ରାଉରକେଲା ୬।୧୧: ସୁନ୍ଦରଗଡ କୁତ୍ରା ବ୍ଲକ୍ କଟଙ୍ଗ ଜଙ୍ଗାରପଡ଼ା ଗାଁର ବିର୍ଜୁ କୁଲୁ ୨୦ବର୍ଷ ପାକିସ୍ତାନର ଲାହୋର ଜେଲରେ ରହିବା ପରେ ଗତ ୨୬ ତାରିଖରେ ମୁକ୍ତ ହୋଇ ଭାରତ ଆସିଥିଲେ । ସ୍ବଦେଶ ଫେରିବା ପରେ ଅମୃତସର ନାରାୟଣଗଞ୍ଜର ୧୪ ଦିନିଆ କ୍ବାରେଣ୍ଟାଇନ ସେଣ୍ଟରରେ ରଖାଯାଇଛି ।
ବିର୍ଜୁଙ୍କୁ ତାଙ୍କ ଘର ସୁନ୍ଦରଗଡକୁ ଫେରାଇ ଆଣିବା ପାଇଁ ଶୁକ୍ରବାର କୁତ୍ରା ବ୍ଲକ ପ୍ରଶାସନ ପକ୍ଷରୁ ଏକ ବୋଲେରୋ ବାହାରି ସାରିଛି । ବିର୍ଜୁଙ୍କୁ ଆଣିବା ପାଇଁ ଯାଇଛନ୍ତି କୁତ୍ରା ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ମଦନ ସିଂ । ଶୁକ୍ରବାର ବାହାରି ଥିବା ଗାଡିକୁ ପୂଜାର୍ଚ୍ଚନା କରିବା ପରେ ରାଜଗାଙ୍ଗପୁର ବିଧାୟକ ରାଜନ ଏକ୍କା ପତାକା ଦେଖାଇଥିଲେ ।
