୍ସ ୮୦,୦୦୦ ଅଙ୍କ ଛୁଇଁପାରେ । ମାର୍ଗନ ଷ୍ଟେନଲୀଙ୍କ ଅନୁସାରେ ଯଦି ରୁଷ-ୟୁକ୍ରେନର ପ୍ରଭାବ ୨୦୨୩ ମସିହାରେ ନପଡେ ତେବେ ଏବଂ ଆମେରିକା ମନ୍ଦାବସ୍ଥାର ସାମନା କରେ ଏବଂ ସରକାରଙ୍କ ପକ୍ଷରୁ ନୀତିଗତ ସମର୍ଥନ ମିଳି ତେବେ ସେନସେକ୍ସର ବେସ କେସ ଟାର୍ଗେଟ ୬୮,୫୦୦ ରହିବ । କିନ୍ତୁ ଏହାର ବିପରୀତରେ ଯଦି ଯାଏ ତେବେ ସେନସେକ୍ସ ୫୨,୦୦୦ ଯାଏ ଖସିପାରେ। କନ୍ତୁ ଏହାର ସମ୍ଭାବନା ମାତ୍ର 20 ପ୍ରତିଶତ ରହିଛି।