ଝାରସୁଗୁଡା ୨୪/୧୦ : ଝାରସୁଗୁଡା ବିମାନବନ୍ଦର ଉଦଘାଟନ ର ମାସେ ନ ପୂରୁଣୁ ବନ୍ଦ ହେଲା ବିମାନ ସେବା। ଗତମାସ 22 ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଧୁମଧାମରେ ଉଦଘାଟନ ହୋଇଥିଲା ଏହି ବହୁ ପ୍ରତୀକ୍ଷିତ ଓଡ଼ିଶାର ଦ୍ବିତୀୟ ବିମାନବନ୍ଦର। ପ୍ରଧାନମନ୍ତ୍ରୀଙ୍କ ଘୋଷଣା ଅନୁସାରେ ବୀର ସୁରେନ୍ଦ୍ର ସାଏଙ୍କ ନାମରେ ନାମକରଣ ସମ୍ପର୍କରେ ବି ଆସିଲାନି ବିଭାଗୀୟ ନିର୍ଦ୍ଦେଶ। ଏପରିକି ଏୟାର ଓଡ଼ିଶାର ଉଡାଣ ଯୋଜନାରେ ବିମାନସେବା ଗତ ୬ ତାରିଖରୁ ବନ୍ଦ ହୋଇଛି। କୋୖଣସି ସୂଚନା ନଦେଇ ଏଭଳି କରାଯାଇ ଥିବାରୁ ଆଜି ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ପକ୍ଷରୁ କାରଣଦର୍ଶାଅ ନୋଟିସ ଜାରୀ କରାଯାଇଛି। ଏୟାର ଓଡ଼ିଶା ତୁରନ୍ତ ବିମାନସେବା ଆରମ୍ଭ ନକଲେ ଲାଇସେନ୍ସ ରଦ୍ଦ କରିବାକୁ ଧମକ ଦିଆଯାଇଛି ।