scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

୨୦୨୩ ବିଧାନସଭା ନିର୍ବାଚନ ପାଇଁ ବିଜେପିର ପ୍ରସ୍ତୁତି, ଚାରି ସଂଗଠନ ମହାସଚିବଙ୍କୁ ଦେଲା ନୂଆ ଦାୟିତ୍ୱ

23/07/2022 at 5:59 PM

ନୂଆଦିଲ୍ଲୀ: ୨୦୨୩ରେ ହେବାକୁ ଥିବା ବିଧାନସଭା ନିର୍ବାଚନ ପାଇଁ ବିଜେପି ପ୍ରସ୍ତୁତି ଆରମ୍ଭ କରିଛି । ୨୦୨୩ ବିଜେପି ପାଇଁ ଅତି ଗୁରୁତ୍ୱପୂର୍ଣ୍ଣ ହେବାକୁ ଯାଉଛି । ମଧ୍ୟ ପ୍ରଦେଶ, ରାଜସ୍ଥାନ, କର୍ଣ୍ଣାଟକ ଏବଂ ତେଲେଙ୍ଗାନା ସହ ୯ଟି ରାଜ୍ୟରେ ବିଧାନସଭା ନିର୍ବାଚନ ହେବ। ଏହାକୁ ନଜରରେ ରଖି ଦଳ ସଂଗଠନିକ ସ୍ତରରେ ନୂଆ ନିଯୁକ୍ତି ଦେଇଛି । ଦଳ ୪ ଜଣଙ୍କୁ ସାଧାରଣ ସମ୍ପାଦକ(ସାଙ୍ଗଠନିକ) ନିଯୁକ୍ତ କରିଛି।

ଉତ୍ତର ପୂର୍ବ କ୍ଷେତ୍ରରେ ଦଳର ସାଂଗଠନିକ କାମ ଦେଖୁଥିବା ଅଜୟ ଜାମୱାଲଙ୍କୁ ମଧ୍ୟ କ୍ଷେତ୍ରର ସଂଗଠନ ମହାସଚିବ ନିଯୁକ୍ତ କରାଯାଇଛି । ଏଥିରେ ମଧ୍ୟ ପ୍ରଦେଶ ଏବଂ ଛତିଶଗଡ ରାଜ୍ୟ ସାମିଲ ଅଛି । ଏହି ଦୁଇ ରାଜ୍ୟରେ ପାର୍ଟି ନିଜର ପୂରା ଶକ୍ତି ଲଗାଇ ନିର୍ବାଚନ କାର୍ଯ୍ୟରେ ଲାଗିଛି। ଛତିଶଗଡରେ ଗତ ବିଧାନସଭା ନିର୍ବାଚନରେ ବିଜେପି ପରାଜିତ ହୋଇଥିଲା । ଏଥର ଲୋକେ ପରିବର୍ତ୍ତନ ଚାହୁଁଥିବା ବିଜେପି ଅନୁମାନ କରୁଛି । ବିଜେପି ଭୂପେଶ ବଘେଲ ସରକାରକୁ ବିଭିନ୍ନ ପ୍ରସଙ୍ଗରେ ଘେରିବାକୁ ଉଦ୍ୟମ କରୁଛି । ରାଜ୍ୟରେ ବଡ଼ ଧରଣର ଦୁର୍ନୀତି ହେଉଥିବା ବିଜେପି ଅଭିଯୋଗ ଆଣୁଛି ।

ମନଥ୍ରୀ ଶ୍ରୀନିବାସୁଲୁ ପୂର୍ବରୁ ତେଲେଙ୍ଗାନାରେ ଦଳର ସଂଗଠନ ମହାସଚିବ ଥିଲେ, ଏବେ ତାଙ୍କୁ ପଞ୍ଜାବର ଦାୟିତ୍ୱ ଦିଆଯାଇଛି । ଆସନ୍ତା ବର୍ଷ ହେବାକୁ ଥିବା ବିଧାନସଭା ନିର୍ବାଚନରେ ତେଲେଙ୍ଗାନା ମଧ୍ୟ ସାମିଲ ଅଛି । ତେଲେଙ୍ଗାନାରେ ବିଜେପିର ଶକ୍ତି ବୃଦ୍ଧି ପଛରେ ମନଥ୍ରୀଙ୍କୁ ଶ୍ରେୟ ଦିଆଯାଉଛି । ତେବେ ତେଲେଙ୍ଗାନା ବିଜେପି ଅଧ୍ୟକ୍ଷ ଏହଂ ମନଥ୍ରୀଙ୍କ ମଧ୍ୟରେ ମତଭେଦ ଯୋଗୁଁ ବିଜେପି ଏହି ପରିବର୍ତ୍ତନ କରିଥିବା ଅନୁମାନ କରାଯାଉଛି । ତେବେ ମନଥ୍ରୀଙ୍କୁ ପଞ୍ଜାବ ଦାୟିତ୍ୱ ଦିଆଯିବା ପରେ ସେଠାରେ ମଧ୍ୟ ଦଳର ଶକ୍ତି ବୃଦ୍ଧି ପାଇବ ବୋଲି ଆଶା ରଖିଛି ବିଜେପି।

ଆସନ୍ତା ବର୍ଷ କର୍ଣ୍ଣାଟକରେ ବି ବିଧାନସଭା ନିର୍ବାଚନ ହେବ । ଏହା ପୂର୍ବରୁ ରାଜେଶ ଜୀ ଭିଙ୍କୁ ସଂଗଠନର ମହାସଚିବ ନିଯୁକ୍ତ କରିଛି ଦଳ । ଏହା ପୂର୍ବରୁ ଅରୁଣ କୁମାରଙ୍କ ହାତରେ ଏହି ଦାୟିତ୍ୱ ଥିଲା, କିନ୍ତୁ ଏବେ ପୁଣି ଥରେ ସେ ସଂଘକୁ ଫେରି ଆସିଛନ୍ତି । ଗତ ବିଧାନସଭା ନିର୍ବାଚନରେ ରାଜ୍ୟରେ ବିଜେପି ପରାଜିତ ହୋଇଥିଲା, କିନ୍ତୁ ପରେ ସରକାର ଗଠନ କରିଥିଲା । ଏପରି ସ୍ଥିତିରେ ପାର୍ଟି କ୍ଷମତାକୁ ବଜାୟ ରଖିବା ପାଇଁ ଜୋରଦାର ପ୍ରୟାସ କରିବ ।

ଗୋଆର ସଂଗଠନର ମହାସଚିବ ପଦରେ ଥିବା ସତୀଷ ଢୋଣ୍ଡଙ୍କୁ ପଶ୍ଚିମବଙ୍ଗର ଯୁଗ୍ମ ସାଧାରଣ ମହାସଚିବ ନିଯୁକ୍ତ କରିଛି ବିଜେପି । ଗୋଆର ପୂର୍ବତନ ମୁଖ୍ୟମନ୍ତ୍ରୀ ମନୋହର ପାରିକରଙ୍କ ଘନିଷ୍ଠ କୁହାଯାଉଥିବା ଢୋଣ୍ଡ ବିଜେପି ପାଇଁ ଚମତ୍କାର କାମ କରିଛନ୍ତି । ଗୋଆରେ ଦଳର ଭୋଟ ସେୟାର ବଢାଇବାରେ ଢୋଣ୍ଡଙ୍କୁ ଶ୍ରେୟ ଦିଆଯାଉଛି । ୨୦୧୮ ମସିହାରେ ବିଜେପି ତାଙ୍କୁ ଗୋଆ ପଠାଇଥିଲା ।

   Related Posts