ନୂଆଦିଲ୍ଲୀ, ୩୦/୦୩: ଆଇଏଏସ, ଆଇପିଏସ ଏବଂ ଆଇଏଫଏସ ଅଧିକାରୀଙ୍କୁ ଦେବାକୁ ହେବ ଶେୟାର କାରବାର ସହ ଜଡ଼ିତ ସୂଚନା। ଏନେଇ କେନ୍ଦ୍ର ସରକାର ଜାରି କରିଛନ୍ତି ଆଦେଶ। ଆଦେଶ ଅନୁଯାୟୀ ଯଦି କୌଣସି ବର୍ଷରେ ଶେୟାର ବଜାର, କିମ୍ବା ଅନ୍ୟ କୌଣସି ନିବେଶରେ ସମୁଦାୟ ନେଣଦେଣ ଛଅ ମାସର ମୂଳ ଦରମା ଠାରୁ ଅଧିକ ହେଉଛି ତେବେ ତାଙ୍କୁ ଏହାର ତଥ୍ୟ ଦେବାକୁ ପଡ଼ିବ। କାର୍ମିକ ମନ୍ତ୍ରାଳୟ ନିକଟରେ ଏନେଇ ଏକ ଆଦେଶ ଜାରି କରିଥିଲା। ଏହି ସୂଚନା ଅଲ୍‌ ଇଣ୍ଡିଆ ସର୍ଭିସ୍‌ ରୁଲ୍ସ ୧୯୬୮ ର ନିୟମ ୧୬(୪) ଅନୁଯାୟୀ ଅଧିକାରୀଙ୍କ ଦ୍ବାରା ଦିଆଯାଉଥିବା ସୂଚନା ସହ ଏହି ସୂଚନା ଅତିରିକ୍ତ ଭାବରେ ଦେବାକୁ ପଡ଼ିବ।

ଏହି ନିୟମ ଅଲ୍‌ ଇଣ୍ଡିଆ ସର୍ଭିସ୍‌- ଭାରତୀୟ ପ୍ରଶାସନିକ ସେବା (IAS), ଭାରତୀୟ ପୋଲିସ୍‌ ସେବା (IPS) ଏବଂ ଇଣ୍ଡିଆାନ ଫରେଷ୍ଟ ସର୍ଭିସ୍‌ (IFS) ଅଧିକାରୀଙ୍କ ଉପରେ ଲାଗୁ ହେବ। ମନ୍ତ୍ରାଳୟ ୨୦ ମାର୍ଚ୍ଚରେ ଏକ ଆଦେଶରେ କହିଛି ଯେ, ଶେୟାର, ସିକ୍ୟୁରିଟି, ଡିଭେଞ୍ଚର, ଆଦିକୁ ଏହି ନିୟମ ୧୬(୪) ଅନୁଯାୟୀ ସ୍ଥାବର ସମ୍ପତ୍ତି ଭାବରେ ଧରାଯିବ। ଏମିତିରେ ଯଦି ନେଣଦେଣ, ଅଧିକାରୀଙ୍କ ଛଅ ମାସର ମୂଳ ବେତନରୁ ଅଧିକ ହେଉଛି ତେବେ​‌ ଏଭଳି ସ୍ଥିତିରେ ଅଥରିଟିକୁ ସୂଚିତ କରିବା ଜରୁରୀ। ଏହି ଆଦେଶ କେନ୍ଦ୍ର ସରକାରଙ୍କ ସବୁ ମନ୍ତ୍ରାଳୟଙ୍କ ସଚିବଙ୍କୁ ଜାରି କରାଯାଇଛି।