scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଡିସେମ୍ବର ୪ରେ ସର୍ବଦଳୀୟ ବୈଠକ କରିବେ ପ୍ରଧାନମନ୍ତ୍ରୀ ମୋଦୀ, ଦେଶରେ କରୋନା ସ୍ଥିତିକୁ ନେଇ ହେବ ଆଲୋଚନା

30/11/2020 at 3:06 PM

ନୂଆଦିଲ୍ଲୀ ୩୦/୧୧ : ସାରା ବିଶ୍ବରେ କରୋନା ମହାମାରୀ ଲାଗାତାର ଭାବେ ବଢିବାରେ ଲାଗିଛି । ଭାରତରେ ଏହାର ପ୍ରଭାବ ଦିନକୁ ଦିନ କମିବାରେ ଲାଗିଛି ସତ କିନ୍ତୁ ସମ୍ପୂର୍ଣ୍ଣ ଭାବେ କମିନାହିଁ । ଦେଶରେ ରବିବାର ତୁଳନାରେ ସୋମବାର କମ ସଂଖ୍ୟକ ସଂକ୍ରମିତ ଚିହ୍ନଟ ହୋଇଛନ୍ତି । ରବିବାର ଦିନ ୪୧ ହଜାର ୮୧୦ ଆକ୍ରାନ୍ତ ଚିହ୍ନଟ ହୋଇଥିଲେ । ସେହିଭଳି ସୋମବାର ଦିନ ୩୮ ହଜାର ୭୭୨ ଜଣ ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ଗତ ୨୪ ଘଣ୍ଟା ମଧ୍ୟରେ ୪୪୩ ଜଣଙ୍କର ମୃତ୍ୟୁ ଘଟିଛି । ଭାରତରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ବଢି ୯୪ ଲକ୍ଷ ପାର କରିସାରିଲାଣି । ସେହିଭଳି ବିଶ୍ବରେ କରୋନା ସଂକ୍ରମିତଙ୍କ ସଂଖ୍ୟା​‌ ୬ କୋଟି ୩୦ ଲକ୍ଷ ୭୨ ହଜାର ୪୭୫ରେ ପହଞ୍ଚିଛି । ମହାମାରୀରେ ସାରା ବିଶ୍ବରେ ୧୪ ଲକ୍ଷ ୬୫ ହଜାର ୧୮୧ ଜଣଙ୍କର ମୃତ୍ୟୁ ହୋଇସାରିଲାଣି । ସେହିଭଳି ମୋଟ ୪ କୋଟି ୩୫ ଲକ୍ଷ ୪୫ ହଜାର ୮୨୯ ଜଣ ସୁସ୍ଥ ହୋଇସାରିଲେଣି ।

ତେବେ ଦେଶରେ କରୋନା ସ୍ଥିତିର ସମୀକ୍ଷା କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏଥିପାଇଁ ଡିସେମ୍ବର ୪ ତାରିଖରେ ସର୍ବଦଳୀୟ ବୈଠକ ଡାକିଛନ୍ତି ପ୍ରଧାନମନ୍ତ୍ରୀ । ଏହି ବୈଠକରେ ଦେଶରେ କରୋନା ମହାମାରୀର ସ୍ଥିତି ବିଷୟରେ ସମୀକ୍ଷା କରାଯିବ । ତେବେ ଦେଶରେ କରୋନା ଗ୍ରାଫ୍ ଦିନକୁ ଦିକ ଖସୁଛି । ତେବେ ଏହାକୁ ନେଇ ଆଗାମୀ କାର୍ଯ୍ୟପନ୍ଥା ସ୍ଥିର କରିପାରନ୍ତି ପ୍ରଧାନମନ୍ତ୍ରୀ । ଦେଶରେ ଏବେ ବି ଅନେକ ସେକ୍ଟର ବନ୍ଦ ରହିଛି । ଅନେକ ଧର୍ମାନୁଷ୍ଠାନ ମଧ୍ୟ ସର୍ବସାଧାରଣଙ୍କ ପାଇଁ ଖୋଲା ଯାଇନାହିଁ । ଏବେ ସଂକ୍ରମଣକୁ ଦୃଷ୍ଟିରେ ରଖି ସ୍କୁଲ ଏବଂ କଲେଜ ଖୋଲିବା ନେଇ ନିଷ୍ପତ୍ତି ନିଆଯାଇପାରେ ।

ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ କହିଛନ୍ତି, ଦିଲ୍ଲୀରେ RT-PCR ଟେଷ୍ଟ୍ କମ କରିବା ପାଇଁ ନିର୍ଦେଶ ଦିଆଯାଇଛି । ସରାକାରୀ ହସ୍ପିଟାଲଗୁଡିକରେ କୋଭିଡ୍ ଟେଷ୍ଟ୍ ମାଗଣାରେ କରାଇବାକୁ ନିର୍ଦେଶ ଦିଆଯାଇଛି । ଏହା ଦ୍ବାରା ଲ୍ୟାବ୍ ମାନଙ୍କରେ ଟେଷ୍ଟ୍ କରୁଥିବା ଲୋକମାନେ ସୁବିଧା ପାଇପାରିବେ ।

   Related Posts