oroinfra
maganna
anutap
FileReOpen
TASTEtheBEST
EVOS_WebBanner_728X90
oroinfra
ChampionMaganna_WebBanner_728X90
Anutap_WebBanner_728X90
FileReOpen_WebBanner_728X90
TASTEtheBEST_WebBanner_728X90
EVOS_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଇରାନ ବିମାନରେ ବୋମା ଆତଙ୍କ ପରେ ହାଇଆଲର୍ଟ, ଦିଲ୍ଲୀରେ ଅବତରଣ ଲାଗି ମିଳିଲାନି ଅନୁମତି
  • ||
  • ନଭେମ୍ବର ୩ରେ ଧାମନଗର ଉପନିର୍ବାଚନ, ଅକ୍ଟୋବର ୭ରେ ପ୍ରକାଶ ପାଇବ ବିଜ୍ଞପ୍ତି
  • ||
  • ଉତ୍ତରପ୍ରଦେଶ: ଦୁର୍ଗାପୂଜା ପେଣ୍ଡାଲରେ ଲାଗିଲା ନିଆଁ, ୫ ମୃତ ଓ ଅନେକ ଗୁରୁତର
  • ||
  • ରାଜ୍ୟରେ ଉପର ତଳ ଦୈନିକ ସଂକ୍ରମଣ, ୨୪ ଘଣ୍ଟାରେ ଚିହ୍ନଟ ହେଲେ ୬୭ କୋଭିଡ୍ ପଜିଟିଭ୍
  • ||
  • ଭୁବନେଶ୍ୱର: ମଣ୍ଡପରେ ପୂଜା ପାଉଛନ୍ତି ଦୁର୍ଗତିନାଶିନୀ, ପୀଠରେ ମହାନବମୀ ପୂଜା
  • ||
  • ଭୁବନେଶ୍ୱର : ସୋମବାରଠୁ ପ୍ରବଳ ବର୍ଷା, ୮ ପରେ ପୁଣି ଏକ ଘୂର୍ଣ୍ଣିବଳୟ
  • ||
  • ବରଗଡ଼ : ପଦ୍ମପୁର ବିଧାୟକଙ୍କ ପରଲୋକ, ୬୪ ବର୍ଷରେ ଆଖିବୁଜିଲେ ବିଜୟ ରଞ୍ଜନ ସିଂ ବରିହା
  • ||

ବିଲୟ ହେବ ଦାଦରା-ନଗରହାଭେଲୀ ଓ ଡାମନ ଏବଂ ଡ୍ୟୁ, ପ୍ରସ୍ତାବରେ ବାଜିଲା ଲୋକସଭାର ମୋହର, ଏଣିକି ୨ ନୁହେଁ ଗୋଟିଏ କେନ୍ଦ୍ର ଶାସିତ ମାନ୍ୟ ହେବେ

27/11/2019 at 7:51 PM

ନୂଆଦିଲ୍ଲୀ ୨୭।୧୧:  ଦାଦରା-ନଗରହାଭେଲୀ ଓ ଡାମନ ଏଣ୍ଡ ଡ୍ୟୁ ଆଉ ଅଧିକ ସମୟ ପୃଥକପୃଥକ କେନ୍ଦ୍ରଶାସିତ ପ୍ରଦେଶ ହୋଇ ରହିବେନି। ଏ ନେଇ ପ୍ରସ୍ତାବକୁ ବୁଧବାର ଲୋକସଭାର ମଞ୍ଜୁରୀ ମିଳିଛି। ଦାଦରା ଓ ନଗରହାଭେଲୀ ଦୁଇଟି ଜିଲ୍ଲା ହୋଇଥିବା ବେଳେ ଗୋଟିଏ କେନ୍ଦ୍ର ଶାସିତ ପ୍ରଦେଶର ମାନ୍ୟତା ଉପଭୋଗ କରୁଥିଲେ। ସେହିପରି ଡାମନ ଏବଂ ଡ୍ୟୁ ମଧ୍ୟ । ଏଣୁ ୪ଟି ଅଞ୍ଚଳକୁ ମିସାଇ ଗୋଟିଏ କେନ୍ଦ୍ରଶାସିତ ଅଞ୍ଚଳ କରିବା ଲାଗି ପ୍ରସ୍ତାବ ଅନେକ ଦିନରୁ ଲମ୍ବିତ ଥିଲା।

ଗତ ଅଗଷ୍ଟ ୫ ତାରିଖରେ କେନ୍ଦ୍ର ସରକାର ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହାର କରି ଜମ୍ମୁ-କାଶ୍ମୀର ଓ ଲଦ୍ଦାଖକୁ ପୃଥକ କେନ୍ଦ୍ର ଶାସିତ ରାଜ୍ୟରେ ପରିଣତ କରିଥିଲେ। ୩ ମାସ ପରେ ଏବେ ୨ଟି କେନ୍ଦ୍ର ଶାସିତ ରାଜ୍ୟଙ୍କୁ ଭାଙ୍ଗି ଗୋଟିଏରେ ପରିଣତ କରାଯିବ। ତେବେ ସୁଗମ ପ୍ରଶାସନ ଓ ବିକାଶ ସୁନିଶ୍ଚିତ କରିବା ଲାଗି ଦାଦରା, ନଗରହାଭେଲୀ, ଡାମନ ଓ ଡ୍ୟୁକୁ ମିସାଇ ଗୋଟିଏ କେନ୍ଦ୍ର ଶାସିତ ରାଜ୍ୟ କରାଯାଉଥିବା ପ୍ରସ୍ତାବ ଚର୍ଚ୍ଚାରେ କେନ୍ଦ୍ର ଗୃହରାଜ୍ୟମନ୍ତ୍ରୀ ଜି. କିସାନ ରେଡ୍ଡୀ ଗୃହକୁ କହିଛନ୍ତି।

ସେହିପରି ସମ୍ବିଧାନ ଅନୁସାରେ ଉଭୟ ରାଜ୍ୟର ଅନୁସୂଚିତ ଜାତି ଓ ଜନଜାତି ପୂର୍ବଭଳି ସଂରକ୍ଷଣ ସୁବିଧା ମଧ୍ୟ ପ୍ରାପ୍ତ କରିବେ ବୋଲି ରେଡ୍ଡୀ ଗୃହକୁ ଆଶ୍ୱସ୍ତ କରିଛନ୍ତି। ଏବେ ଗୋଟିଏ କେନ୍ଦ୍ର ଶାସିତ ପ୍ରଦେଶ ହେବା ଯୋଗୁ ଅଧିକାରୀମାନେ ସପ୍ତାହକୁ ୫ ଦିନ କାର୍ଯ୍ୟାଳୟରେ ମିଳିବେ ଯାହା ପୂର୍ବରୁ ଦୁଇ କେନ୍ଦ୍ର ଶାସିତ ପ୍ରଦେଶରେ ଅଲଗା ଅଲଗା ଦିନରେ ଉପଲବ୍ଧ ହେଉଥିଲା।  ଦାଦରା ଓ ନଗରହାଭଲୀ ର ସ୍ୱାଧୀନ ସାଂସଦ ମୋହନ ଦେଲକର ଗୃହରେ ବିଧେୟକକୁ ସ୍ୱାଗତ କରିଥିବା ବେଳେ ଉଭୟ କେନ୍ଦ୍ର ଶାସିତ ପ୍ରଦେଶର ଯେପରି ସାଂସ୍କୃତିକ ବିବିଧତା ଅକ୍ଷୁର୍ଣ୍ଣ ରହେ ସେଥିପ୍ରତି  ଦୃଷ୍ଟି ଦେବାକୁ କହିଛନ୍ତି।

ସେହିପରି ଡାମନ ଓ ଡ୍ୟୁର ବିଜେପି ସାଂସଦ ଲାଲୁ ଭାଇ ପଟେଲ ମଧ୍ୟ ବିଧେୟକକୁ ସମର୍ଥନ କରିଛନ୍ତି। ତେବେ ଦୁଇଟି କେନ୍ଦ୍ର ଶାସିତ ପ୍ରଦେଶ ଏକ ହୋଇଥିବା ବେଳେ ଏଥିଲାଗି ଦିଲ୍ଲୀ ଓ ପୁଡୁଚେରୀ ଭଳି ବିଧାନସଭା ନିମନ୍ତେ  ଦାବି କରିଛନ୍ତି। ତେବେ ନ୍ୟୁନତମ ସରକାର ଓ ଅଧିକ ଶାସନ ନୀତିରେ ଦୁଇ ରାଜ୍ୟକୁ ଗୋଟିଏ କେନ୍ଦ୍ର ଶାସିତ ରାଜ୍ୟରେ ପରିଣତ କରିବା ମୁଖ୍ୟ ଉଦ୍ଦେଶ୍ୟ ବୋଲି ସରକାର ସଂସଦରେ କହିଛନ୍ତି।

ତେବେ ଦୁଇଟି ପୃଥକ ରାଜ୍ୟ ହେବା ଯୋଗୁ ୨ଟି ସଂଘ କ୍ଷେତ୍ର ଓ ପୃଥକ ସମ୍ବିଧାନ ହେବା ଯୋଗୁ ପ୍ରଶାସନିକ କାର୍ଯ୍ୟରେ ବାଧା ଉପୁଜୁଥିଲା। ଏବେ ଏହା ଦୂର ହୋଇପାରିବ ବୋଲି ସଂସଦରେ କୁହାଯାଇଛି। ଜମ୍ମୁ-କାଶ୍ମୀର ଓ ଲଦ୍ଦାଖ ରାଜ୍ୟ ଗଠନ ପରେ ଦେଶରେ କେନ୍ଦ୍ର ଶାସିତ ପ୍ରଦେଶ ସଂଖ୍ୟା ୯ରେ ପହଞ୍ଚିଥିଲା। ତେବେ ଡାମନ-ଡ୍ୟୁ, ଦାଦର ଓ ନଗରହାଭେଲୀ ଗୋଟିଏ ରାଜ୍ୟରେ ପରିଣତ ହେବା ଯୋଗୁ ଏବେ ଦେଶରେ କେନ୍ଦ୍ର ଶାସିତ ପ୍ରଦେଶ ସଂଖ୍ୟା ୮କୁ ହ୍ରାସ ହେବ।

   Related Posts