scan steel
web-baneer-728x90
WhatsApp Image 2023-12-06 at 12.52.17
728x90-banner-17.2.24jpg
Untitled-1 copy (1)
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online, Odisha News, khabar odisha,news in oriya

ଦାରିଙ୍ଗବାଡିରେ ଅଷ୍ଟମ ଶ୍ରେଣୀ ଛାତ୍ରୀ ପ୍ରସବ ଘଟଣା ; ପ୍ରଧାନ ଶିକ୍ଷୟିତ୍ରୀଙ୍କ ସହ ୩ ନିଲମ୍ବିତ, ଅଭିଯୁକ୍ତ ଗିରଫ

14/01/2019 at 10:52 AM

ଦାରିଙ୍ଗବାଡି ୧୪|୧: କନ୍ଧମାଳ ଦାରିଙ୍ଗବାଡ଼ି ଗ୍ରୀନ୍ ବାଡ଼ି ଆବାସିକ ସ୍କୁଲରେ ଜଣେ ଅଷ୍ଟମ ଶ୍ରେଣୀ ଛାତ୍ରୀ ସନ୍ତାନ ପ୍ରସବ କରିବା ଏବଂ ପରେ ତାକୁ ଜଙ୍ଗଲକୁ ତଡ଼ିଦେବା ଘଟଣାକୁ ନେଇ ସାରା ରାଜ୍ୟ ହୁଲୁସ୍ତୁଲ ହୋଇଛି । ନ୍ୟୁଜ୍ ସେଭେନରେ ଏହି ଖବର ପ୍ରସାରଣ ପରେ ଗୋଟିଏ ପଟେ ସରକାର ଆକ୍ସନକୁ ଆସିଛନ୍ତି । ୧୦ ଦିନ ଭିତରେ ଘଟଣାର ତଦନ୍ତ ରିପୋର୍ଟ ଦେବା ସହ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ନିର୍ଦ୍ଦେଶ ଦେଇଛନ୍ତି ବିଭାଗୀୟ ମନ୍ତ୍ରୀ । ପ୍ରଶାସନ ପ୍ରଧାନ ଶିକ୍ଷୟିତ୍ରୀଙ୍କୁ ନିଲମ୍ବିତ କରିଥିବା ବେଳେ, ଜଣେ ଅଭିଯୁକ୍ତକୁ ଗିରଫ କରାଯାଇଛି । ପ୍ରଧାନଶିକ୍ଷୟିତ୍ରୀ ରାଧାରାଣୀ ଦଳେଇଙ୍କୁ ନିଲମ୍ବିତ କରାଯାଇଛି।  ୩ ମହିଳା ଆସିଷ୍ଟାଣ୍ଟ ସୁପରିଟେଣ୍ଡେଣ୍ଟଙ୍କୁ ନିଲମ୍ବିତ କରାଯାଇଛି। ୨ ମାଟ୍ରନ, ଜଣେ ଏଏନଏମ, ୨ କୁକ୍ ଙ୍କୁ ବହିଷ୍କାର କରାଯାଇଛି।

ଘଟଣାରେ ତଦନ୍ତ କରି ରିପୋର୍ଟ ଦେବେ କନ୍ଧମାଳ ଜିଲ୍ଲାପାଳ । ଜିଲ୍ଲାପାଳ ତଦନ୍ତ ପାସ୍ କରିଛନ୍ତି ଉପଜିଲ୍ଲାପାଳଙ୍କ ନିକଟକୁ ।  କେଉଁ ପରିସ୍ଥିତିର ଛାତ୍ରୀ ମାଆ ହେଲେ, ଏଥିପାଇଁ କିଏ ଦାୟୀ ସେନେଇ ତଦନ୍ତ ହେବ । ସେପଟେ ଏହି ଘଟଣାର ମୁଖ୍ୟ ଅଭିଯୁକ୍ତ ସ୍ଥାନୀୟ କଲେଜର ଏକ ଯୁକ୍ତ ୩ ଛାତ୍ରକୁ ଧରିଛି ପୋଲିସ। ଥଣ୍ଡାରେ ପୀଡିତା ଜଣକ ଶିଶୁକନ୍ୟାକୁ ଧରି ଜଙ୍ଗଲ ଭିତରେ ପଡିଥିଲେ । ଲଜ୍ଜା ଏବଂ ପୀଡା ପରେ ନିର୍ଯାତନା ଦିଆଯାଇଛି । ଏନେଇ ଖବର ପ୍ରସାରଣ ପରେ ହିଁ ଆକ୍ସନକୁ ଆସିଥିଲେ ଜିଲ୍ଲା ମଙ୍ଗଳ ଅଧିକାରୀ । ପୀଡିତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ତେବେ ପୀଡ଼ିତାଙ୍କୁ ବ୍ରହ୍ମପୁର ଏମ୍ କେସିଜି ମେଡିକାଲ ସ୍ଥାନାନ୍ତର କରାଯିବା ପାଇଁ ଚିନ୍ତା କରାଯାଉଛି।

   Related Posts