ବାଲିଗୁଡ଼ା ୧୮/୧୨: ବାଲିଗୁଡ଼ାରେ ଅଭାବନୀୟ ଘଟଣା । ପୋଖରୀରେ ବୁଡ଼ି ବୃଦ୍ଧ ମୃତ । ମୃତକ ହେଉଛନ୍ତି ନୂଆସାହିର ସୁଜନପାତ୍ର । ଖବର ପାଇ ଗଳିତ ଶବକୁ ପୋଖରୀରୁ ଉଦ୍ଧାର କରିଛି ଅଗ୍ନିଶମ ବାହିନୀ ।
ସୂଚନା ଅନୁଯାୟୀ, ମୃତ ବୃଦ୍ଧ ହେଉଛନ୍ତି କନ୍ଧମାଳ ଜିଲ୍ଲା ବାଲିଗଡ଼ା ନୂଆସାହିର ସୁଜନପାତ୍ର । ଗତ ଚାରିଦିନ ତଳେ ସମ୍ପର୍କୀୟଙ୍କ ଅନ୍ତେଷ୍ଟି କାର୍ଯ୍ୟକୁ ଯୋଗ ଦେବାକୁ ଯାଇ ଆଉ ଫେରିନଥିଲେ ସୁଜନ । ରବିବାର ସକାଳୁ ସୁଜନଙ୍କ ମୃତ ଦେହ ଗାଁ ନିକଟସ୍ଥ ପୋଖରୀରେ ଭାସୁଥିବାର ଦେଖିବାକୁ ପାଇଥିଲେ ଗ୍ରାମବାସୀ । ପରେ ପୋଲିସ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ମୃତଦେହକୁ ଉଦ୍ଧାର କରିଛି । ପୋଲିସ ଶବ ବ୍ୟବଚ୍ଛେଦ ପାଇଁ ବାଲିଗୁଡ଼ା ଉପଖଣ୍ଡ ମେଡିକାଲକୁ ପଠାଇବା ସହିତ ତଦନ୍ତ ଆରମ୍ଭ କରିଛି । ବୃଦ୍ଧଙ୍କୁ ହତ୍ୟା କରି ପୋଖରୀରେ ଫିଙ୍ଗି ଦିଆଯାଇଥିବା ଗାଁ ଲୋକ କହିଛନ୍ତି ।
