scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ମୋବାଇଲ ଅଛି, ନେଟଓ୍ୱାର୍କ ନାହିଁ : ଫୋନ୍ କରିବାକୁ ଚଢୁଛନ୍ତି ପାହାଡ଼

17/08/2023 at 10:00 AM

କଳାହାଣ୍ଡି ୧୭/୦୮: କଳାହାଣ୍ଡି କର୍ଲାପାଟ ଅଭୟାରଣ୍ୟ । ୧୯୯୨ ଏପ୍ରିଲ ୨ରେ ପାଇଥିଲା ନା । ସାରା ଦେଶରେ ବିଶ୍ୱବିଦିତ । ହେଲେ ଆଜି ବି ବିଛିନ୍ନାଞ୍ଚଳରେ ଅଭିଶପ୍ତ ଜୀବନ ବିତାଉଛନ୍ତି ଏଠାକାର ଲୋକେ । ନା ମିଳୁଛି ସରକାରୀ ସୁବିଧା, ନା ଅଛି ମୋବାଇଲ୍ ଟାଓ୍ୱାର । ଫଳରେ ମାଓବାଦୀଙ୍କ ବର୍ବରତାର ଶିକାର ହେଉଛନ୍ତି ନୀରିହ ଲୋକେ । ଅନେକ ଇଚ୍ଛା ଥିଲେ ବି ପୋଲିସ୍‌କୁ ଦେଇ ପାରୁନାହାଁନ୍ତି ସୂଚନା ।

୨୨ ଖଣ୍ଡ ଗାଁକୁ କର୍ଲାପାଟ ଅଭୟାରଣ୍ୟ । ମାଓବାଦୀ ଅଧୁଷିତ ଇଲାକା । ଥାନା ନଥିବାରୁ ପଞ୍ଚାୟତ ଗୃହରେ ଏବେ ରୁହନ୍ତି ଓଡ଼ିଶା ପୋଲିସର ୪୦ଜଣିଆ ଫୋର୍ସ । ୨୦୧୬ ମସିହାରେ ମାଓବାଦୀ ଗାଁର ଜଣେ ପୋଲିସ କର୍ମୀଙ୍କୁ ଘରୁ ଡାକି ନେଇ କରିଥିଲେ ହତ୍ୟା । ଖାଲି ସେତିକି ନୁହେଁ ଘଟମାରେ ବଲିପଡିଥିଲେ ନୀରିହ ଜନତା । ଦୁର୍ଭାଗ୍ୟର କଥା ଗାଁରେ ମୋବାଇଲ ନେଟୱର୍କ ନଥିବାରୁ ଏ ବିଷୟରେ ଅଜ୍ଞ ଥିଲା ପୋଲିସ ।

ଘଟଣା ପରେ ୨୦୧୭ ସେପ୍ଟେମ୍ବରରେ ଗାଁରେ ଆରମ୍ଭ ହୋଇଥିଲା BSNL ନେଟୱର୍କ । ଦିନାତିକ୍ରମେ ବର୍ତ୍ତମାନ ଏହି ଟାୱାର ଅଚଳ ଅବସ୍ଥାରେ । ଯେଉଁଥିପାଇଁ ୨୨ ଖଣ୍ଡ ଗ୍ରାମବାସୀକୁ ଫୋନରେ ଯୋଗାଯୋଗ କରିବା ଅସମ୍ଭବ । ଡାକଘର କାମ ଠାରୁ ଆରମ୍ଭ କରି ପାସବୁକ୍‌ ଟିଏ ଖୋଲିବାକୁ ପାହାଡ଼ ଉପରକୁ ଯିବାପାଇଁ ପଡ଼ୁଛି ।

ଗୋଟିଏ ପଟେ ମାଓବାଦୀ ଭୟ, ଅନ୍ୟ ପଟେ ଜଙ୍ଗଲୀ ଜନ୍ତୁଙ୍କ ଡର । ବାରମ୍ବାର ଗାଁ କୁ ଜଙ୍ଗଲୀ ହାତୀ ପଶି ଆସି ଅନେକ ଫସଲ ତଥା ଧନଜୀବନ ନଷ୍ଟ କରୁଥିବାର ଦେଖିବାକୁ ମିଳେ । ରାତି ଅଧରେ ଗାଁ ରେ କାହାର ଦେହ ଖରାପ ହେଲେ ଲୋକଙ୍କୁ ବାଧ୍ୟ ହେଇ ୩ କିମି ପାହାଡ଼ ଉପରକୁ ଚଢି ନେଟୱର୍କ ଖୋଜି ଆମ୍ବୁଲାନ୍ସକୁ ଡାକିବାକୁ ପଡେ । ବନ୍ୟଜନ୍ତୁ ଭୟରେ ଲୋକେ ନେଟୱର୍କ ଜାଗାକୁ ଯିବା ପାଇଁ ମଧ୍ୟ ଡରନ୍ତି । ଦୀର୍ଘଦିନ ବିତିଗଲାଣି ହେଲେ ସତେ ଯେମିତି କାହାରି ନଜର ପଡୁନି ଏମାନଙ୍କ ଉପରେ ।

   Related Posts