previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଧର୍ମଗଡ : ଲଗାଣ ବର୍ଷାରେ ବେହାଲ କଳାହାଣ୍ଡି ଜିଲ୍ଲା, ନଦୀ କୂଳିଆ ଅଞ୍ଚଳରେ ବନ୍ୟା ପରିସ୍ଥିତି
  • ||
  • ମୋହନା : ଲଗାଣ ବର୍ଷାରେ ବୃଦ୍ଧି ପାଇଲା ହରଭଙ୍ଗୀ ନଦୀର ଜଳସ୍ତର, ୪ ଗାଁକୁ ଯୋଗାଯୋଗ ବିଚ୍ଛିନ୍ନ
  • ||
  • ସାନଖେମୁଣ୍ଡି : କୂଅରେ ପଡିଲା ଜଙ୍ଗଲୀ ବାରହା, ଉଦ୍ଧାର କାର୍ଯ୍ୟ ଜାରି
  • ||
  • ପୁରୀ : ପୁରୀ ସମୁଦ୍ରରେ ସ୍ନାନ ବେଳେ ଅଘଟଣ : ଭାସିଯାଇ ଯୁବତୀଙ୍କ ମୃତ୍ୟୁ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ଗଛରେ ପିଟିହେଲା କାର୍, ଜଣେ ଶିଶୁ ସମେତ ୩ ଆହତ
  • ||
  • ସମ୍ବଲପୁର : ବ୍ରେକ୍ ଫେଲ୍ ହେଲା ଚଳନ୍ତା ବସ୍‌, ଭାରସାମ୍ୟ ହରାଇ ରାସ୍ତାରେ ଓଲଟିଲା
  • ||
  • କାମାକ୍ଷାନଗର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • ବିହାରରେ ବଦଳିବ ରାଜନୈତିକ ସମୀକରଣ : କଂଗ୍ରେସ-ଆରଜେଡି ସମର୍ଥନରେ ସରକାର ଗଢିବେ ନୀତିଶ !
  • ||
  • ଜୟପୁର : ନଦୀ ପାର ହେବା ସମୟରେ ଭାସିଗଲେ ବୃଦ୍ଧା, ମୃତଦେହ ଉଦ୍ଧାର କଲେ ପରିବାର ଲୋକ
  • ||
  • କଣ୍ଟାବାଞ୍ଜି : ଗାଁ ନିକଟ ମହୁଲ ଗଛରେ ଝୁଲୁଛି ଯୁବକଙ୍କ ମୃତଦେହ, ଆତ୍ମହତ୍ୟା ନା’ ହତ୍ୟା ଅସ୍ପଷ୍ଟ
  • ||

ଆକ୍ସିସ୍ ବ୍ୟାଙ୍କ୍ ଗ୍ରାହକଙ୍କୁ ଝଟ୍‌କା : ଜୁନ୍ ୧ରୁ ବଦଳିଯିବ ଏହିସବୁ ନିୟମ, ଦେବାକୁ ପଡିବ ଅଧିକ ଚାର୍ଜ

28/05/2022 at 4:49 PM

ନୂଆଦିଲ୍ଲୀ ୨୮।୫: ଆକ୍ସିସ୍ ବ୍ୟାଙ୍କ ଗ୍ରାହକଙ୍କ ପାଇଁ ବଡ ଖବର । ଆକ୍ସିସ୍ ବ୍ୟାଙ୍କ ତାର ଗ୍ରାହକଙ୍କୁ ଝଟ୍‌କା ଦେଇ ସଞ୍ଚୟ ଖାତା ଉପରେ ସେବା ଶୁଳ୍କ ବୃଦ୍ଧି କରିଛି । ଏହାର ପ୍ରଭାବ ଆକ୍ସିସ୍ ବ୍ୟାଙ୍କର ସମସ୍ତ ଗ୍ରାହକଙ୍କ ଉପରେ ପଡିବ । ବ୍ୟାଙ୍କର ଏହି ନିୟମ ଜୁନ୍ ୧ ତାରିଖରୁ ଲାଗୁ ହେବ । ବ୍ୟାଙ୍କ୍ ଖାତାରେ ରଖାଯାଉଥିବା ସର୍ବନିମ୍ନ ଜମା ରାଶି ମଧ୍ୟ ବୃଦ୍ଧି କରିଛି । ଯଦି ଆପଣ ବର୍ଦ୍ଧିତ ରାଶି ରଖିବାରେ ସକ୍ଷମ ନୁହଁନ୍ତି ତେବେ ମାସିକ ସେବା ଶୁଳ୍କ ମଧ୍ୟ ପୂର୍ବ ଅପେକ୍ଷା ଅଧିକ ଦେବାକୁ ପଡିବ ।

ବ୍ୟାଙ୍କ ତରଫରୁ ଜାରି କରାଯାଇଥିବା ଏକ ବିଜ୍ଞପ୍ତିରେ କୁହାଯାଇଛି ଯେ, ସଞ୍ଚୟ /ବେତନ ଖାତାର ଶୁଳ୍କ ଷ୍ଟ୍ରକ୍‌ଚରକୁ ୨୦୨୨ ଜୁନ୍ ୧ତାରିଖରୁ ପରିବର୍ତ୍ତନ କରାଯାଉଛି । ସହର ଏବଂ ଗ୍ରାମାଞ୍ଚଳରେ ମାସିକ ସର୍ବନିମ୍ନ ବାଲାନ୍ସକୁ ୧୫ହଜାରରୁ ୨୫ହଜାର ଟଙ୍କାକୁ ବୃଦ୍ଧି କରାଯାଇଛି । ଏହା ବ୍ୟତୀତ ଅଟୋ ଡେବିଟ୍ ସକ୍‌ସେସ୍ ନହେଲେ ଲାଗୁଥିବା ଚାର୍ଜ ମଧ୍ୟ ବୃଦ୍ଧି କରାଯାଇଛି । ଏହା ଆସନ୍ତା ଜୁଲାଇ ୧ ତାରିଖରୁ କାର୍ଯ୍ୟକାରୀ ହେବ ।

ଆକ୍ସିସ୍ ବ୍ୟାଙ୍କ ଗ୍ରାହକ ଯଦି ଆକାଉଣ୍ଟରେ ସର୍ବନିମ୍ନ ବାଲାନ୍ସ ବଜାୟ ରଖିବାରେ ସକ୍ଷମ ନ ହୁଅନ୍ତି ତେବେ ପୂର୍ବାପେକ୍ଷା ଅଧିକ ସର୍ଭିସ୍ ଚାର୍ଜ ଦେବାକୁ ପଡିବ । ମେଟ୍ରୋ ଏବଂ ସହରାଞ୍ଚଳ ପାଇଁ ସର୍ବାଧିକ ମାସିକ ସର୍ଭିସ୍ ଚାର୍ଜ ବର୍ତ୍ତମାନ ୬ଶହ ଟଙ୍କା ହେବ । ସେମି ସହରାଞ୍ଚଳ ପାଇଁ ଏହା ୩ଶହ ଟଙ୍କା ଏବଂ ଗ୍ରାମାଞ୍ଚଳ ପାଇଁ ୨୫୦ ଟଙ୍କା ହେବ ।

ନ୍ୟାସନାଲ ଅଟୋମେଟେଡ୍ କ୍ଲିୟରିଙ୍ଗ ହାଉସ୍ (NACH) ଫେଲ୍ ହେଲେ ଶୁଳ୍କ ବୃଦ୍ଧି ପାଇ ୫ଶହ ଟଙ୍କା କରିଦିଆଯାଇଛି । ଏହା ଆଧାରରେ ପ୍ରଥମ ଥର ରିଟର୍ଣ୍ଣ ହେବା ପାଇଁ ୩୭୫ ଟଙ୍କା, ଦ୍ବିତୀୟ ଥର ପାଇଁ ୪୨୫ ଟଙ୍କା ଏବଂ ତୃତୀୟ ଥର ପାଇଁ ୫୦୦ ଟଙ୍କା ଦେବାକୁ ପଡିବ । ଅଟୋ ଡେବିଟ୍ ଫେଲ୍ ହେଲେ ଏଥିପାଇଁ ଚାର୍ଜ ୨୦୦ରୁ ୨୫୦ଟଙ୍କାକୁ ବୃଦ୍ଧି ପାଇଛି ।

ଏହାସହ ଯଦି ବର୍ତ୍ତମାନ ଆପଣ ବ୍ୟାଙ୍କରୁ ଚେକ୍ ବୁକ୍ ଇସ୍ୟୁ କରାନ୍ତି ତେବେ ଆପଣଙ୍କୁ ଏଥିପାଇଁ ଅଧିକ ମୂଲ୍ୟ ଦେବାକୁ ପଡିବ । ପରିବର୍ତ୍ତନ ପରେ ପ୍ରତି ଲିଫ୍ ଚେକ୍ ବୁକ୍ ମୂଲ୍ୟ ୨.୫୦ରୁ ୪ ଟଙ୍କାକୁ ବୃଦ୍ଧି କରାଯାଇଛି । ଏହି ପରିବର୍ତ୍ତନ ଜୁଲାଇ ୧ରୁ କାର୍ଯ୍ୟକାରୀ ହେବ । ଫିଜିକାଲ ଡିଟେଲ୍ ଏବଂ ଡୁପ୍ଲିକେଟ୍ ପାସବୁକ୍ ଫି ଆକାରରେ ୭୫ଟଙ୍କା ପରିବର୍ତ୍ତେ ଏବେ ୧୦୦ଟଙ୍କା ଦେବାକୁ ପଡିବ । ଏହି ପରିବର୍ତ୍ତନ ମଧ୍ୟ ଜୁଲାଇ ୧ରୁ କାର୍ଯ୍ୟକାରୀ ହେବ ।

   Related Posts