ଭୁବନେଶ୍ବର ୨୮/୫: ୫୦ କୋଟି ଠକେଇ ମାମଲାରେ କ୍ରାଇମବ୍ରାଞ୍ଚ EOWକୁ ସଫଳତା । ୱେ ଟୁ ଆଡ କଂପାନୀର ମାଲିକ ମୋହନ ପରିଡାଙ୍କୁ ଗିରଫ ପରେ କୋର୍ଟ ଚାଲାଣ କରିଛି EOW । ୩ମାସରେ ୨ଗୁଣା ଟଙ୍କା ହେବାର ଲୋଭନୀୟ ଅଫର ଦେଇ ଲୋକଙ୍କଠାରୁ ନେଇଥିଲା ଟଙ୍କା ।
ପ୍ରଥମେ ପ୍ରଥମେ କିଛି ଜମାକାରୀ କଂପାନୀଠାରୁ ଟଙ୍କା ପାଇବା ପରେ ଅଧିକ ଟଙ୍କା ଲଗାଇ ଥିଲେ । ଏମିତି ଲୋକଙ୍କ ବିଶ୍ବାସ ଜିତି ପ୍ରାୟ ୫୦ କୋଟି ଟଙ୍କା ଧରି ଫେରାର ହୋଇଯାଇଥିଲା ମୋହନ । କ୍ରାଇମବ୍ରାଞ୍ଚ EOWରେ ମାମଲା ରୁଜୁ ପରେ ତନାଘନା କରିଥିଲେ ଅଧିକାରୀ । ତଦନ୍ତ ପରେ ସମସ୍ତ ପ୍ରମାଣ ଆଧାରରେ ମୋହନଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।