ନୂଆଦିଲ୍ଲୀ ୦୨/୦୭: କରୋନା ପରେ ହୃଦଘାତର ମାମଲା ଦ୍ରୁତ ଗତିରେ ସାମ୍ନାକୁ ଆସୁଛି । କେତେକ ଚାଲିବା ସମୟରେ ହୃଦଘାତର ସମ୍ମୁଖୀନ ହେଉଛନ୍ତି । ଆଉ କେତେକ ବସି ବସି ହୃଦ୍ଘାତର ଶିକାର ହେଉଛନ୍ତି । କ୍ରମାଗତ ଏହି ବଢ଼ୁଥିବା ମାମଲା ସମ୍ପର୍କରେ ଦାବି କରାଯାଇଥିଲା ଯେ ଏହା କୋଭିଡ୍ ଟିକା ପାଇଁ ଏପରି ହେଉଛି । ତଥାପି, ICMR ଓ AIIMS ର ରିପୋର୍ଟରେ ଦାବି ସମ୍ପର୍କରେ ବଡ଼ ଖୁଲାସା ହୋଇଛି।
କିଛି ସମୟ ଧରି ଦେଶରେ ଆଲୋଚନା ହେଉଥିଲା ଯେ କୋଭିଡ୍-୧୯ ଟିକା ନେବା ପରେ ଅନେକ ଯୁବପିଢି ହଠାତ୍ ମୃତ୍ୟୁବରଣ କରୁଛନ୍ତି । ଏହାକୁ ନେଇ ଅନେକ ପ୍ରକାରର ଗୁଜବ ଓ ଭୟ ପ୍ରସାରିତ ହେଉଥିଲା । କିନ୍ତୁ ଏବେ ଏହି ପ୍ରସଙ୍ଗରେ, ଦେଶର ଦୁଇଟି ବୃହତ୍ତମ ଚିକିତ୍ସା ପ୍ରତିଷ୍ଠାନ ICMR (ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚ) ଏବଂ AIIMS (ଅଲ୍ ଇଣ୍ଡିଆ ଇନଷ୍ଟିଚ୍ୟୁଟ୍ ଅଫ୍ ମେଡିକାଲ୍ ସାଇନ୍ସେସ୍) ଏକ ବଡ଼ ଓ ଗଭୀର ତଦନ୍ତ କରିଛନ୍ତି । ଯେଉଁଥିରେ ସ୍ପଷ୍ଟ ଭାବରେ କୁହାଯାଇଛି ଯେ କୋଭିଡ୍ ଟିକା ଓ ହଠାତ୍ ମୃତ୍ୟୁ ମଧ୍ୟରେ କୌଣସି ସିଧାସଳଖ ସମ୍ପର୍କ ନାହିଁ।
Extensive studies by ICMR (Indian Council of Medical Research) and AIIMS on sudden deaths among adults post-COVID have conclusively established no linkage between COVID-19 vaccines and sudden deaths: Ministry of Health and Family Welfare.
— ANI (@ANI) July 2, 2025
Studies by ICMR and the National Centre… pic.twitter.com/f5NcZ9x1Oq
ICMR-Aiims ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଏପିଡେମିଓଲୋଜି ସହିତ ମିଳିତ ଭାବରେ ଏହି ରିପୋର୍ଟ ପ୍ରସ୍ତୁତ କରିଛି। ଏଥିରେ, ୧୮ରୁ ୪୫ ବର୍ଷ ବୟସର ସେହି ଲୋକଙ୍କ ନମୁନା ନିଆଯାଇଛି। ସେମାନେ ୧ ଅକ୍ଟୋବର, ୨୦୨୧ ରୁ ୩୧ମାର୍ଚ୍ଚ, ୨୦୨୩ ମଧ୍ୟରେ ହଠାତ୍ ମୃତ୍ୟୁବରଣ କରିଥିଲେ।
ଆକସ୍ମିକ ମୃତ୍ୟୁ ଓ ଟିକା ମଧ୍ୟରେ କୌଣସି ସମ୍ପର୍କ ନାହିଁ:
ICMR ଓ Aiims ର ରିପୋର୍ଟ ଏପରି ସମୟରେ ଆସିଛି ଯେତେବେଳେ ଟିଭି ଅଭିନେତ୍ରୀ ଶେଫାଲି ଜରିୱାଲାଙ୍କ ମୃତ୍ୟୁ ମାମଲା ଆଲୋଚନାରେ ରହିଛି। ତାଙ୍କ ହଠାତ୍ ମୃତ୍ୟୁ ଯୋଗୁଁ ଅନେକ ପ୍ରଶ୍ନ ଉଠାଯାଉଥିଲା। ମୃତ୍ୟୁର କାରଣ କୋଭିଡ୍ ଟିକା ବୋଲି ବିଶ୍ୱାସ କରାଯାଉଥିଲା। ଏହା ବ୍ୟତୀତ, କର୍ଣ୍ଣାଟକର ହାସନ ଜିଲ୍ଲାରେ ହେଉଥିବା ମୃତ୍ୟୁକୁ ନେଇ ସମସ୍ତେ ଭୟଭୀତ ହୋଇଥିଲେ। ଏଠାରେ ଗତ ୪୦ ଦିନରେ ୨୨ ଜଣ ଲୋକ ପ୍ରାଣ ହରାଇଛନ୍ତି। ମୃତ୍ୟୁବରଣ କରିଥିବା ଅଧିକାଂଶ ଲୋକ ଯୁବକ କିମ୍ବା ମଧ୍ୟବୟସ୍କ ଥିଲେ।
ଏହି ରିପୋର୍ଟ ସମ୍ପର୍କରେ, ସ୍ୱାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଦେଶର ଅନେକ ଏଜେନ୍ସି ମାଧ୍ୟମରେ ହଠାତ୍ ମୃତ୍ୟୁ ମାମଲାଗୁଡ଼ିକର ତଦନ୍ତ କରାଯାଇଛି । ଯାହା ପ୍ରମାଣିତ କରିଛି ଯେ କୋଭିଡ୍-୧୯ ଟୀକାକରଣ ରିପୋର୍ଟ ଓ ଦେଶରେ ହଠାତ୍ ମୃତ୍ୟୁ ମଧ୍ୟରେ କୌଣସି ସିଧାସଳଖ ସମ୍ପର୍କ ନାହିଁ।
ମୃତ୍ୟୁ କାହିଁକି ଘଟୁଛି ?
ରିପୋର୍ଟରେ ଦାବି କରାଯାଇଛି ଯେ ଯୁବପିଢ଼ିଙ୍କ ମଧ୍ୟରେ ଘଟୁଥିବା ମୃତ୍ୟୁ ଜେନେଟିକ୍ସ, ଜୀବନଶୈଳୀ, ପୂର୍ବ ଅବସ୍ଥା ଏବଂ କୋଭିଡ୍ ପରବର୍ତ୍ତୀ ଜଟିଳତା ସମେତ ଅନେକ କାରଣର ପରିଣାମ ହୋଇପାରେ।
କୋଭିଡ୍ ଟିକା ହଠାତ୍ ମୃତ୍ୟୁର କାରଣ ନୁହେଁ: ସ୍ୱାସ୍ଥ୍ୟ ମନ୍ତ୍ରୀ
ଏହି ରିପୋର୍ଟ ପୂର୍ବରୁ, କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ଜେପି ନଡ୍ଡା ମଧ୍ୟ କହିଥିଲେ ଯେ ହଠାତ୍ ମୃତ୍ୟୁର କାରଣ କୋଭିଡ୍ ଟିକା ନୁହେଁ। ସେହି ସମୟରେ ନଡ୍ଡା ଭାରତୀୟ ଚିକିତ୍ସା ଗବେଷଣା ପରିଷଦ (ICMR)ର ଏକ ରିପୋର୍ଟକୁ ଉଦ୍ଧୃତ କରିଥିଲେ । ସେ କହିଥିଲେ ଯେ ଟିକାକରଣ ବିପଦ ବୃଦ୍ଧି କରିନାହିଁ । ଏହାକୁ ହ୍ରାସ କରିଛି।
