ChampionMaganna_WebBanner_728X90
ChampionMaganna_WebBanner_728X90
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଆଦାନୀ ଗ୍ରୁପ ପାଇଁ ଖୁସିଖବର, ୨୦,୦୦୦ ହଜାର କୋଟି ଟଙ୍କା ଏକାଠି କରିବାକୁ ମିଳିଲା ମଞ୍ଜୁରୀ

9/10/2022 at 9:34 AM

ନୂଆଦିଲ୍ଲୀ: ଅମ୍ୱୁଜା ସିମେଣ୍ଟ ଲିମିଟେଡ୍ ଶନିବାର କହିଛି ଏହାର ଅସାଧାରଣ ସଧାରଣ ବୈଠକ(extraordinary general meeting )ରେ ଆଗତ କରାଯାଇଥିବା ସମସ୍ତ ପ୍ରସ୍ତାବକୁ ସେୟାରଧାରକଙ୍କ ମଞ୍ଜୁରୀ ମିଳିଛି । କମ୍ପାନି ସେୟାର ବଜାରକୁ ଏହି ସୂଚନା ଦେଇଛି । କମ୍ପାନି କହିଛି ଇଜିଏମରେ ଆଦାନୀ ଗ୍ରୁପର କମ୍ପାନି ହାର୍ମେନିଆ ଟ୍ରେଡ ଆଣ୍ଡ ଇନଭେଷ୍ଟମେଣ୍ଟ ଲମିଟେଡକୁ ସିକ୍ୟୁରିଟି ଜାରି କରି ୨୦,୦୦୦ କୋଟି ଟଙ୍କା ଏକାଠି କରିବାର ଏକ ସ୍ୱତନ୍ତ୍ର ପ୍ରସ୍ତାବ ମଧ୍ୟ ପାରିତ କରିଛି । ଏହି ପ୍ରସ୍ତାବ ପକ୍ଷରେ ୯୧.୩୭ ପ୍ରତିଶତ ସେୟାରଧାରକଙ୍କ ସମର୍ଥନ ରହିଛି ।

ଏହାସହ ଆଦାନୀ ଗ୍ରୁପର ଅଧ୍ୟକ୍ଷ ଗୌତମ ଆଦାନୀଙ୍କ ପୁଅ କରଣ ଆଦାନୀ ଏବଂ ଅନ୍ୟ ଦୁଇ ନିର୍ଦ୍ଦେଶକ ତଥା ଚାରି ସ୍ୱତନ୍ତ୍ର ନିର୍ଦ୍ଦେଶକଙ୍କୁ ଅମ୍ୱୁଜା ସିମେଣ୍ଟସର ନିର୍ଦ୍ଦେଶକ ମଣ୍ଡଳରେ ନିଯୁକ୍ତି ଦେବା ସମ୍ପର୍କିତ ପ୍ରସ୍ତାବକୁ ସେୟାରଧାରକଙ୍କ ମଞ୍ଜୁରୀ ମିଳିଛି । ଇଜିଏମରେ ଗୌତମ ଆଦାନୀ ଉପସ୍ଥିତ ନଥିଲେ ଏବଂ ତାଙ୍କ ସ୍ଥାନରେ ତାଙ୍କ ପୁଅ କରଣ ଆଦାନୀ ବୈଠକର ଅଧ୍ୟକ୍ଷତା କରିଥିଲେ ।

ଚଳିତ ସପ୍ତାହ ଆରମ୍ଭରେ ସଂସ୍ଥାଗତ ନିବେଶକ ପରାମର୍ଶ କମ୍ପାନି ଆଇଆଇଏଏ ସେୟାରଧାରକଙ୍କୁ ୨୦,୦୦୦ କୋଟି ଟଙ୍କା ଏକାଠି କରିବା ପ୍ରସ୍ତାବ ବିରୋଧରେ ମତ ଦେବାକୁ ପରାମର୍ଶ ଦେଇଥିଲା । ଇଜିଏମରେ ମୋଟ ୧୨ଟି ପ୍ରସ୍ତାବକୁ ମଞ୍ଜୁରୀ ମିଳିଛି । ଆଦାମୀ ଗ୍ରୁପ ଗତ ସପ୍ତାହରେ ଅମ୍ୱୁଜା ଏବଂ ଏସିସି ସିମେଣ୍ଟର ଅଧିଗ୍ରହଣ ନେଇ ଘୋଷଣା କରିଥିଲା । ପ୍ରାୟ ୫୩,୮୦୦ କୋଟି ଟଙ୍କାର ବୁଝାମଣାରେ ଏହି ଦୁଇ ସିମେଣ୍ଟ ଉତ୍ପାଦନ କରୁଥିବା କମ୍ପାନିରେ ହୋସ୍ଲିନର ଅଂଶଧନକୁ ଆଦାନୀ ଗ୍ରୁପ କିଣିଥିଲା ।

   Related Posts