scan steel
web-baneer-728x90
krs-728-90-banner english (2)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ତାତିରେ ସିଝୁଛି ପଶ୍ଚିମ ଓଡ଼ିଶା, ୨ଟା ୩୦ ସୁଦ୍ଧା ସମ୍ବଲପୁରରେ ପାରଦ ୪୫ ଉପରେ

18/06/2023 at 4:45 PM

ଭୁବନେଶ୍ଵର: ଅସହ୍ୟ ଗରମ । ଗମଗମ ବୋହୁଛି ଝାଳ । ସହି ହେଉନି ଗୁଳୁଗୁଳି ।  ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଜାରି କରାଯାଇଥିବା ମ୍ୟାପ୍‌କୁ ଦେଖିଲେ ଲାଗୁଛି ସତରେ ଯେମିତି ଇଷତ ଲାଲ ମଙ୍ଗଳ ଗ୍ରହ ପରି । ଆଗାମୀ ଦୁଇ ଦିନ ଯାଏ ନିସ୍ତାର ନାହିଁ । ଏଭଳି ସୂଚନା ଦେଇଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର।  ଆଜି ମଧ୍ୟ ପଶ୍ଚିମ ଓଡ଼ିଶା ଅଗ୍ନି ପିଣ୍ଡୁଳାରେ ପରିଣତ ହୋଇଛି ଏବଂ ଆକାଶରୁ ଅଗ୍ନି ବର୍ଷା ହୋଇଛି।

ପଶ୍ଚିମ ଓଡ଼ିଶାର କିଛି ସହରରେ ତାପମାତ୍ରା ୪୪ ଡ଼ିଗ୍ରୀ ଉପରେ ରେକର୍ଡ଼ କରାଯାଇଛି । ଦିନ  ୨ଟା ୩୦ ସୁଦ୍ଧା ସମ୍ବଲପୁର ୪୫.୪ ଡ଼ିଗ୍ରୀ, ଝାରସୁଗୁଡ଼ା ୪୪.୪, ହୀରାକୁଦ୍ ୪୪.୨ ଏବଂ ଭୁବନେଶ୍ବର ୪୦ ଡ଼ିଗ୍ରୀ ସେଲସିୟସ ରେକର୍ଡ଼ ହୋଇଛି । ସେହିଭଳି  ପୁରୀ ୭୮ ପ୍ରତିଶତ,  ପାରାଦୀପ ରେ ୭୭ ପ୍ରତିଶତ, ଗୋପାଳପୁର ୭୫ ପ୍ରତିଶତ, ବାଲେଶ୍ବରରେ ୭୩ ପ୍ରତିଶତ ଆଦ୍ରତା ରେକର୍ଡ଼ କରାଯାଇଛି ।

Heat wave continues to hit normal life in Odisha

ସେପଟେ ଆସନ୍ତାକାଲି ପାଇଁ  କେନ୍ଦୁଝର, ସୁନ୍ଦରଗଡ଼, ଝାରସୁଗୁଡ଼ା, ଦେବଗଡ଼, ଅନୂଗୁଳୂ, ବରଗଡ଼, ସମ୍ବଲପୁର, ସୋନପୁର, ବଲାଙ୍ଗୀର, କନ୍ଧମାଳ, ନୟାଗଡ଼, ଖୋର୍ଦ୍ଦା, କଟକ, ଢେଙ୍କାନାଳ ଓ ବୌଦ୍ଧ ଜିଲାର ଗୋଟିଏ କିଛି ସ୍ଥାନରେ ହିଟ ଓ୍ଵେଭ୍ ଟୁ ସିଭିୟର ହିଟ୍ ଓ୍ଵେଭ୍ ହେବା ନେଇ ସୂଚନା ଦେଇଛି ପାଣିପାଗ ବିଭାଗ। ଏହି ଜିଲା ଗୁଡ଼ିକୁ ଅରେଞ୍ଜ ଓ୍ଵାର୍ଣ୍ଣିଂ ଜାରି କରାଯାଇଛି ।

Absence of Sea Breeze Cause Heat Wave in Odisha | India News Diary

ସେହିଭଳି  ଯାଜପୁର, କଳାହାଣ୍ଡି, ନୂଆପଡ଼ା, ମୟୁରଭଞ୍ଜ ଜିଲାର ଗୋଟିଏ ଦୁଇଟି ସ୍ଥାନରେ ହିଟ୍ ଓ୍ଵେଭ୍ ପାଇଁ ସତର୍କ ସୂଚନା ଦିଆଯାଇଛି । ଅନ୍ୟପଟେ ଯଦି ଦେଖିବା ଦକ୍ଷିଣ ଓଡ଼ିଶା ଓ ଉତ୍ତର ଓଡ଼ିଶାର କିଛି ଜିଲାରେ ହାଲୁକାରୁ ମଧ୍ୟମ ଧରଣର ବର୍ଷା ହେବା ସମ୍ଭାବନା ଥିବା କହିଛି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର । ତେବେ ରଥଯାତ୍ରା ଦିନ ବି କିଛି ଜିଲ୍ଲାକୁ ହିଟ ଓ୍ଵେଭ୍‌ ଟୁ ସିଭିୟର ହିଟ୍ ଓ୍ଵେଭ୍ ହେବା ନେଇ  ସତର୍କ ସୁଚନା ଦେଇଛି ପାଣିପାଗ ବିଭାଗ ।

ଏ ଖବର ପଢନ୍ତୁ- ଆଣ୍ଟାର୍କଟିକାର ବିଯୁକ୍ତ ୯୮ ଡିଗ୍ରି ସେଲସିୟସ୍‌ ତାପମାତ୍ରାରେ ରହୁଛନ୍ତି ୪ ହଜାର ଲୋକ, ଅଧିକାଂଶ ସମୟ କଟୁଛି ଅନ୍ଧାରରେ

   Related Posts