AKK 2023
Hari omm 2
AKK2023
hari om films
WEB_F-8
HARI-OMM_728X90_B
WEB_F-9
Showcase2022
hari om films
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଝାରସୁଗୁଡା:୮ ଦିନ ପରେ ବି ନବ ଦାସଙ୍କ ହତ୍ୟା ଘଟଣାରେ ପୋଲିସର ହାତ ଖାଲି
  • ||
  • ଭୂକମ୍ପରେ ଥରିଲା ତୁର୍କୀ, ରିକ୍ଟର ସ୍କେଲରେ ୭.୮ର ତ୍ରୀବତା ରେକର୍ଡ
  • ||

ଭାରତରେ ସମ୍ୟକ ଅନୁଭୂତ ହୋଇପାରେ Corona ପ୍ରଭାବ : RBI ଗଭର୍ଣ୍ଣର

19/02/2020 at 8:52 PM

ନୂଆଦିଲ୍ଲୀ ୧୯।୨:  ଚୀନକୁ ସ୍ଥାଣୁ କରିସାରିଥିବା କରୋନା ଭାଇରସର ପ୍ରଭାବ ଭାରତର ଏତେଟା ପଡିନପାରେ। ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ ବୁଧବାର ଏହା କହିଛନ୍ତି। ତେବେ ଚୀନରେ ପ୍ରସରୁଥିବା ଏହି ଭୂତାଣୁ ଯୋଗୁ ବିଶ୍ୱ ଅର୍ଥନୀତିକୁ କିନ୍ତୁ ଗୁରୁତର ପ୍ରଭାବିତ କରିବ ବୋଲି କହିଛନ୍ତି ଶକ୍ତିକାନ୍ତ। ଭାରତର ମାତ୍ର କିଛି ବୈଦୁତିକ ସାମଗ୍ରୀ ପ୍ରସ୍ତୁତ କରୁଥିବା  କାରଖାନା ଚୀନ ଉପରେ ନିର୍ଭର କରୁଛନ୍ତି। ଏହା ବ୍ୟତୀତ କିଛି ଫର୍ମାସ୍ୟୁଟିକାଲ କମ୍ପାନୀ ଚୀନ ଉପରେ ନିର୍ଭର କରୁଥିଲେ ହେଁ ସେମାନଙ୍କ ପାଖରେ ପର୍ଯ୍ୟାପ୍ତ ଗଛିତ ଥିବା ଶକ୍ତିକାନ୍ତ କହିଛନ୍ତି।

ସେ କହିଛନ୍ତି ଯେ କରୋନାକୁ ନେଇ ସୃଷ୍ଟି ହୋଇଥିବା ସମସ୍ୟାକୁ କିନ୍ତୁ ଏଡି ଦେଇ ହେବନି। ଏହାକୁ ନେଇ ପ୍ରତିକ୍ଷଣରେ ହେଉଥିବା ପରିବର୍ତ୍ତନ ଉପରେ ଆମକୁ ଏବେ ତୀକ୍ଷ୍ଣ ନଜର ରଖିବାକୁ ପଡିବ। କେବଳ ଭାରତ ନୁହେଁ ବିଶ୍ୱର ସମସ୍ତ ଆର୍ଥିକ ନୀତି ନିୟନ୍ତ୍ରକ ବି ଏବେ ଏହା କରୁଛନ୍ତି। ଅତୀତରେ ଚୀନରୁ ସାର୍ସର ଉତ୍ପତି ହୋଇଥିଲା। ହେଲେ ସେତେବେଳର ପରିସ୍ଥିତି ଏବେ ବଦଳି ଯାଇଛି। ଏବେ ବିଶ୍ୱର ମୋଟ ଜିଡିପିରେ ଚୀନର ଯୋଗଦାନ ସର୍ବାଧିକ। ଏହା ଛଡା ଏଥର କରୋନା ଭାଇରସ ଭୀଷଣ ପ୍ରଭାବିତ କରିଛି ଚୀନକୁ।

କରୋନା ଭାଇରସ ସଂକ୍ରମଣ ନେଇ ପ୍ରଚାରିତ ହେବା ପରେ ଜାପାନ ୟେନର ମୂଲ୍ୟ ୯ ମାସ ତଳକୁ ଚାଲିଯାଇଛି। ଏଣୁ ଉପୁଜିଥିବା ପରିସ୍ଥିତି ଜାପାନର ଆର୍ଥିକ ପ୍ରଗତିକୁ ୦.୨ ପ୍ରତିଶତ ପଛକୁ ନେଇଯାଇପାରେ ବୋଲି ଆରବିଆଇ ଗଭର୍ଣ୍ଣର ଆଶଙ୍କା ବ୍ୟକ୍ତ କରିଛନ୍ତି। ଗତବର୍ଷ ଡିସେମ୍ବର ମାସରେ ଚୀନରେ ବ୍ୟାପୀଥିବା କରୋନା ଭାଇରସ ସଂକ୍ରମିତଙ୍କ ମଧ୍ୟରୁ ଏପର୍ଯ୍ୟନ୍ତ ୨୦୦୦ ଲୋକଙ୍କ ମୃତ୍ୟୁ ହୋଇଥିବା ବେଳେ ନୂଆ ସଂକ୍ରମଣର ମଧ୍ୟ ଅନେକ ଅଭିଯୋଗ ମିଳିବାରେ ଲାଗିଛି। ହେଲେ ଏପର୍ଯ୍ୟନ୍ତ ସଂକ୍ରମଣ ଉପରେ ନିୟନ୍ତ୍ରଣ ମିଳିପାରିନଥିବାରୁ ଏହା କ୍ରମଶଃ ମହାମାରୀର ରୂପେ ନେଇସାରିଲାଣି।

   Related Posts