ଭଦ୍ରକ ୦୭।୦୬ :  ମୃତ୍ୟୁ ମୁଖରୁ ଆସିଲେ ଫେରି । ଆଉ ପାଇଲେ ନୂଆ ଜୀବନ । ବାହାନଗା ଟ୍ରେନ୍‌ ଟ୍ରାଜେଡିରେ ସାମ୍ନାକୁ ଆସିଛି ସ୍ୱାଧୀନ ବିଶ୍ୱାଳଙ୍କ ଲୋମଟାଙ୍କୁରା କାହାଣୀ । ଆସନ୍ତୁ ଜାଣିବା…

ଭାଉଜ ମେଡିକାଲରେ ଅଛନ୍ତି । ଝିଆରୀ ହୋଇଛି । ଝିଆରୀକୁ ଦେଖିବାକୁ ପାଇଁ କଲିକତାରୁ ଧରିଥିଲେ କରମଣ୍ଡଳ ଏକ୍ସପ୍ରେସ୍‌ । ବାପା କହୁଥିଲେ ରଜକୁ ଆସିବୁ ଆଉ ଝିଆରୀକୁ ଦେଖିବୁ । ଗାଁରେ ବୁଲାବୁଲି କରିକି ଯିବୁ । କିନ୍ତୁ ମନ ଥୟ ଧରିଲା ନାହିଁ । ଝିଆରୀକୁ ଦେଖିବାକୁ ପାଇଁ ଘରକୁ ଆସିଥିଲେ ଭଦ୍ରକ ଜିଲ୍ଲା ଅର୍ଜୁନପୁର ତରେଇସାହିର ସ୍ୱାଧୀନ ବିଶ୍ୱାଳ ।

ତେବେ କିଛି ବାଟ ଆସିବା ପରେ ହଠାତ୍‌ ଏକ ଶବ୍ଦ ହୋଇଥିଲା । ଆଉ ସବୁ କିଛି ଓଲଟପାଲଟ ହୋଇଗଲା । କରମଣ୍ଡଳ ଏକ୍ସପ୍ରେସ୍‌ର ଦୁର୍ଘଟଣା ଘଟିଲା । ସ୍ୱାଧୀନ ଏହି ଦୁର୍ଘଟଣାରେ ଏକ ବଗି ତଳେ ଚାପି ହୋଇଗଲେ । ବେହୋସ ବି ହୋଇଯାଇଥିଲା । କିନ୍ତୁ ଚେତା ଆସିବା ପରେ ପାଖରେ ଥିବା ସାଙ୍ଗକୁ ଡାକିଥିଲେ । ସେତେବେଳକୁ ତାଙ୍କ ପାଖରେ କୌଣସି ସାଙ୍ଗ ନଥିଲେ ।

ଶେଷରେ ବହୁ କଷ୍ଟରେ ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ନିକଟସ୍ଥ ମେଡିକାଲରେ ଭର୍ତ୍ତି କରିଥିଲେ ।ମେଡିକାଲରୁ ସଂପୂର୍ଣ୍ଣ ସୁସ୍ଥ ହୋଇ ନିଜ ଜୀବନ ଆଉ ମୃତ୍ୟୁ ସହିତ କରିଥିବା ସଂଗ୍ରାମ ବିଷୟରେ କହିଛନ୍ତି ।