କରଞ୍ଜିଆ: କରଞ୍ଜିଆ-ଶିମିଳିପାଳରେ କାଠପଟା ଚିରାକୁ ନେଇ ତୁମୁଳକାଣ୍ଡ। ପେଟ୍ରୋଲିଂ କରୁଥିବା ବନ କର୍ମଚାରୀଙ୍କୁ ମରଣାନ୍ତ ଆକ୍ରମଣ କଲେ ନଅଣା ଗାଁ ସାରାମ ସାହିର ଲୋକେ। ଠେଙ୍ଗାରେ ମରଣାନ୍ତ ଆକ୍ରମଣ ପରେ ପେଟ୍ରୋଲିଂ ଗାଡି ଓ ବାଇକ ଭଙ୍ଗାରୁଜା କରିଛନ୍ତି। ଏଥିରେ ୭ ବନ କର୍ମଚାରୀ ଗୁରୁତର ଆହତ ହୋଇଛନ୍ତି। ଅନ୍ୟପଟେ ପୋଲିସର କାର୍ଯ୍ୟାନୁଷ୍ଠାନରେ ୧୯ ଟି ଶାଳ ପଟା ଜବତ ହେବା ସହ ସାରାମ ସାହିର ୪୦ ଜଣକ ନାମରେ ଯଶୀପୁର ଥାନାରେ ମାମଲା ରୁଜୁ ହୋଇଛି। ପୋଲିସ ଘଟଣାସ୍ଥଳରେ ପହଞ୍ଚି ତନାଘନା ଆରମ୍ଭ କରିଛି।