ମୁମ୍ବାଇ, ୨୩|୦୪: ମହାରାଷ୍ଟ୍ରର ମନ୍ତ୍ରୀ ଜିତେନ୍ଦ୍ର ଆହ୍ୱାଦ କରୋନା ଭାଇରସରେ ସଂକ୍ରମିତ ହୋଇଛିନ୍ତି । ଏହି ମନ୍ତ୍ରୀ ତଥା ଏନସିପି ନେତାଜଣଙ୍କ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏପ୍ରିଲ ୫ ତାରିଖରେ ରାତି ୯ଟାରେ ୯ ମିନିଟ ପାଇଁ ଦୀପ ଜାଳିବା ପାଇଁ ଦେଇଥିବା ଆହ୍ୱାନକୁ ବିରୋଧ କରିଥିଲେ । ଏପରିକି ନିଜ ସୋସିଆଲ ମିଡିଆ ଓ ନିର୍ବାଚନମଣ୍ଡଳୀରେ ଏହି ଆହ୍ୱାନକୁ ବିରୋଧ କରିଥିଲେ ଓ ଅପିଲ ନମାନିବା ପାଇଁ ନିର୍ଦ୍ଦେଶ ମଧ୍ୟ ଦେଇଥିଲେ । ଏବେ ସେ ନିଜେ କରୋନା ଭାଇରସରେ ସଂକ୍ରମିତ ହୋଇଛନ୍ତି ।
wp:core-embed/twitter {"url":"https://twitter.com/Awhadspeaks/status/1246809335209984001","type":"rich","providerNameSlug":"twitter","className":""}ଜିତେନ୍ଦ୍ରଙ୍କ ନିର୍ଦ୍ଦେଶ ନମାନି ଜଣେ ଇଞ୍ଜିନିୟର ମୋଦୀଙ୍କ ଆହ୍ୱାନ ପାଳନ କରିଥିବାରୁ ସେ ତାଙ୍କୁ ପୋଲିସ ଓ ଗୁଣ୍ଡା ଲଗାଇ ମାଡ ମଧ୍ୟ ମାରିଥିବା ଅଭିଯୋଗ ହୋଇଥିଲା । ମାଡ ଖାଇଥିବା ଯୁବକ ଅଭିଯୋଗ କରିଥିଲେ ଯେ, ପ୍ରଧାନମନ୍ତୀ ମୋଦୀ ରବିବାର ରାତି ୯ଟାରେ ୯ ମିନିଟ ପାଇଁ ଦୀପ ଜାଳିବାକୁ କହିଥିଲେ । କିନ୍ତୁ ଏହାକୁ ବିରୋଧ କରି ଜିତେନ୍ଦ୍ର କ୍ୟାମ୍ପେନ ଆରମ୍ଭ କରିଥିଲେ । ଏପରିକି ସୋସିଆଲ ମିଡିଆରେ ଭରତକ ନଗର ଅଞ୍ଚଳରେ କେହି ଦୀପ ନଜାଳିବାକୁ ସେ ତାଗିଦ କରିଥିଲେ । ରବିବାର ୨ ଜଣ ପୋଲିସ କନଷ୍ଟେବଳ ତାଙ୍କୁ ଜିତେନ୍ଦ୍ରଙ୍କ ଘରକୁ ଉଠାଇ ନେଇ ମାଡ ମାରିଥିଲେ । ପୂର୍ବରୁ ଏହି ଯନ୍ତ୍ରୀ ଜଣଙ୍କ ଜିତେନ୍ଦ୍ରଙ୍କ ବିରୋଧରେ ସୋସିଆଲ ମିଡିଆରେ ଏକ ପୋଷ୍ଟ ମଧ୍ୟ କରିଥିଲେ । ତେଣୁ କନଷ୍ଟେବଳ ତାଙ୍କ ଘରକୁ ଯାଇଥିବା କୁହାଯାଉଛି ।
wp:core-embed/twitter {"url":"https://twitter.com/Awhadspeaks/status/1246802058172190720","type":"rich","providerNameSlug":"twitter","className":""}ଏପ୍ରିଲ ୫ ତାରିଖରେ ଜିତେନ୍ଦ୍ର ଖୁଲମ ଖୁଲା ଭାବେ ମୋଦୀଙ୍କ ଅପିଲକୁ ବୟକଟ୍ କରିବାକୁ କହିଥିଲେ । ଏହାସହ ଯୁବକଙ୍କୁ ଚାକିରୀ ନାହିଁ, ଡାକ୍ତରଙ୍କୁ ପିପିଇ କିଟ୍ ମିଳୁନାହିଁ ବୋଲି ସେ ଟାର୍ଗେଟ ମଧ୍ୟ କରିଥିଲେ । କିନ୍ତୁ ଯେତେବେଳେ ରବିବାର ରାତ୍ର ୯ଟାରେ ସାରା ଦେଶ କରୋନା ଭାଇରସ ପାଇଁ ଏକଜୁଟ ହୋଇଥିଲା, ଜିତେନ୍ଦ୍ର ମଧ୍ୟ ବାବସାହେବ ଆମ୍ବେଦକରଙ୍କ ମୂର୍ତ୍ତିରେ ଲାଇଟ୍ ଲାଗିଥିବା ଫଟୋ ପୋଷ୍ଟ କରିଥିଲେ ।
