ଭଦ୍ରକ ୨୩/୦୨: ଜାଗରରେ ଜଳ ବଣ୍ଟନ ପରେ ବଳକା ଚିନି ପାଇଁ ଛୁରା ମାଡ଼ । ଗୁରୁତର ଯୁବକ ମେଡିକାଲରେ ଭର୍ତ୍ତି । ଭଦ୍ରକ ଜିଲ୍ଲା ଆଗରପଡା ଥାନା ଅଧିନ ଅଣିଜ ଅଞ୍ଚଳରେ ଘଟିଛି ଏମିତି ଘଟଣା ।

ଅଭିଯୋଗ ଅନୁଯାୟୀ ଜାଗର ଅବସରରେ ସ୍ଥାନୀୟ ଶିବ ମନ୍ଦିର ଠାରେ ଯୁବକ ମାନେ ମିଳିତ ଭାବେ ସର୍ବତ ବଣ୍ଟନ କରିଥିଲେ । କିନ୍ତୁ ଶେଷକୁ ଚିନି ବଳକା ରହିଥିଲା । ଏହି ବଳକା ଚିନିକୁ ନେଇ ବିବାଦ ହୋଇଥିଲା । ତେବେ ରାମଚନ୍ଦ୍ର ତାଙ୍କ ସମ୍ପର୍କୀୟଙ୍କ ସହ ଘରକୁ ଫେରିବା ବେଳେ ସ୍ଥାନୀୟ ଯୁବକ ମାନେ ତାଙ୍କୁ ଅଟକାଇ ମାରଣାସ୍ତ୍ରରେ ଆକ୍ରମଣ କରିଥିଲେ । ପରେ ଲୋକେ ଆସିବାରୁ ଯୁବକ ମାନେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ରାମଚନ୍ଦ୍ରଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଛି ।