ମଧ୍ୟପ୍ରଦେଶ ୨୫/୦୪: ସାରା ଦେଶରେ ଅନୁଭୂତ ହେଉଛି ଅସହ୍ୟ ଖରା ଗରମ । ଘରୁ ବାହାରିବା ହୋଇପଡୁଛି ମୁସ୍କିଲ୍ । ଖରା ତାତିରେ ଅନୁଭୂତ ହେଉଛି ପ୍ରଚଣ୍ଡ ତାତି । ମଣିଷ ତ ମଣିଷ ଗାଡି ମଟରର ବି ଉଡିଯାଉଛି ରଙ୍ଗ ।
ଖାସ କରି ଯଦି ଦାମୀ ଗାଡି ଗୁଡିକର ରଙ୍ଗ ଉଡିଯାଏ ତେବେ ଆପଣ କଣ କରିବେ । ତା’ହେଲେ ଏହି ସମୟରେ ଆପଣ କ’ଣ କରିବେ? ଗାଡ଼ିକୁ କଭର ଅପ୍ କରିବେ ବା ଛାଇରେ ରଖିବେ । ହେଲେ ଏଥିରୁ ବର୍ତ୍ତବାକୁ ଜଣେ ଡାକ୍ତର ପାଞ୍ଚିଛନ୍ତି ଉପାୟ । ଖରାରୁ ରକ୍ଷା ପାଇବାକୁ ଯାଇ ମଧ୍ୟପ୍ରେଦଶ ସାଗରର ଜଣେ ହୋମିଓପାଥି ଡାକ୍ତର ଶୁସିଲ୍ ସାଗର ଏମିତି କରିଛନ୍ତି ଯାହା ଜାଣିଲେ ଆପଣ ହୋଇଯିବେ ତାଜୁବ ।
wp:html/wp:html
ଡାକ୍ତର ଜଣଙ୍କ କାର୍କୁ ଥଣ୍ଡା ରଖିବା ପାଇଁ କାର ଉପରେ ଲଗାଇଛନ୍ତି ସନ୍ସ୍କ୍ରିନ୍ । ତେବେ ଏହା ସନ୍ସ୍କ୍ରିନ୍ କ୍ରିମ୍ ନୁହେଁ ବରଂ ଗୋବରର ପ୍ରଲେପ ଲଗାଇଛନ୍ତି । ଯାହା ସୋସିଆଲ ମିଡିଆରେ ବେଶ୍ ଭାଇରାଲ୍ ହେବାରେ ଲାଗିଛି । ବ୍ରୁଟ୍ ଇଣ୍ଡିଆ ପକ୍ଷରୁ ଏହାକୁ ସେୟାର କରାଯାଇଛି । ଭାଇରାଲ୍ ହୋଇଥିବା ଭିଡିଓରେ ଲେଖାଅଛି ମଧ୍ୟପ୍ରଦେଶର ଜଣେ ଡାକ୍ତର ଏମିତି କରିଛନ୍ତି ।
ଡାକ୍ତର ଜଣଙ୍କ ଅଧିକ ଖରାରୁ ନିଜ କାର୍କୁ ରକ୍ଷା କରିବାକୁ ଯାଇ ଏହିପରି କରିଛନ୍ତି। ଫେସ୍ବୁକ୍ରେ ସେୟାର ହୋଇଛି ଏହାର ଭିଡିଓ । ଫଟୋ ପୋଷ୍ଟ ପରେ ଲୋକେ ବି ଦେଉଛନ୍ତି ମଜାଳିଆ କମେଣ୍ଟ । ଯାହାକୁ ୬୦ ହଜାରରୁ ଅଧିକ ଲୋକ ଲାଇକ୍ ବି କରିଛନ୍ତି । ଅନେକ ଲୋକ ଏହାକୁ ସେୟାର ବି କରିଛନ୍ତି । ଗତ କିଛିଦିନ ତଳେ ଜଣେ ମହିଳା ବି ଏମିତି କାରରେ ଗୋବରର ପ୍ରଲେପ ଦେଇଥିଲେ । ସୋସିଆଲ ମିଡିଆରେ ତାଙ୍କର ଫଟୋ ଭାଇରାଲ୍ ହୋଇଥିଲା ।
