ବର୍ମିଂହାମ: ପ୍ରାୟ ପାଞ୍ଚ ମାସ ପରେ ପୁଣି ଥରେ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିବାକୁ ପ୍ରସ୍ତୁତ ଭାରତୀୟ ଦଳର ପୂର୍ବତନ ଅଧିନାୟକ ବିରାଟ କୋହଲି। କୋହଲି ଶେଷ ଥର ଚଳିତ ବର୍ଷ ଫେବୃଆରୀରେ ଟି-୨୦ ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ। ଗତ ବର୍ଷ ଅକ୍ଟୋବର-ନଭେମ୍ବରରେ ଖେଳାଯାଇଥିବା ଟି-୨୦ ବିଶ୍ଵ କପ୍ ପରେ କୋହଲି ମାତ୍ର ଦୁଇଟି ଟି-୨୦ ମ୍ୟାଚ୍ ଖେଳିଛନ୍ତି। ପ୍ରଦର୍ଶନ ସେତେଟା ସନ୍ତୋଷଜନକ ନଥିଲା। କୋହଲିଙ୍କୁ ଦକ୍ଷିଣ ଆଫ୍ରିକା ଏବଂ ଆୟରଲାଣ୍ଡ ବିପକ୍ଷ ଟି-୨୦ ସିରିଜରୁ ବିଶ୍ରାମ ଦିଆଯାଇଥିଲା। ଇଂଲଣ୍ଡ ବିପକ୍ଷ ପ୍ରଥମ ଟି-୨୦ରେ ଦଳର ଅଂଶ ନଥିଲେ। ମାତ୍ର ଏବେ ଦ୍ଵିତୀୟ ଟି-୨୦ରେ ପ୍ରତ୍ୟାବର୍ତ୍ତନ କରିବାକୁ ପ୍ରସ୍ତୁତ।
wp:html/wp:html
ଇଂଲଣ୍ଡ ବିପକ୍ଷରେ ଶନିବାର ବର୍ମିଂହାମରେ ଦ୍ଵିତୀୟ ଟି-୨୦ ମ୍ୟାଚ୍ ଖେଳାଯିବ। ଏହା ପୂର୍ବରୁ ବିରାଟ କୋହଲି ନେଟ୍ସରେ ଖୁବ୍ ବ୍ୟାଟିଂ ଅଭ୍ୟାସ୍ କରିଛନ୍ତି। ସେ ଶୁକ୍ରବାର ନେଟ୍ସରେ ଝାଳବୁହା ଅଭ୍ୟାସ୍ କରିଛନ୍ତି। ଓ୍ଵେଷ୍ଟଇଣ୍ଡିଜ ବିପକ୍ଷ ଟି-୨୦ ସିରିଜ୍ ପୂର୍ବରୁ ଇଂଲଣ୍ଡ ସହିତ ଦୁଇଟି ଟି-୨୦ କୋହଲିଙ୍କ ପାଇଁ ବହୁତ ଗୁରୁତ୍ଵପୂର୍ଣ୍ଣ କରୁଛି। କାରଣ ତାଙ୍କ ଅନୁପସ୍ଥିତିରେ ଯୁବ ଖେଳାଳି ଏ ପର୍ଯ୍ୟନ୍ତ ଭଲ ପ୍ରଦର୍ଶନ କରିଛନ୍ତି। ତେଣୁ ଟି-୨୦ ଦଳରେ ସ୍ଥାନ ପାଇବାକୁ ହେଲେ ଏବେ କୋହଲିଙ୍କୁ ରନ କରିବାକୁ ପଡିବ। ଅଢେଇ ବର୍ଷ ହେବ ତାଙ୍କ ବ୍ୟାଟରୁ ଶତକଟିଏ ଦେଖିବାକୁ ମିଳିନାହିଁ।