ନୂଆଦିଲ୍ଲୀ .- ଶ୍ରୀଲଙ୍କା ବାଟ ଦେଇ ତାମିଲନାଡୁରେ ଲକସର୍-ଇ-ତୋଇବା ଆତଙ୍କବାଦୀ ସଙ୍ଗଠନର ୬ ଜଣ ଆତଙ୍କବାଦୀ ପ୍ରବେଶ କରିଛନ୍ତି । ଭାରତୀୟ ଗୁଇନ୍ଦା ବିଭାଗ ପକ୍ଷରୁ ଏହି ସୂଚନା ଦିଆଯାଇଛି । ଏହା ପରେ ତାମିଲନାଡୁରେ ହାଇ ଆଲର୍ଟ ଜାରି କରାଯାଇଛି । ଏମାନଙ୍କ ମଧ୍ୟରେ ୫ ଜଣ ଶ୍ରୀଲଙ୍କାର ନାଗରିକ ଥିବାବେଳେ ଜଣେ ପାକିସ୍ତାନ ନାଗରିକ ରହିଛି ।
ଏହି ସୂଚନା ମିଳିବା ପରେ ଚେନ୍ନାଇରେ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । ବିମାନ ବନ୍ଦର ସମେତତ ବଭିନ୍ନ ଜନଗହଳିପୂର୍ଣ୍ଣ ସ୍ଥାନରେ ଯାଞ୍ଚ ବ୍ୟବସ୍ଥାକୁ କଡା କଡି କରାଯାଇଛି। କaଏମ୍ବଟୁର ପୁଲିସ ପକ୍ଷରୁ ଦୁଇ ଜଣ ସନ୍ଦିଗ୍ଧଙ୍କର ଫଟୋ ଜାରି କରାଯାଇଛି ।
ଚେନ୍ନାଇରେ ପାଟ୍ରୋଲିଂଙ୍କୁ କଡାକଡି କରାଯାଇଛି ବୋଲି ଚେନ୍ନାଇ ପୁଲିସ କମିଶନର ସୂଚନା ଦେଇଛନ୍ତି । ଏବେ ତାମିଲନାଡୁ ସାରା ବିଭିନ୍ନ ହୋଟେଲ୍ମାନଙ୍କର ଯାଞ୍ଚ କରାଯାଉଥିବା ବେଳେ ଗାଡି ମଟର ଯାଞ୍ଚ କରାଯାଉଛି, ବୋଲି ତେମିଲନାଡୁ ପୁଲିସ ଡିଜି କହିଛନ୍ତି ।
ଆଗୁର ପାକିସ୍ତାନ କାଶ୍ମୀରକୁ ଆଫଗାନୀସ୍ତାନର ଆତଙ୍କବାଦୀଙ୍କୁ ପଠାଇବା ପାଇଁ ଯୋଜନା କରୁଥିବା ସୂଚନା ମିଳିଥିଲା । ଏବେ ଶ୍ରୀଲଙ୍କାର ବିଭିନ୍ନ ଆତଙ୍କବାଦୀ ସଙ୍ଗଠନସହ ପାକି୍ସ୍ତାନର ଆତଙ୍କବାଦୀ ସଙ୍ଗଠନ ଯୋଗାଯୋଗରେ ରହିଥିବା ସହ ଆକ୍ରମଣ ପାଇଁ ଯୋଜନା କରିଥିବା ଗୁଇନ୍ଦା ସୂଚନା ମିଳିଛି ।
