ଭୁବନେଶ୍ବର ୨୬।୮: ରାଜଧାନୀରେ ଲୁଟେରାଙ୍କ ଆତଙ୍କରାଜ । ମାଲିକକୁ ଆକ୍ରମଣ କରି ପିକଅପ୍ ଭ୍ୟାନ୍ ଲୁଟି ନେଲେ ଲୁଟେରା ।
ସୂଚନାଯୋଗ୍ୟ ଯେ, ବୁଧବାର ବିଳମ୍ବିତ ରାତିରେ ଖଣ୍ଡଗିରି ଛକରୁ କାର୍ରେ ପିଛା କରିଥିଲେ ୩ ଲୁଟେରା । ଚକେଇସିଆଣୀ ନିକଟରେ ମାଲିକଙ୍କୁ ଆକ୍ରମଣ କରି ପିକଅପ୍ ଭ୍ୟାନ୍ ଲୁଟି ନେଲେ ଦୁର୍ବୃତ୍ତ । ଗାଡି ମାଲିକ ପ୍ରହ୍ଲାଦ ସାହୁଙ୍କ ପକ୍ଷରୁ ମଞ୍ଚେଶ୍ବର ଥାନାରେ ଅଭିଯୋଗ ହୋଇଛି । ଗୁରୁବାର ସକାଳୁ ପଳାଶୁଣୀ ସପ୍ତସତୀ ମନ୍ଦିର ନିକଟରୁ ଭ୍ୟାନକୁ ଠାବ କରିଥିଲା ପୋଲିସ । ଘଟଣାସ୍ଥଳରୁ ଲୁଟେରାମାନେ ଫେରାର ହୋଇଯାଇଥିଲେ । ପୋଲିସ ମାମଲାର ଅଧିକ ତଦନ୍ତ ଜାରି ରଖିଛି ।
