ରାଞ୍ଚୀ ୧୩।୧୨: ଝାଡଖଣ୍ଡ ବିଧାନସଭା ନିର୍ବାଚନରେ କ୍ଷମତାସୀନ ବିଜେପିକୁ ପରାଜୟ ବରଣ କରିବାକୁ ପଡିଛି। ଦଳରେ ବିଭେଦ ଓ ତ୍ରୁଟିପୂର୍ଣ୍ଣ ମେଣ୍ଟ ନିଷ୍ପତ୍ତି ଯୋଗୁ ବିଜେପି ଭୋଟ ପ୍ରତିଶତରେ ଅଗ୍ରଣୀ ଥାଇ ମଧ୍ୟ ଏବେ ବିରୋଧୀ ଦଳରେ ବସିବ। ଏଣୁ ମୁଖ୍ୟମନ୍ତ୍ରୀ ପଦରୁ ରଘୁବର ଦାସ ସନ୍ଧ୍ୟାରେ ଇସ୍ତଫା ଦେଇଛନ୍ତି। ଝାଡଖଣ୍ଡ ରାଜ୍ୟପାଳ ଦ୍ରୌପଦୀ ମୁର୍ମୁଙ୍କୁ ରାଜଭବନରେ ଭେଟି ରଘୁବର ତାଙ୍କର ଇସ୍ତଫା ପତ୍ର ପ୍ରଦାନ କରିଛନ୍ତି। ସେପଟେ ମେଣ୍ଟର ମୁଖ୍ୟ ଭାବେ ରାଜ୍ୟର ନୂଆ ମୁଖ୍ୟମନ୍ତ୍ରୀ ହେବାକୁ ଯାଉଥିବା ହେମନ୍ତ ସୋରେନଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ୱିଟ୍ କରି ଶୁଭେଚ୍ଛା ଜ୍ଞାପନ କରିଛନ୍ତି।
wp:html/wp:htmlCongratulations to @HemantSorenJMM Ji and the JMM-led alliance for the victory in the Jharkhand polls. Best wishes to them in serving the state.
— Narendra Modi (@narendramodi) December 23, 2019
ସେପଟେ ରାଜ୍ୟରେ ବିଧାନସଭା ନିର୍ବାଚନ ଫଳାଫଳକୁ ବରିଷ୍ଠ ବିଜେପି ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ସ୍ୱୀକାର କରିଛନ୍ତି। ଝାଡଖଣ୍ଡ ଜନାଦେଶକୁ ଦଳ ସ୍ୱାଗତ କରୁଥିବା ଅମିତ ଶାହ ଟ୍ୱିଟ୍ରେ ଉଲ୍ଲେଖ କରିଛନ୍ତି। ଝାଡଖଣ୍ଡ ନିର୍ବାଚନରେ ବିଜେପି ଭୋଟ ପ୍ରତିଶତରେ ୧ ନମ୍ବରରେ ରହିଛି। ହେଲେ ରାଜନୀତି ଗଣିତ ୧+୧=୧୧ ନୀତିରେ କଂଗ୍ରେସ, ଝାମୁମୋ ଓ ଆରଜେଡି ଏବେ ସରକାର ଗଢିବାକୁ ଯାଉଛି।
wp:html/wp:htmlहम झारखंड की जनता द्वारा दिये गये जनादेश का सम्मान करते हैं।
— Amit Shah (@AmitShah) December 23, 2019
भाजपा को 5 वर्षों तक प्रदेश की सेवा करने का जो मौका दिया था उसके लिए हम जनता का हृदय से आभार व्यक्त करते हैं। भाजपा निरंतर प्रदेश के विकास के लिए कटिबद्ध रहेगी।
सभी कार्यकर्ताओं का उनके अथक परिश्रम के लिए अभिनंदन।
ଝଡଖଣ୍ଡରେ ବିଜେପିକୁ ସର୍ବାଧିକ ୩୩.୬ ପ୍ରତିଶତ ଭୋଟ ମିଳିଛି। ସେହିପରି ଜେଏମଏମକୁ ୧୮.୯, କଂଗ୍ରେସକୁ ୧୩.୮ ଓ ଆରଜେଡିକୁ ୨.୮୨ ପ୍ରତିଶତ ଭୋଟ ମିଳିଛି। ଫଳରେ ସଂଯୁକ୍ତ ଭୋଟ ପ୍ରତିଶତରେ ଏବେ କଂଗ୍ରେସ୍,ଜେଏମଏମ ଓ ଆରଜେଡି ମେଣ୍ଟ ରାଜ୍ୟରେ ସରକାର ଗଢିବେ। ରାଜନୀତି ଅଙ୍କ ଗଣିତ ସୂତ୍ର ଭୁଲ କରିବା ଯୋଗୁ ବିଜେପିକୁ ପରାଜୟ ସ୍ୱୀକାର କରିବାକୁ ପଡିଛି। ଦଳରେ ବିଦ୍ରୋହୀଙ୍କୁ ସନ୍ତୁଷ୍ଟ କରି ନପାରିବା ଓ ମେଣ୍ଟଙ୍କ ସହ ସ୍ୱାର୍ଥରେ ବୁଝାମଣା ନ କରିବା ଯୋଗୁ ନିଜ ସିଟ୍ରେ ମୁଖ୍ୟମନ୍ତ୍ରୀ ରଘୁବର ଦାସ ପରାସ୍ତ ହୋଇଛନ୍ତି।
