scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଫସଲ ହାନିର ମିଳୁନି କ୍ଷତିପୂରଣ, ତହସିଲଦାରଙ୍କ ଦ୍ୱାରସ୍ତ ହେଲେ ଶତାଧିକ ଚାଷୀ

22/10/2022 at 2:10 PM

ଚଣ୍ଡୀଖୋଲ ୨୨/୧୦: ଫସଲ କ୍ଷୟକ୍ଷତିର ମିଳୁନି କ୍ଷତିପୂରଣ । ଏନେଇ ତହସିଲଦାରଙ୍କ ଦ୍ୱାରସ୍ତ ହେଲେ ଶତାଧିକ ଚାଷୀ । ଯାଜପୁର ଜିଲ୍ଲା ଧର୍ମଶାଳା ତହସିଲ ଅଧୀନ ପଟୁଣିଆ ପଂଚାୟତର ପୂର୍ବ ବର୍ଷ ହୋଇଥିବା ବନ୍ୟା ଓ ଲଗାଣ ବର୍ଷାର ବ୍ୟାପକ ଫସଲ ହାନି ହୋଇଥିଲା ।

ପଟୁଣିଆ ପଂଚାୟତର ଏକର ଏକର ଚାଷ ଜମିର ଚାଷୀ ନଳିତା, ଧାନ, ବିରି ଓ ପରିବା ଫସଲ କରିଥିଲେ । ହେଲେ ବନ୍ୟା ଓ ଲଗାଣ ବର୍ଷା ଯୋଗୁ ଦୀର୍ଘ ଦିନ ଧରି ଚାଷ ଜମିର ପାଣି ଜମି ରହିବାରୁ ସମ୍ପୂର୍ଣ ଭାବେ ଫସଲ ନଷ୍ଟ ହୋଇଥିଲା । ଫସଲ କ୍ଷତିପୂରଣ ପାଇଁ ଚାଷୀମାନେ ସମସ୍ତ କାଗଜପତ୍ର ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟରେ ଦାଖଲ କରିଥିଲେ ସୁଦ୍ଧା ଆଜି ପର୍ଯ୍ୟନ୍ତ ସରକାରୀ ସହାୟତା ମିଳି ପାରିନାହିଁ । ଯାହାକୁ ନେଇ ଚାଷୀଙ୍କ ମଧ୍ୟରେ ଅସନ୍ତୋଷ ଦେଖିବାକୁ ମିଳିଛି । ଏ ନେଇ ଶତାଧିକ ଚାଷୀ ଧର୍ମଶାଳା ତହସିଲର ପହଞ୍ଚି ତହସିଲଦାର ନିକଟରେ ଲିଖିତ ଅଭିଯୋଗ କରିଛନ୍ତି । ଯଦି ଆଗାମୀ ଦିନରେ ଚାଷୀଙ୍କୁ ବନ୍ୟା କ୍ଷତିପୂରଣ ନ ମିଳିଲେ ତେବେ ଆନ୍ଦୋଳନର ଚେତାବନୀ ଦେଇଛନ୍ତି ଚାଷୀମାନେ ।

   Related Posts