ବାରିପଦା ୦୮/୧୨: କୁଳିଅଣା ଫୋରେଷ୍ଟ ରେଞ୍ଜ ଅନ୍ତର୍ଗତ ଅଦାପାଳ ନିକଟରେ ଏକ ପରିତ୍ୟକ୍ତ ଗଡ଼ିଆ ରେ ପଡିଲେ ଦୁଇ ହାତୀ । ପାଚିଲା ଧାନ ଖାଇବା ଲାଗି କିଛିଦିନ ଧରି ଶିମିଳିପାଳ ର ଏକ ହାତୀପଲ ସେହି ଅଞ୍ଚଳରେ ରହି ଆସୁଥିଲେ ।

ଗତ ର‍ାତିରେ ଧାନ ଖାଇବାକୁ ଆସି ଏହି ପରିତ୍ୟକ୍ତ ଗାଡିଆରେ ୬ଟି ହାତି ପଡି ଯାଇଥିଲେ । ହେଲେ ୪ଟି ବୟସ୍କ ହାତୀ ନିଜେ ସେଠାରୁ ବାହାରି ଯାଇଥିବା ବେଳେ ୨ଟି ଅଳ୍ପ ବୟସ୍କ ହାତୀ ଉଠିପାରି ନାହାନ୍ତି । ବର୍ତ୍ତମାନ ବନବିଭାଗ ଦ୍ୱାରା ସେମାନଙ୍କ ଉଦ୍ଧାର କାର୍ଯ୍ୟ ଜାରି ରହିଛି । ଗାଡିଆର ଗଭୀରତା କମ ରହିଥିବାରୁ ଅଳ୍ପସମୟ ମଧ୍ୟରେ ହାତୀ ଦୁଇଟି କୁ ଉଦ୍ଧାର କରି ଜଙ୍ଗଲରେ ଛଡାଯିବ ବୋଲି ବନ ବିଭାଗ ସୂଚନା ଦେଇଛି।