scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ବାଘେଲ ବନାମ ବାଘେଲ, ଛତିଶଗଡ଼ରେ ପୁଣି ଥରେ ଦାଦା-ପୁତୁରାଙ୍କ ମଧ୍ୟରେ ଲଢେଇ ! ୧-୧ରେ ଅଛନ୍ତି ବରାବର

17/08/2023 at 8:17 PM

ନୂଆଦିଲ୍ଲୀ: ଚଳିତ ବର୍ଷ ହେବାକୁ ଥିବା ଛତିଶଗଡ଼ ବିଧାନସଭା ନିର୍ବାଚନ ପାଇଁ ବିଜେପି ପ୍ରଥମ ସୂଚୀ ଜାରି କରିଛି । ଏଥିରେ ୨୧ ଜଣ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ନିର୍ବାଚନ ତାରିଖ ଘୋଷଣା ପୂର୍ବରୁ ବିଜେପି ପ୍ରାର୍ଥୀଙ୍କ ନାଁ ଘୋଷଣା କରି ସେମାନଙ୍କୁ ପ୍ରସ୍ତୁତି ପାଇଁ ପର୍ଯ୍ୟାପ୍ତ ସମୟ ଦେଇଛି । ନଭେମ୍ୱରରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ଏହି ପ୍ରାର୍ଥୀଙ୍କ ନାଁରେ ବିଜେପିର କେନ୍ଦ୍ରୀୟ ନିର୍ବାଚନ କମିଟି ବୈଠକରେ ମୋହର ବାଜିଛି । ଛତିଶଗଡ଼ରେ କଂଗ୍ରେସକୁ ଶାସନରୁ ହଟାଇବା ପାଇଁ ରଣନୀତି କରୁଥିବା ବିଜେପି ମୁଖ୍ୟମନ୍ତ୍ରୀ ଭୂପେଶ ବଘେଲଙ୍କ ବିରୋଧରେ ତାଙ୍କ ପୁତୁରା ବିଜୟ ବାଘେଲଙ୍କୁ ମୈଦାନକୁ ଓହ୍ଲାଇଛି ।

ପଢନ୍ତୁ: ନିର୍ବାଚନ ପ୍ରସ୍ତୁତି: କଂଗ୍ରେସରେ ବଡ଼ ଧରଣର ପରିବର୍ତ୍ତନ: ବଢ଼ିଲା ସୂର୍ଯେୱାଲାଙ୍କ ଦାୟିତ୍ୱ, ଗୁଜରାଟ ଓ ଉତ୍ତର ପ୍ରଦେଶରେ ବଦଳିଲେ ନେତା

ମୁଖ୍ୟମନ୍ତ୍ରୀ ଭୂପେଶ ବଘେଲ ପାଟନ ଆସନକୁ ବିଧାୟକ ଅଛନ୍ତି । ୨୦୧୮ରେ ବିଧାନସଭା ନିର୍ବାଚନରେ ସେ ବିଜେପି ପ୍ରାର୍ଥୀ ମୋତୀଲାଲ ସାହୁଙ୍କ ବଡ଼ ବ୍ୟବଧାନରେ ପରାଜିତ କରିଥିଲେ । କିନ୍ତୁ ଚଳିତ ଥର ବିଜେପି ତାଙ୍କ ବିରୋଧରେ ବିଜୟ ବାଘେଲଙ୍କୁ ଟିକଟ୍ ଦେଇଛି । ଦାଦା ଭୂପେଶଙ୍କ ସହ କଡା ପ୍ରତିଦ୍ୱନ୍ଦ୍ୱିତା ରଖୁଥିବା ବିଜୟ ବାଘେଲ ବର୍ତ୍ତମାନ ସମୟରେ ଦୁର୍ଗ ଆସନରୁ ବିଜେପି ସାଂସଦ ଅଛନ୍ତି । ଭୂପେଶଙ୍କ ପରି ବିଜୟଙ୍କ ଗଣତି ମଧ୍ୟ ଛତିଶଗଡ଼ର ଟାଣୁଆ ନେତାଙ୍କ ମଧ୍ୟରେ ହୁଏ । ଏପରିସ୍ଥିତିରେ ପାଟନ ଆସନରେ ଚଳିତ ଥର ଦୁହିଁଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିପାରେ ।

ଦାଦା ଭୂପେଶ ବାଘେଲ ଏବଂ ପୁତୁରା ବିଜୟଙ୍କ ମଧ୍ୟରେ ପାଟନରେ ପୂର୍ବରୁ ଦୁଇ ଥର ମୁକାବିଲା ହୋଇସାରିଛି । ଦୁହେଁ ପରସ୍ପରକୁ ଥରେ ଲେଖାଏ ପରାଜିତ କରିସାରିଛନ୍ତି । ୨୦୦୮ ବିଧାନସଭା ନିର୍ବାଚନରେ ବିଜୟ ଦାଦା ଭୂପେଶ ବାଘେଲଙ୍କୁ ମାତ୍ ଦେଇଥିଲେ । କିନ୍ତୁ ଏହାର ପାଞ୍ଚ ବର୍ଷ ପରେ ଭୂପେଶ, ବିଜୟଙ୍କୁ ପରାସ୍ତ କରିଥିଲେ । ୨୦୧୮ ବିଧାନସଭା ନିର୍ବାଚନରେ ବିଜେପି ବିଜୟଙ୍କୁ ଟିକଟ୍ ଦେଇ ନଥିଲା । ୨୦୧୯ରେ ତାଙ୍କୁ ଦୁର୍ଗ ଲୋକସଭା ଆସନରୁ ବିଜେପି ଟିକଟ୍ ଦେଇଥିଲା । ସେଠାରୁ ସେ କଂଗ୍ରେସ ପ୍ରାର୍ଥୀ ପ୍ରତିମା ଚନ୍ଦ୍ରାକରଙ୍କ ବିରୋଧରେ ବଡ଼ ବ୍ୟବଧାନରେ ବିଜୟୀ ହୋଇ ଦିଲ୍ଲୀ ପହଞ୍ଚିଥିଲେ ।

Also read: ମଧ୍ୟ ପ୍ରଦେଶ ଏବଂ ଛତିଶଗଡ଼ ନିର୍ବାଚନ ପାଇଁ ବିଜେପିର ପ୍ରଥମ ସୂଚୀ, ୬୦ ପ୍ରାର୍ଥୀଙ୍କ ନାଁ ଘୋଷଣା

   Related Posts