ପୁରୀ ୧୦/୦୬: ଅନବସରରେ ମହାପ୍ରଭୂଙ୍କ ଶ୍ରୀଅଙ୍ଗରେ ଲାଗି ହୋଇଚି ଫୁଲୁରୀ ତେଲ । ରାତିରେ ଠାକୁରଙ୍କ ପାଦପଦ୍ମରେ ଫୁଲୁରୀ ତେଲ ଘଷା ପରେ ଜ୍ବରରୁ ଉପଶମ ଲାଭ କରିଛନ୍ତି ଶ୍ରୀଜିଉ । ଆଜିଠାରୁ ଠାକୁରଙ୍କୁ ଓଷ ଲାଗି ଆରମ୍ଭ ହେବ । ଝୁଣା ଗୁଣ୍ଡରେ ରାଶି ତେଲର ମିଶ୍ରଣ ହେଉଛି ଓଷ ।

ଏହାପରେ ଦଶମୂଳ ଔଷଧ ସେବନ କରି ସୁସ୍ଥ ହେବେ ମହାପ୍ରଭୂ । ଏପଟେ ଘୋଷାଯାତ୍ରା ପାଇଁ ରଥ ନିର୍ମାଣ କାମ ଦ୍ରୁତ ଗତିରେ ଚାଲିଛି । ବଡପୋଟଳ ଉଠିବା ପରେ ଗତକାଲି ତିନିରଥରେ କଇଁଚି ବାଡିଆ ଯାଇଛି । ରଥଖଳାରେ ପ୍ରଭା ତିଆରି ଆରମ୍ଭ ହୋଇଛି । ଆଜି ୧୨ ପରସ୍ତ ପୋଟଳ ସହ ପାରାଭାଡି ଉଠିବାର କାର୍ଯ୍ୟକ୍ରମ ରହିଛି ।

ଅତିବଡ଼ୀ ଜଗନ୍ନାଥ ଦାସଙ୍କ ଦ୍ୱାରା ପ୍ରତିଷ୍ଠିତ ବଡ଼ଓଡ଼ିଆ ମଠ ବଡ଼ଦେଉଳକୁ ଫୁଲୁରୀ ତେଲ ଯୋଗାଇବାର ପରମ୍ପରା ରହିଛି । ଶୁକ୍ରବାର ସକାଳେ ବଡ଼ ଓଡ଼ିଆ ମଠ ମହନ୍ତ ଅଧିକାରୀ ବଂଶୀଧର ଦାସ ଗୋସ୍ୱାମୀଙ୍କ ନିକଟକୁ ଶ୍ରୀମନ୍ଦିରରୁ ଡାକରା ଯାଇଥିଲା । ଏହାପରେ ମଠ ପରିସରରେ ଫୁଲୁରୀ ତେଲ ପ୍ରସ୍ତୁତି ଆରମ୍ଭ ହୋଇଥିଲା ।

ସ୍ନାନପୂର୍ଣ୍ଣିମାରେ ମାଟି ତଳୁ ବାହାରିଥିବା ତେଲକୁ ଭଲଭାବେ ଛଣା ହୋଇ ମାଟି ପାତ୍ରରେ କଦଳୀ ପତ୍ର ଘୋଡ଼ାଇ ପ୍ରସ୍ତୁତ ହେଲା । ୨ଟି ମାଟି ପାତ୍ରରେ ରହିଥିଲା ଫୁଲୁରୀ ତେଲ । ମହନ୍ତ ଗୋସ୍ୱାମୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମାନସ ରଥ, ଯଜେ୍ଞଶ୍ୱର ପଣ୍ଡା ଓ ମନୋରଞ୍ଜନ ଦାଶ ଠାକୁରଙ୍କ ତେଲ ଶ୍ରୀମନ୍ଦିରରେ ପହଞ୍ଚାଇଥିଲେ । ଅଣସର ପିଣ୍ଡିରେ ଶ୍ରୀଜୀଉଙ୍କ ଶ୍ରୀଅଙ୍ଗରେ ଏହି ତୈଳ ମର୍ଦ୍ଦନ କରାଯାଇଥିଲା । ଏହାଦ୍ୱାରା ଅସୁସ୍ଥ ଶ୍ରୀବିଗ୍ରହ ସୁସ୍ଥ ହେବେ ।

ଶୟନ ଅବସ୍ଥାରୁ ଶ୍ରୀବିଗ୍ରହଙ୍କୁ ଉଠାଇବାକୁ ଏସବୁ ଅନନ୍ୟ ରୀତିନୀତି । ଏସବୁ ଠାକୁରଙ୍କ ଗୁପ୍ତ ପୂଜା । ଅତିବଡ଼ୀ ଜଗନ୍ନାଥ ଦାସଙ୍କ ଦ୍ୱାରା ପ୍ରତିଷ୍ଠିତ ବଡ଼ଓଡ଼ିଆ ମଠ ବଡ଼ଦେଉଳକୁ ଫୁଲୁରୀ ତେଲ ଯୋଗାଇବାର ପରମ୍ପରା ରହିଛି । ଶୁକ୍ରବାର ସକାଳେ ବଡ଼ ଓଡ଼ିଆ ମଠ ମହନ୍ତ ଅଧିକାରୀ ବଂଶୀଧର ଦାସ ଗୋସ୍ୱାମୀଙ୍କ ନିକଟକୁ ଶ୍ରୀମନ୍ଦିରରୁ ଡାକରା ଯାଇଥିଲା । ଏହାପରେ ମଠ ପରିସରରେ ଫୁଲୁରୀ ତେଲ ପ୍ରସ୍ତୁତି ଆରମ୍ଭ ହୋଇଥିଲା ।

ସ୍ନାନପୂର୍ଣ୍ଣିମାରେ ମାଟି ତଳୁ ବାହାରିଥିବା ତେଲକୁ ଭଲଭାବେ ଛଣା ହୋଇ ମାଟି ପାତ୍ରରେ କଦଳୀ ପତ୍ର ଘୋଡ଼ାଇ ପ୍ରସ୍ତୁତ ହେଲା । ୨ଟି ମାଟି ପାତ୍ରରେ ରହିଥିଲା ଫୁଲୁରୀ ତେଲ । ମହନ୍ତ ଗୋସ୍ୱାମୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ମାନସ ରଥ, ଯଜେ୍ଞଶ୍ୱର ପଣ୍ଡା ଓ ମନୋରଞ୍ଜନ ଦାଶ ଠାକୁରଙ୍କ ତେଲ ଶ୍ରୀମନ୍ଦିରରେ ପହଞ୍ଚାଇଥିଲେ । ଅଣସର ପିଣ୍ଡିରେ ଶ୍ରୀଜୀଉଙ୍କ ଶ୍ରୀଅଙ୍ଗରେ ଏହି ତୈଳ ମର୍ଦ୍ଦନ କରାଯାଇଥିଲା । ଏହାଦ୍ୱାରା ଅସୁସ୍ଥ ଶ୍ରୀବିଗ୍ରହ ସୁସ୍ଥ ହେବେ । ଶୟନ ଅବସ୍ଥାରୁ ଶ୍ରୀବିଗ୍ରହଙ୍କୁ ଉଠାଇବାକୁ ଏସବୁ ଅନନ୍ୟ ରୀତିନୀତି । ଏସବୁ ଠାକୁରଙ୍କ ଗୁପ୍ତ ପୂଜା ।