ନୂଆଦିଲ୍ଲୀ ୨୯।୧୨: ପୂର୍ବତନ ପ୍ରଧାନମନ୍ତ୍ରୀ ଲାଲବାହାଦୂର ଶାସ୍ତ୍ରୀଙ୍କ ପୁଅ ସୁନୀଲ ଶାସ୍ତ୍ରୀ କଂଗ୍ରେସ ସାଧାରଣ ସମ୍ପାଦକ ପ୍ରିୟଙ୍କା ଗାନ୍ଧି (ଭଦ୍ରା)ଙ୍କୁ ଭେଟିଛନ୍ତି। ଏଥିରୁ ଶାସ୍ତ୍ରୀ ପୁଣି କଂଗ୍ରେସକୁ ଫେରିବା ନେଇ କଳ୍ପନାଜଳ୍ପନା ଆରମ୍ଭ ହୋଇଯାଇଛି। ସୁନୀଲ ଶାସ୍ତ୍ରୀଙ୍କ ସହ ପ୍ରିୟଙ୍କା ତାଙ୍କ ଫଟୋ ଟ୍ୱିଟରରେ ସେୟାର କରିଛନ୍ତି। ଏଥିରେ ଆମେ ଜିତିବା ଲାଗି ଏକାଠି ଲଢିବୁ ବୋଲି ପ୍ରିୟଙ୍କା ଉଲ୍ଲେଖ କରିବା ସୁନୀଲ ଶାସ୍ତ୍ରୀଙ୍କ କଂଗ୍ରେସ ପ୍ରତ୍ୟାବର୍ତ୍ତନ ନେଇ ସ୍ପଷ୍ଟ ସୂଚନା ଦେଉଛି।
ସୁନୀଲ ଶାସ୍ତ୍ରୀ ଏବେ ବିଜେପିରେ। ଏଥିରେ ସେ ଯଦି ତାଙ୍କ ଘରୋଇ ଦଳକୁ ଫେରି ଆସନ୍ତି ତେବେ କଂଗ୍ରେସକୁ ମିର୍ଜାପୁର ଆସନରେ ଦଳର ଚେହେରା ମିଳିଯିବ ବୋଲି ଏବେ ଚର୍ଚ୍ଚା ହେଉଛି। ଏହି ବିଧାନସଭା ନିର୍ବାଚନମଣ୍ଡଳୀରୁ ପୂର୍ବତନ କଂଗ୍ରେସ ନେତା ତଥା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ କମଳାପତି ତ୍ରିପାଠୀଙ୍କ ପୁତ୍ର ଲଳିତେଶପତି ତ୍ରିପାଠୀ ପ୍ରାର୍ଥୀ ହେଉଥିଲେ। ତେବେ ଲଳିତେଶ ୨୦୨୨ ବିଧାନସଭା ନିର୍ବାଚନରେ କଂଗ୍ରେସ ଛାଡି ତୃଣମୂଳ କଂଗ୍ରେସରେ ଯୋଗ ଦେଇଛନ୍ତି।
wp:embed {"url":"https://twitter.com/priyankagandhi/status/1475815609183059969","type":"rich","providerNameSlug":"twitter","responsive":true}ସୁନୀଲ ଶାସ୍ତ୍ରୀ କଂଗ୍ରେସ ଛାଡି ବିଜେପିକୁ ଚାଲିଯାଇଥିଲେ। ତେବେ ତାଙ୍କ ଭାଇ ଅନୀଲ ଶାସ୍ତ୍ରୀ ଏବେବି କଂଗ୍ରେସରେ ଅଛନ୍ତି। ଏଣୁ ସୁନୀଲଙ୍କ ପ୍ରତ୍ୟାବର୍ତ୍ତନ ରାଜ୍ୟ ବିଧାନସଭା ନିର୍ବାଚନରେ କଂଗ୍ରେସ ଲାଗି ବଡ ଉପଲବ୍ଧି ହେବ ବୋଲି ଆଶା କରାଯାଉଛି। ଉତ୍ତରପ୍ରଦେଶ ବିଧାନସଭା ନିର୍ବାଚନର ମଙ୍ଗ ଏଥର ପ୍ରିୟଙ୍କା ଗାନ୍ଧି ସମ୍ଭାଳିଛନ୍ତି। ‘ଲଡକୀ ହୁଁ ଲଡଶକ୍ତି ହୁଁ ’ ସ୍ଲୋଗାନରେ ପ୍ରିୟଙ୍କା ନିର୍ବାଚନ ପ୍ରଚାର ଚଳାଇଥିବା ବେଳେ ରାଜ୍ୟର ମହିଳାଙ୍କ ମଧ୍ୟରେ ବେଶ ଲୋକପ୍ରିୟତା ପାଇପାରୁଛନ୍ତି।
ଶାସକ ବିଜେପି ବିରୋଧରେ ଅଖିଳେଶ ଯାଦବଙ୍କ ସପା ଏବେ ପ୍ରଭାବଶାଳୀ ବିରୋଧୀ ଭାବେ ଉଭା ହୋଇଛି। ଏଥିରେ ପ୍ରିୟଙ୍କା କଂଗ୍ରେସର ମୋର୍ଚ୍ଚା ପ୍ରାୟ ସମ୍ଭାଳି ନେବା ଏବେ ଉଭୟ କଂଗ୍ରେସ ଓ ସପା ରାଜ୍ୟରେ ବିଜେପି ଲାଗି ଚାଲେଞ୍ଜ ପାଲଟିଛନ୍ତି। ପ୍ରିୟଙ୍କା ଉତ୍ତରପ୍ରଦେଶରେ ଏବେ ମାରାଥନ ରାଲି କରୁଛନ୍ତି। ବାରଣାସୀ ଓ ଗୋରଖପୁର ଜନସମାବେଶର ସଫଳତାକୁ ଦେଖି ସେ ମିରଟ, ଝାନସୀ ଓ ଲକ୍ଷ୍ନୌରେ ମଧ୍ୟ ରାଲି କରିଥିଲେ। ଏଥିରେ ମହିଳାଙ୍କ ଉତ୍ସାହ କଂଗ୍ରେସକୁ ବେଶ୍ ଉତ୍ସାହିତ କରିଛି।
