ଭଦ୍ରକ: ବନ୍ଧୁଙ୍କ ଘରେ ଆୟୋଜିତ ଶୁଦ୍ଧି କର୍ମରେ ଯୋଗ ଦେବାକୁ ଯିବା ବେଳେ ଦୁର୍ଘଟଣା । ପଛପଟୁ ଟ୍ରକ ଧକ୍କା ଦେବାରୁ ବାଇକରେ ବସିଥିବା ମାଆଙ୍କର ମୃତ୍ୟୁ ହୋଇଥିବା ବେଳେ ବାପା ଓ ପୁଅ ଅଳ୍ପକେ ବର୍ତ୍ତି ଯାଇଛନ୍ତି । ଭଦ୍ରକ ଟାଉନ ପୋଲିସ ଉଭୟ ବାଇକ ଓ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।
ସୂଚନା ଅନୁଯାୟୀ ଭଦ୍ରକ ଚାନ୍ଦବାଲି ରାସ୍ତାର ବାଇପାସ ଛକ ନିକଟରେ ଦୁର୍ଘଟଣା ଘଟିଛି । ବାଇକକୁ ପଛପଟୁ ଟ୍ରକ ଧକ୍କା ଦେବାରୁ ଭଦ୍ରକ ଗ୍ରାମାଞ୍ଚଳ ଥାନା କୋର୍କରା ଅଞ୍ଚଳର ମିନତୀ ବାରିକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ତେବେ ପୁଅ ଓ ବାପା ଅଳ୍ପକେ ବର୍ତ୍ତି ଯାଇଛନ୍ତି । ଦୁର୍ଘଟଣା ପରେ ଟ୍ରକଟି ଫେରାର ହେଉଥିବା ବେଳେ ଆର ଏମ ସି ନିକଟରେ ଗାଡିକୁ ରଖି ଡ୍ରାଇଭର ଓ ଅନ୍ୟ କର୍ମଚାରୀ ଫେରାର ହୋଇଯାଇଛନ୍ତି । ଭଦ୍ରକ ଟାଉନ ପୋଲିସ ଉଭୟ ବାଇକ ଓ ଟ୍ରକକୁ ଜବତ କରି ତଦନ୍ତ ଆରମ୍ଭ କରିଛି ।
