ପୁରୀ ୦୨/୦୭: ଶ୍ରୀଗୁଣ୍ଡିଚା ମନ୍ଦିର ଚୁଲି ଭଙ୍ଗା ଘଟଣାରେ ସ୍ପଷ୍ଟୀକରଣ ରଖିଲେ ପରିଚାଳନା କମିଟି ସଦସ୍ୟ । ଗୁଣ୍ଡିଚା ମନ୍ଦିର ରୋଷ ଘର ଚୁଲି ଭଙ୍ଗା ଘଟଣାକୁ ଖଣ୍ଡନ କରିଛନ୍ତି ଶ୍ରୀମନ୍ଦିର ପରିଚାଳନା କମିଟି ସଦସ୍ୟ ଅନନ୍ତ ତିଆଡି । ଶ୍ରୀଗୁଣ୍ଡିଚା ମନ୍ଦିର ରୋଷଘରେ ଚୁଲି ଭଙ୍ଗା ଯାଇନାହିଁ । ଏନେଇ ସୂଚନା ଦେଇଛନ୍ତି ଅନନ୍ତ ତିଆଡି ।
ଶ୍ରୀଗୁଣ୍ଡିଚା ପୂର୍ବ ଦିନରୁ ଗୁଣ୍ଡିଚା ମନ୍ଦିରର ସମସ୍ତ ୨୪୦ ଟି ଟୁଲିକୁ ଭଙ୍ଗା ଯାଇଥାଏ । ଏହି ମରାମତି କାର୍ଯ୍ୟ ଦୁଇ ଦିନ ଧରି ଚାଲିଥାଏ । ବ୍ୟକ୍ତିଗତ କାରଣ ଦୃଷ୍ଟିରୁ ଯଦି କୌଣସି କ୍ଷତିଗ୍ରସ୍ତ ହୋଇଥାଏ ତାହା ନିଜସ୍ୱ । ପରମ୍ପରା ଅନୁସାରେ ଠାକୁରଙ୍କ ସଂଧ୍ୟା ଦର୍ଶନ ପରେ ଚୁଲି ମରାମତି ହୋଇଥାଏ ବୋଲି ସେ ସୂଚନା ଦେଇଛନ୍ତି ।
