ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପଡୋଶୀଙ୍କ କହିବା ପରେ ବେଡରୁମ୍‌ରେ ସିସିଟିଭି କ୍ୟାମେରା ଲଗାଇଦେଲେ ଯୁବକ, ଧରାପଡିଲା ସ୍ତ୍ରୀଙ୍କ କାରନାମା

4/12/2019 at 11:53 AM

ବରେଲି ୪।୧୨: ଉତ୍ତରପ୍ରଦେଶ ବରେଲିରେ ଏଭଳି ଏକ ଘଟଣା ସାମ୍ନାକୁ ଆସିଛି, ଯାହା ଜାଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ପଡୋଶୀଙ୍କ କହିବା ଅନୁସାରେ ସ୍ତ୍ରୀର କାରନାମା ଜାଣିବା ପାଇଁ ବେଡରୁମ୍ ରେ ସିସିଟିଭି କ୍ୟାମେରା ଲଗାଇଥିଲେ ସ୍ବାମୀ ।

ପଡୋଶୀମାନେ ଯୁବକଙ୍କ ନିକଟରେ ଅଭିଯୋଗ କରିଥିଲେ ଯେ, ତାଙ୍କ ସ୍ତ୍ରୀ ଛୁଆକୁ ନିର୍ଦ୍ଦୟ ଭାବେ ପିଟୁଛନ୍ତି । ଫଳରେ ଯୁବକ ଜଣଙ୍କ ତାଙ୍କ ସ୍ତ୍ରୀଙ୍କୁ ଏ କଥା କହିବାରୁ ସେ ପଡୋଶୀମାନଙ୍କ ସହ ଝଗଡା କରିଥିଲେ । ମହିଳା ଜଣଙ୍କ ତାଙ୍କ ସ୍ବାମୀଙ୍କୁ କହିଥିଲେ ଯେ, ପଡୋଶୀମାନେ ସେମାନଙ୍କ ମଧ୍ୟରେ ଗଣ୍ଡଗୋଳ କରାଇବାକୁଚାହୁଁଛନ୍ତି । ଏହାଶୁଣି ଯୁବକ ଜଣଙ୍କ ଚୁପ୍ ହୋଇଯାଇଥିଲେ । ମାତ୍ର ତାଙ୍କ ମନ ମାନିନଥିଲା । ସେ ସ୍ତ୍ରୀଙ୍କୁ ନଜଣାଇ ସତ କଣ ଜାଣିବା ପାଇଁ ବେଡରୁମ୍ ରେ ସିସିଟିଭି କ୍ୟାମେରା ଲଗାଇଦେଇଥିଲେ ।

ସୂଚନାଯୋଗ୍ୟ ଯେ, ସୁଭାଷନଗର ନିବାସୀ ଦୀପକଙ୍କ ବିବାହ ପୁନମଙ୍କ ସହ ହୋଇଥିଲା । ତାଙ୍କର ବର୍ଷକର ପୁଅ ମଧ୍ୟ ଅଛି । ଦୀପକଙ୍କ ପଡୋଶୀମାନେ ତାଙ୍କୁ କହିଥିଲେ ଯେ, ଯେତେବେଳେ ସେ ଘରେ ରୁହନ୍ତିନାହିଁ ସେତେବେଳେ ତାଙ୍କ ଘରେ ତାଙ୍କ କାନ୍ଦିବାର ଶବ୍ଦ ଶୁଣାଯାଇଥାଏ । ଫଳରେ ଦୀପକ ଏ ବିଷୟରେ ତାଙ୍କ ସ୍ତ୍ରୀଙ୍କୁ ପଚାରିଥିଲେ । ମାତ୍ର ସେ ତାଙ୍କ କଥାକୁ ଟାଳି ଦେଇ କହିଥିଲେ ଯେ, ଉଭୟଙ୍କ ମଧ୍ୟରେ ଗଣ୍ଡଗୋଳ କରାଇବା ପାଇଁ ପଡୋଶୀମାନେ ପ୍ରୟାସ କରୁଛନ୍ତି । ମାତ୍ର ପୁଣି ଥରେ ପଡୋଶୀମାନେ ଅଭିଯୋଗ କରିଥିଲେ । ଫଳରେ ସତ କଣ ଜାଣିବା ପାଇଁ ଯୁବକ ଜଣଙ୍କ ତାଙ୍କ ବେଡ୍ ରୁମ୍ ରେ ସିସିଟିଭି କ୍ୟାମେରା ଲଗାଇଦେଇଥିଲେ । ଯେତେବେଳେ ଦୀପକ ସିସିଟିଭି କ୍ୟାମେରାର ରେକର୍ଡିଂ ଦେଖିଥିଲେ ସେ ତାଙ୍କ ସ୍ତ୍ରୀଙ୍କର ଏଭଳି କାରନାମା ଦେଖି  ଆଶ୍ଚର୍ଯ୍ୟ ହୋଇଯାଇଥିଲେ ।

କ୍ୟାମେରାରୁ ମିଳିଥିବା ଫୁଟେଜ୍ ରେ ଦୀପକଙ୍କ ସ୍ତ୍ରୀ ପୁନମ ତାଙ୍କ ପୁଅକୁ ନିର୍ଦ୍ଦୟ ଭାବେ ପିଟୁଥିବାର ଦେଖିବାକୁ ମିଳିଥିଲା । ସିସିଟିଭି କ୍ୟାମେରାରେ ଏ ସବୁ ଦୃଶ୍ୟ ଦେଖିବା ପରେ ପୁନମ୍ ତାଙ୍କ ବାପଘରକୁ ଚାଲିଯାଇଥିଲେ । ପରେ ସେ ଦୀପକଙ୍କ ବିରୋଧରେ ଯୌତୁକ ନିର୍ଯାତନା ଅଭିଯୋଗ ଆଣିଥିଲେ । ଫଳରେ ଦୀପକ ଡିଆଇଜିଙ୍କ ନିକଟରେ ମାମଲା ରୁଜୁ କରିବା ପାଇଁ ଦାବି କରିଛନ୍ତି ।

   Related Posts