କୋଲକାତାରେ ଅବୈଧ କଲ୍‌ ସେଣ୍ଟରରେ ରେଡ୍‌: ଜବତ ହେଲା ନଗଦ ୪ କୋଟି, ଦାମୀ କାର୍‌, ୪୦୦ କମ୍ପ୍ୟୁଟର...

Published By : Prameya-News7 Bureau | March 08, 2023 IST

ନୂଆଦିଲ୍ଲୀ, ୦୮/୦୩: ପଶ୍ଚିମବଙ୍ଗ ବିଧାନନଗରରେ ଅବୈଧ କଲ୍‌ ସେଣ୍ଟର ବିରୋଧରେ ପୋଲିସ୍‌ ବଡ଼ କାର୍ଯ୍ୟାନୁଷ୍ଠାନ । ଅବୈଧ କଲ୍ ସେଣ୍ଟରରେ ପୋଲିସ ରେଡ୍‌ରୁ ୪ କୋଟି ଟଙ୍କାର ନଗଦ ସହ ଦାମୀ କାର୍‌, ଗହଣା, ଘଣ୍ଟା ଏବଂ ପ୍ରାୟ ୪୦୦ କମ୍ପ୍ୟୁଟର ଜବତ ହୋଇଛି। ବିଧାନନଗର ପୋଲିସର ବରିଷ୍ଠ ଅଧିକାରୀ କହିଛନ୍ତି ଯେ ଏହି ମାମଲାରେ ୬ ଜଣକୁ ଗିରଫ କରାଯାଇଛି। ଏବେବି ଯାଞ୍ଚ ଜାରି ରହିଛି।

ପୋଲିସ୍‌ କହିଛି ଯେ ୨ ମାର୍ଚ୍ଚ କୋଲକାତାର ନ୍ୟୁ ଟାଉନରେ ନିୟମିତ ଚେକିଂ ସମୟରେ ୪ ଜଣକୁ ଗିରଫ କରାଯାଇଥିଲା। ଏହି ଅଭିଯୁକ୍ତମାନେ ପୋଲିସକୁ ଲିଲୁଆ ସ୍ଥିତ ଏକ ଫ୍ଲାଟ୍‌କୁ ନେଇଯାଇଥିଲେ, ଯେଉଁଠାରୁ ଆଉ ୨ ଜଣକୁ ଗିରଫ କରିଛି। ପୋଲିସ୍‌ ଅଧିକାରୀ କହିଛନ୍ତି ଏଠାରୁ ୬ ଦାମୀ କାର୍‌, ୧୩ ଲକ୍ଷ ନଗଦ ଟଙ୍କା ଏବଂ ଆହୁରି ଅନେକ ଦସ୍ତାବିଜ୍ ଜବତ ହୋଇଥିଲା।

ପଚରା ଉଚରାରୁ ଜଣାପଡ଼ିଥିଲା ଏମାନେ ୮ ରୁ ୧୦ କଲ୍ ସେଣ୍ଟର ଚଳାଉଥିଲେ। ଏମାନେ ଏହି ଅବୈଧ କଲ୍‌ ସେଣ୍ଟର୍‌ ଦ୍ବାରା ବିଦେଶୀ ଗ୍ରାହକଙ୍କ ସହ ସ୍ଥାନୀୟ ଲୋକଙ୍କୁ ମଧ୍ୟ ଠକୁଥିଲେ। ସେହିପରି ନ୍ୟୁ ଟାଉନ୍ ସ୍ଥିତ ୨ ଫ୍ଳାଟରୁ ପ୍ରାୟ ୩.୮୨ କୋଟି ଟଙ୍କା ନଗଦ ମିଳିଥିଲା। ଏପର୍ଯ୍ୟନ୍ତ ଜବତ ହୋଇଥିବା ନଗଦର ଟଙ୍କା ପ୍ରାୟ ୪ କୋଟି ହୋଇଥିବା ନେଇ କହିଛନ୍ତି ପୋଲିସ୍‌ ଅଧିକାରୀ। ଜବତ ହୋଇଥିବା କାର୍‌ରେ ୨ ଟି ଜାଗୁଆର ଏବଂ ଲ୍ୟାଣ୍ଡ ରୋଭର ରହିଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.