ନୂଆଦିଲ୍ଲୀ ୨୩।୦୩: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ମଦ ଦୁର୍ନୀତି ମାମଲାରେ ଗୁରୁବାର କେଜ୍ରିୱାଲଙ୍କୁ ଗିରଫ କରିଛି ଇଡି । କେବଳ କେଜ୍ରିଓ୍ବାଲ୍ ନୁହଁନ୍ତି, ଆପ୍ର ଏପରି ଅନେକ ନେତା ଅଛନ୍ତି ଯିଏକି ଜେଲ୍ କାଟିଛନ୍ତି ରାତି । ଆସନ୍ତୁ ଜାଣିବା ସେମାନେ କିଏ ?
ମଦ ଦୁର୍ନୀତି ମାମଲାରେ ଗିରଫ ହୋଇ ଜେଲ୍ରେ ସଜା କାଟୁଛନ୍ତି ଦିଲ୍ଲୀ ଉପ ମୁଖ୍ୟମନ୍ତ୍ରୀ ମନୀଷ ସିସୋଦିଆ । ୮ ଘଣ୍ଟାର ପଚରାଉଚରା ପରେ ୨୬ ଫେବୃଆରୀ ୨୦୨୩ରେ ଗିରଫ କରିଥିଲା ଇଡି । ଏକ୍ସାଇଜ୍ ପଲିସିରେ ଗୁରୁତ୍ବପୂର୍ଣ୍ଣ ଭୂମିକା ଏବଂ ପ୍ରମାଣ ନଷ୍ଟ ଅଭିଯୋଗରେ ମନୀଷ ସିସୋଡିଆ ଗିରଫ କରିଥିଲା ସିବିଆଇ ।
ଏହାପଛକୁ ଅଛନ୍ତି ସତ୍ୟେନ୍ଦ୍ର ଜୈନ୍ । ମନିଲଣ୍ଡ୍ରିଙ୍ଗ୍ ମାମଲାରେ ଆପ୍ ନେତା ସତ୍ୟେନ୍ଦ୍ର ଜୈନ୍ଙ୍କୁ ମେ ୨୦୨୨ରେ ଗିରଫ କରିଥିଲା ଇଡି । ନଅ ମାସ ପୂର୍ବେ କୋର୍ଟ ତାଙ୍କୁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଥିଲେ କିନ୍ତୁ ଗତ ସପ୍ତାହରେ ତାଙ୍କ ଜାମିନ ରଦ୍ଦ ହୋଇଛି ।
ମଦ ଦୁର୍ନୀତି ମାମଲାରେ ଅକ୍ଟୋବର ୨୦୨୩ରେ ବଡ ଆକ୍ସନ୍ ନେଇଥିଲା ଇଡି । ଦୀର୍ଘ ଦିନ ପଚରାଉଚୁରା କରିବା ପରେ ସଞ୍ଜୟଙ୍କୁ ବାନ୍ଧିଥିଲା ପ୍ରବର୍ତ୍ତନା ନିର୍ଦ୍ଦେଶାଳୟ । ବର୍ତ୍ତମାନ ଜେଲରେ ସଜା କାଟୁଛନ୍ତି ଆପ୍ ସାଂସଦ ।
ଆପ୍ ବିଧାୟକ ଅମାନାତୁଲ୍ଲା ଖାନ୍ । ବେଆଇନ ନିଯୁକ୍ତି ଏବଂ ଅର୍ଥ ହେରଫେର୍ ମାମଲାରେ ଆପ୍ ବିଧାୟକ ସେପ୍ଟେମ୍ବର ୨୦୨୨ରେ ଗିରଫ ହୋଇଥିଲେ । ବର୍ତ୍ତମାନ ଅମାନତୁଲ୍ଲା ଜାମିନରେ ଅଛନ୍ତି।
ପୂର୍ବତନ ଆଇନ ମନ୍ତ୍ରୀ ତଥା ବିଧାୟକ ସୋମନାଥ ଭାରତୀଙ୍କୁ ଡିସେମ୍ବର ୨୦୧୫ରେ ଗିରଫ କରିଥିଲା ପୋଲିସ । ତାଙ୍କ ଉପରେ ହତ୍ୟା ଷଡଯନ୍ତ୍ର ଏବଂ ଘରୋଇ ହିଂସାର ଅଭିଯୋଗ ଆଣିଥିଲେ ପତ୍ନୀ । ଏହାବ୍ୟତୀତ AIIMSରେ ଜଣେ ସିକ୍ୟୁରିଟି ଗାର୍ଡଙ୍କୁ ଆକ୍ରମଣ କରିବା ମାମଲାରେ ୨୦୨୧ରେ ସୋମନାଥଙ୍କୁ ୨ ବର୍ଷ ପାଇଁ ଜେଲ୍ ଦଣ୍ଡ ଶୁଣାଇଥିଲେ ଦିଲ୍ଲୀର ଏକ କୋର୍ଟ ।
ଜଣେ ମହିଳାଙ୍କୁ ରାସନକାର୍ଡ ଦେବା ବାହାନାରେ ଦୁଷ୍କର୍ମ କରିବା ମାମଲାରେ ଫସିଥିଲେ ଆପ୍ ମନ୍ତ୍ରୀ ସନ୍ଦୀପ କୁମାର । ଏହି ମାମଲାରେ ତାଙ୍କୁ ଜେଲ ପଠାଯାଇଥିଲା । କେଜ୍ରିୱାଲ ସରକାରରେ ସନ୍ଦୀପ କୁମାରଙ୍କୁ ମହିଳା ଓ ଶିଶୁ କଲ୍ୟାଣ ବିକାଶ ମନ୍ତ୍ରୀ ଥିଲେ ।
କୁରାନକୁ ନିନ୍ଦା କରିବା ଅଭିଯୋଗରେ ଆପ୍ ବିଧାୟକ ନରେଶ ଯାଦବଙ୍କୁ ଗିରଫ କରିଥିଲା ପୋଲିସ । ଏହି ମାମଲାରେ ୨୦୨୧ରେ କୋର୍ଟ ତାଙ୍କୁ ନିର୍ଦ୍ଦୋଷରେ ଖଲାସ କରିଥିଲେ ।
୨୦୧୬ରେ ମହିଳାଙ୍କୁ ଅସଦାଚରଣ ଅଭିଯୋଗରେ ଗିରଫ ହୋଇଥିଲେ ଆପ୍ ନେତା ପ୍ରକାଶ ଜାରୱାଲ । ଏହାପରେ ୨୦୧୮ରେ ଦିଲ୍ଲୀ ମୁଖ୍ୟ ଶାସନ ସଚିବଙ୍କୁ ଅସଦାଚରଣ ଏବଂ ଏହାପୂର୍ବରୁ ଦିଲ୍ଲୀ ଜଳ ବୋର୍ଡ କର୍ମଚାରୀଙ୍କୁ ଚାପୁଡ଼ା ମାରିବା ଅଭିଯୋଗରେ ୨୦୧୪ରେ ଯାଇଥିଲେ ଜେଲ୍ ।
୨୦୧୯ରେ ଆପ୍ ବିଧାୟକ ଅଖିଳେଶପତି ତ୍ରିପାଠୀଙ୍କୁ ଗିରଫ କରିଥିଲା ଦିଲ୍ଲୀ ପୋଲିସ । ଏକ ମାମଲାରେ କୋର୍ଟରେ ହାଜର ହୋଇନଥିବା ନେଇ ବିଧାୟକଙ୍କ ବିରୋଧରେ ଜାମିନ ବିହୀନ ୱାରେଣ୍ଟ ଜାରି କରିଥିଲେ କୋର୍ଟ । କିନ୍ତୁ ଗିରଫ ହେବାର କିଛି ସମୟ ପରେ ୨୫ ହଜାରର ଜରିମାନା ଦେଇ ଜାମିନ ପାଇଥିଲେ । ଏହାପୂର୍ବରୁ ୨୦୧୫ରେ ଦଙ୍ଗା ସୃଷ୍ଟି ଅଭିଯୋଗରେ ତାଙ୍କୁ ଗିରଫ କରିଥିଲା ପୋଲିସ ।
୨୦୧୫ରେ ଜାଲିଆତି ଏବଂ ଜମି କବ୍ଜା ଅଭିଯୋଗରେ ଗିରଫ ହୋଇଥିଲେ ଆପ୍ ବିଧାୟକ ମନୋଜ୍ କୁମାର । ଏମିତିକି ପାରିବାରିକ ହିଂସା ମାମଲାରେ ମନୋଜ ଦିଲ୍ଲୀ ମହିଳା ଆୟୋଗଙ୍କ ନିକଟରେ ହାଜର ହୋଇଥିଲେ । ତେବେ ଏହି ମାମଲାରେ ୨୦୨୦ରେ ନିର୍ଦ୍ଦୋଷରେ ଖଲାସ ହୋଇଥିଲେ ମନୋଜ ।
ଜୁନ୍ ୨୦୧୬ରେ ଗିରଫ ହୋଇଥିଲେ ଆପ୍ ବିଧାୟକ ଶରଦ ଚୌହାନ୍ । ତାଙ୍କ ବିରୋଧରେ ନିଜ ପାର୍ଟିର ଜଣେ କର୍ମୀ ଆଣିଥିଲେ ଆତ୍ମହତ୍ୟା ପାଇଁ ଉତ୍ସାକାଉଥିବାର ଅଭିଯୋଗ ।
ନକଲି ଏଲ୍ଏଲ୍ବି ଡିଗ୍ରୀ ରଖିବା ଅଭିଯୋଗରେ ୨୦୧୫ରେ ଗିରଫ ହୋଇଥିଲେ ଆପ୍ ନେତା ଜିତେନ୍ଦ୍ର ସିଂ ତୋମାର । ସେତେବେଳେ ସେ ଆପ୍ ସରକାରର ତତ୍କାଳୀନ ଆଇନ ମନ୍ତ୍ରୀ ଥିଲେ ।
ସେହିପରି ଜୁନ୍ ୨୦୧୬ରେ ଅସଦାଚରଣ ମାମଲାରେ ଜେଲ୍ ଦଣ୍ଡରେ ଦଣ୍ଡିତ ହୋଇଥିଲେ ଦୀନେଶ ମୋହନିଆ । କିନ୍ତୁ ୨୦୨୦ରେ ଏହି ମାମଲାରେ ସେ ଦୋଷମୁକ୍ତ ହୋଇ ଜେଲ୍ରୁ ବାହାରିଛନ୍ତି । ତେବେ ଆପ୍ ନେତାଙ୍କ ଗିରଫ ହୋଇ ଜେଲ୍ ଯିବାର ଘଟଣା ଏତିକିରେ ସୀମିତ ରହିବ କି ଆଗକୁ ଆହୁରି ଦେଖିବାକୁ ମିଳିବ, ତାହା ସମୟ କହିବ…