ନୂଆଦିଲ୍ଲୀ: ଦକ୍ଷିଣ ଆଫ୍ରିକାର ଇଷ୍ଟନ କ୍ୟାପ୍ ଅଞ୍ଚଳରେ ବଡ଼ ଧରଣର ଗୁଳିକାଣ୍ଡ। ଏଥିରେ ୮ ଜଣଙ୍କର ମୃତ୍ୟ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି। ଏକ ଜନ୍ମଦିନ ପାଳନ ଉତ୍ସବରେ ଏହି ଗୁଳିକାଣ୍ଡ ହୋଇଥିବା ସୂଚନା ମିଳିଛି।
ରବିବାର କ୍ୱାଜାକେଲି(Kwazakele)କ୍ୱାବେରହା(Gqeberha)ର ଏକ ଘରେ ଜନ୍ମଦିନ ଉତ୍ସବ ପାଳନ କରାଯାଉଥିବା ବେଳେ ଦୁଇ ଦୁର୍ବୃତ୍ତ ଆଖିବୁଜା ଗୁଳି ଚଳାଇଥିଲେ। ଏଥିରେ ୮ ଜଣଙ୍କର ମୃତ୍ୟ ହୋଇଥିବା ସାଉଥ୍ ଆଫ୍ରିକାନ ପୁଲିସ ସର୍ଭିସ୍(SAPS) ପକ୍ଷରୁ ସୂଚନା ଦିଆଯାଇଛି। ଏହି ଘଟଣାରେ ୩ ଜଣ ଆହତ ହୋଇଥିବା ବେଳେ ସେମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି।
ତେବେ ଏହି ଘଟଣା ଘଟାଇବା ପରେ ଦୁର୍ବୃତ୍ତମାନେ ଫେରାର୍ ହୋଇଯାଇଛନ୍ତି। ଏପର୍ଯ୍ୟନ୍ତ କାହାକୁ ଗିରଫ କରାଯାଇ ନାହିଁ। ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଥିବା ବେଳେ ପୁଣିଥରେ ଆଟାକ୍ ହୋଇପାରେ ବୋଲି ଚେତାବନୀ ଦେଇଛି।
ଗତବର୍ଷ ମଧ୍ୟ ଦକ୍ଷିଣ ଆଫ୍ରିକାରେ ଏଭଳି ଏକ ଦୁଃଖଦ ଘଟଣା ଘଟିଥିଲା ଦୁର୍ବୃତ୍ତଙ୍କ ଗୁଳି ଚାଳନାରେ ୧୯ ଜଣଙ୍କର ମୃତ୍ୟୁ ହୋଇଥିଲା। କେହି ଘଣ୍ଟା ଧରି ଶୁଟିଂ ଜାରି ରଖିଥିଲା ଶୁଟର।
