scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

କରୋନା ଚିନ୍ତା ବଢାଇଦେଲେ ଚୀନ ବୈଜ୍ଞାନିକ, କହିଲେ କୋଭିଡ-୧୯ ଭାଇରସର ବିଲୁପ୍ତି ନାହିଁ, ସବୁ ଋତୁରେ ଏହା ସକ୍ରିୟ ହୋଇପାରେ

28/04/2020 at 7:03 PM

ନୂଆଦିଲ୍ଲୀ, ୨୮|୦୪:  କରୋନା ଭାଇରସ କେବେ ହେଲେ ସମ୍ପୂର୍ଣ୍ଣ ଭାବେ ବିଲୁପ୍ତ ହେବ ନାହିଁ ବୋଲି ଚୀନ ବୈଜ୍ଞାନିକମାନେ କହିଛନ୍ତି । ଯାହାକୁ ନେଇ ଶୀତ ଦିନେ ଫ୍ଲୁର ସଂକ୍ରମଣ ବୃଦ୍ଧିପାଇପାରେ ବୋଲି ଅନୁମାନ କରାଯାଉଛି ।ଚୀନର ଭାଇରାଲ ଓ ମେଡିକାଲର କିଛି ଗବେଷକ ଏନେଇ ରିପୋର୍ଟ ଦେଇଛନ୍ତି । ଏହା ସାର୍ସ ଭଳି ନୁହେଁ ଯାହା ଶେଷ ହୋଇଯିବ ବୋଲି ସେମାନେ ଦାବି କରିଛନ୍ତି ।

ବୈଜ୍ଞାନିକଙ୍କ କହିବାନୁସାରେ, ଏବେ ଅଧିକାଂଶଙ୍କଠାରେ କରୋନା ଭାଇରସର କୌଣସି ଲକ୍ଷଣ ଦେଖିବାକୁ ମିଳୁନାହିଁ । ଫଳରେ ସଂକ୍ରମଣ ରୋକିବାରେ ବାଧା ସୃଷ୍ଟି ହେଉଛି । ସାର୍ସ ଏପରି ନଥିଲା । ସାର୍ସ ସଂକ୍ରମିତ ଗମ୍ଭୀର ଭାବେ ଅସୁସ୍ଥ ହୋଇ ପଡୁଥିଲେ । ସେମାନେ ଥରଟିଏ କ୍ୱାରେଣ୍ଟାଇନରେ ରହିବା ପରେ ସାର୍ସ ବ୍ୟାପିବା ବନ୍ଦ ହୋଇଯାଉଥିଲା । କରୋନା ଭାଇରସ ଉପରେ ନିୟନ୍ତ୍ରଣ କରାଯିବା ସତ୍ତ୍ୱେ ବିନା ଲକ୍ଷଣ ଥିବା ସଂକ୍ରମିତଙ୍କ ସଂଖ୍ୟା ବୃଦ୍ଧି ପାଉଛି ।

ଚାଇନିଜ୍ ଆକାଡେମୀ ଅଫ୍ ମେଡିକାଲ୍ ସାଇନ୍ସର ପାଥୋଜେନ୍ ବାୟୋଲୋଜିର ଡାଇରେକ୍ଟର ଜିନ୍ କ୍ୟୁଇ କହିଛନ୍ତି ଯେ,ଏହା ଏପରି ଏକ ମହାମାରୀ ହୋଇପାରେ ଯାହା ମଣିଷଙ୍କ ସହ ଦୀର୍ଘ ଦିନ ରହିବ । ଏହା ପାଣିପାଗ ଅନୁସାରେ ବଦଳିବ ଓ ଶରୀର ମଧ୍ୟରେ ରହିବ । ତେବେ ଏହି ସମସ୍ତ ଯୁକ୍ତି ପରେ ବିଭିନ୍ନ ଦେଶରେ ଲାଗୁ ହୋଇଥିବା ଲକଡାଉନ୍ ସତ୍ୱେ ଭାଇରସକୁ ନିୟନ୍ତ୍ରଣ କରିବା କଷ୍ଟକର ।  

ଆମେରିକାର ନ୍ୟାଶନାଲ ଇନଷ୍ଟିଚ୍ୟୁଟ ଅଫ୍ ଆଲର୍ଜୀ ଆଣ୍ଡ୍ ଇନଫେକ୍ସନ ଡିଜିଜର ନିର୍ଦ୍ଦେଶକ ଆନ୍ଥୋନୀ ଫାଓଚି କହିଥିଲେ ଯେ, କୋଭିଡ-୧୯ ଏକ ଋତିକାଳୀନ ରୋଗ ହୋଇପାରେ । ଦକ୍ଷିଣ ଗୋଲାର୍ଧ ଦେଶରେ କରୋନା ମାମଲା ଏବେ ବୃଦ୍ଧି ପାଇବାରେ ଲାଗିଛି । କାରଣ ସେଠାରେ ଶୀତ ଦିନ ଚାଲିଛି ।

ପେକିଙ୍ଗ୍ ୟୁନିଭର୍ସିଟି ଫାଷ୍ଟ୍ ହସ୍ପିଟାଲର ସଂକ୍ରମଣ ରୋଗ ବିଶେଷଜ୍ଞ ଓ୍ୱାଙ୍ଗ୍ ଗୁଝକିୟାଙ୍ଗ୍ କହିଛନ୍ତି ଯେ, ଏହି ଭାଇରସ ଖରାଦିନେ ଦୁର୍ବଳ ହୋଇଯିବ । କିନ୍ତୁ ଏଥିପାଇଁ ଭାଇରସକୁ ୩୦ ମିନିଟ ଯାଏଁ ୫୬ ଡିଗ୍ରୀ ସେଲସିୟସ ତାପମାତ୍ରାରେ ରଖାଯିବା ଦରକାର । କିନ୍ତୁ ଖରାଦିନେ ଏତେ ଗରମ ହେବାର ସମ୍ଭାବନା କମ ରହିଛି ।

   Related Posts