ନୂଆଦିଲ୍ଲୀ ୧୨/୦୬ : ସଂଖ୍ୟା ଲଘୁ ସଙ୍ଗଠନ ଜମାତ ଉଲେମା-ଏ-ହିନ୍ଦ ପ୍ରଫେଟ୍ ମହମ୍ମଦଙ୍କୁ ନେଇ ବିବାଦୀୟ ମନ୍ତବ୍ୟ ମାମଲାରେ ବିଜେପିରୁ ବହିଷ୍କୃତ ହୋଇଥିବା ପୂର୍ବତନ ମୁଖପାତ୍ର ନୂପୁର ଶର୍ମାଙ୍କୁ କ୍ଷମା କ୍ଷମା କରିବା ପାଇଁ କହିଛି।
ଜମାତ ଉଲେମା-ଏ-ହିନ୍ଦର ଅଧ୍ୟକ୍ଷ ସୁହୈବ କାଶମି କହିଛନ୍ତି ପୈଗମ୍ବରଙ୍କ ଉପରେ ବିବାଦୀୟ ମନ୍ତବ୍ୟ ଦେଇଥିବା ବିଜେପିର ପୂର୍ବତନ ମୁଖପାତ୍ର ନୂପୁର ଶର୍ମାଙ୍କୁ ଇସ୍ଲାମ ଅନୁସାରେ କ୍ଷମା କରିଦେବା ଆବଶ୍ୟକ। ସେ କହିଛନ୍ତି ସଂଖ୍ୟାଲଘୁ ବିଦ୍ୱାନମାନଙ୍କର ସଙ୍ଗଠନ ନୂପୁରଙ୍କ ବୟାନ ପାଇଁ ହୋଇଥିବା ଦେଶ ବ୍ୟାପି ବିରୋଧ ପ୍ରଦର୍ଶନକୁ ସମର୍ଥନ କରୁନାହଁ।
wp:html/wp:htmlJamaat Ulama-e-Hind says Nupur Sharma, who made controversial remarks against Prophet, should be forgiven as per Islam
— ANI Digital (@ani_digital) June 12, 2022
Read @ANI Story | https://t.co/SSvazfKB0D#NupurSharma #Islam pic.twitter.com/GTXer9pd2d
ଜମାତ ଉଲେମା-ଏ-ହିନ୍ଦ ସଙ୍ଗଠନ ଶୁକ୍ରବାର ନମାଜ ପାଠ ପରେ ହୋଇଥିବା ଦେଶ ବ୍ୟାପି ହିଂସାକୁ ନେଇ ରବିବାର ଦିଲ୍ଲୀରେ ଏକ ସାମ୍ୱାଦିକ ସମ୍ମିଳନୀ କରିଛି। ଏଥିରେ କାସମି କହିଛନ୍ତି ଇସ୍ଲାମ କହୁଛି ନୂପୁର ଶର୍ମାଙ୍କୁ କ୍ଷମା କରିବା ଆବଶ୍ୟକ। ଆମେ ନୂପୁର ଶର୍ମାଙ୍କ ବୟାନ ପାଇଁ ହୋଇଥିବା ଦେଶ ବ୍ୟାପି ହିଂସା ଓ ବିରୋଧ ପ୍ରଦର୍ଶନକୁ ସମର୍ଥନ କରୁନାହୁଁ।
ଏହା ଛଡ଼ା ନୂପୁର ଶର୍ମାଙ୍କୁ ବହିଷ୍କାର କରିବା ନେଇ ବିଜେପିର ନିଷ୍ପତ୍ତିକୁ ଜମାତ ଉଲେମା-ଏ-ହିନ୍ଦ ସଙ୍ଗଠନ ସ୍ୱାଗତ କରିଛି। କାସମି କହିଛନ୍ତି ଆମେ ଆଇନର ନିଷ୍ପତ୍ତିକୁ ସ୍ୱାଗତ କରୁଛୁ। କାରଣ ଭାରତରେ ନିଜର ଆଇନ ବ୍ୟବସ୍ଥା ରହିଛି। ଆମେ ଆଇନକୁ ନିଜ ହାତକୁ ନେବା ଉଚିତ ନୁହେଁ। ରାସ୍ତା ଉପରକୁ ଆସି ନିୟମ ଉଲଙ୍ଘନ କରିବାର ଅନୁମତି ଆଇନ ଦେଇନଥାଏ।